De armes et espeye

(1) Armes signifient seürté^* de enemis.

(2) ¶ Qi sounge q’il isse armee de chastel ou de ville: son enemy vencra et en fort estrif^* serra.

(3) Si povere est ou de poeple et soit armé de ffeer: il enrichera et en son overaigne^* profitera.

(4) ¶ Qi voit poeple q’il conoist armee à bataille: graunt joye et graunt victorie de poeple avera.

(5) S’il ne conoist le poeple et haut home est qe ceo voit: tristour^* et grant anguise avera par ageit de ses enemis.

(6) ¶ Qi jouste od launce, en place devaunt le poeple: grant renomee trovera solom ceo q’il bien jousta.

(7) ¶ Si la haste^* depesse^*: <256v> sa joye amenusera^* et par mort perdra acun de ses mestre serjauntz ou de ses bons amis^*.

a B: poestree.

b B: consue. Croix suscrite.

(8) ¶ Qi voit q’il eit hauberk^* vestu: mout avera joie de la mort de ses enemis, solom la force et la pesauntisme^* del hauberk^*, et enrichera et joie avera.

(9) ¶ Qi se voit porter heaume: poesté^* et grant force vers justise^a trovera.

(10) ¶ S’il ad maunches et chauces^* de feer^*: joie avera et loials trovera ses serjauntz.

(11) ¶ Qi trove espee^* et la ceint: joye avera solom la clarté^* del espee^*, et c’est le signe de feme et de fitz.

(12) ¶ Qi voit espee^* depescee^* et le foer^* delez^*b l’espee^* entier: son fitz murra mes sa feme vivera.

(13) [Si le] reverse: dounc murra la femme et nient le fitz.

(14) ¶ Femme qe prent armes, launce, espee^* ou setes^*, si enceynte est: madle enfaunt avera.

(15) ¶ Ark^* signefie miere ou^* fitz²⁵⁷.

82. De draps

(1) Le jugement des vestimentz est de meinte manere, solom les diversetés^* et les colours.

(2) ¶ Qi se voit vestu de jupe^* de soie: poesté^* et dignité avera solom l’overeyne^*et la beauté de la jupe^*.

(3) Qi [se voit vestu]^c de lynge^* drap: feme avera solom la beuté.

(4) ¶ Qi novele jupe^* veste: novele femme avera.

(5) Si la jupe^* soit rouge: la femme serra pleine de joie.

(6) Si blaunche: beale serra.

(7) Si jaune: malengouse^*258 serra et avera corouce de son seignour.

(8) Si vert: foial^* vers Dieu serra.

(9) Si de purpre: riche et laid serra.

(10) Si noire: povere serra par maveisté.

(11) ¶ Si jupe^* ly soit tollue^* ou arse: sa feme perdra.

(12) Si emblé^* ou perdue: grant ennoy^* par sa femme avera.

(13) ¶ Chemise afiert^* al estat de la meson.

(14) Les braiz^* affiertent^* à serjaunt ou à feme.

(15) ¶ Qi veste sole^*259 chemise et ne feut mie à ceo acustumee^*: son avoir amenusera^*.

a B: avera exponctué.

b B: croix suscrite. Nous ne changeons rien.

c B: omis.

(16) ¶ Qi voit ses braiz^* plus beles q’il ne soleient^*: de sa feme s’enjoyera.

(17) ¶ Ffemme qe voit qe soit vestue de draps d’omme, <257r> si enceinte est: madle enfant avera;

(18) et sachez qe gros^* draps et novels, qi les voit en sounge: meilour jugement ount qe le sutil^*.

(19) Touz les draps qe home porte de blaunk colour: joie et grant glorie signefient, solom ceo qe les sout^* porter.

(20) ¶ Dras de vermail colour: plus parfounde joye signifient, et en femes plus q’en hommes.

(21) ¶ Jaune colour en checun vestement signifie graunt mal si com avoms dit devaunt, car checun vestement solom le colour ad son jugement.

(22) E qe porte vert: bone foi moustre à mort et à vif.

(23) ¶ Qi se voit vestu de draps de diverse colour: par roi ou par poesté^* de ly grant peine et grant pour^* avera[, s’]il le veste saunz custume^*;

(24) mes s’il le veste par custume^*: menour^* serra et tencion avera entre ses amis^*. (25) ¶ Touz draps espés, novels et gros^*, signifient bien à poeple et à povere.

(26) ¶ Si rois doune vestement à acun et noun pas des soens q’il use: il enrichera et honur devant le people avera.

(27) ¶ Si feme receit vestement d’acun de ses parentz: joie avera de ly et de poeple autreci^*.

(28) Si rois est et son baronage soit vestu des draps vermails: son baronage se esleessera^* et chose qe ly plait^* ferra.

(29) ¶ Si rois voit seon poeple vestu de blef^* draps: ceo signifie richesse od graunt ennoy^* et graunt corouce.

(30) ¶ Qi voit ses draps vermailles: exillez serra, et s’il deit aller en guerre: en tristour^* et en mal aventure^* serra.

(31) ¶ Qi porte acune de ses draps jaune: solom ceo qe la vesture est serra anguissé.

(32) ¶ Ensement^* depessure^*, pureture^* et perte de draps: hounte^* et poverté signifient.

(33) ¶ Qi voit q’il porte noveles peaux en yver^*: richesse par heir^* home avera, solom les peaux.

(34) Si en esté les porte et eit anguise de chaud: avoir trovera par corouce et travail.

83. De feu

(1) Feu grant signifiaunce ad et à moutz de persones affiert^*.

(2) ¶ Qi voit par feu lieu arz ou chaump ou meson del tut: le seignour del lieu qe habite par bataill ou ewe^*260 perira. <257v>

(3) Si le feu est saunz flamme et tut n’ard^* mie: en partie serra la tribulacion.

(4) Si rois ou prince ceo voit: le mal avendra ou al poeple ou à la cité.

(5) ¶ Qi voit ses draps ars: sa glorie perdra et sa dignité.

(6) ¶ Qi voit sa meson^a ardoir^*: pené^* serra par roi ou par homme poestif^*. (7) ¶ Qi voit les draps de son lit ars: sa feme ou s’amye^* perdra.

(8) ¶ Qi voit acun de ses membres ars: en poverté et en perdicion cherra solom la signifiaunce des membres qe dit avoms.

(9) ¶ Qi mangue charbouns^* vifs saunz flaume^* et fumee: avoir d’or gaynera^*.

(10) ¶ Qi garde ou eit vifs charbouns^* ou trove saunz flaume^* et saunz fumee: avoir trovera et le muscera^*.

(11) E si la flambe [le]^b touche ou arde^*: acusee serra et anguisse avera solom le blessure.

(12) ¶ Qi se voit ars par flambe: par home poestif^* pené^* serra ou en grant bataille murra ou en grant ennoy^* ou en grant enfermeté^* cherra.

(13) ¶ Qi se voit ars de feu saunz flambe: pené^* serra par coveitise d’avoir et cely qe porte cendres de feu: faus serra en ses paroles mes de haut home bien avera.

(14) ¶ Qi se voit allumer charbouns^* en acun vessel^*: à haut home servira, et s’il les esteint^* de ewe^*: haut home coroucera.

(15) ¶ Qi ahoure^*261 feu desouz put: al seignour del lieu tencera^*.

(16) ¶ Qi eschaufe peyn^* ou autre viaunde^* al feu pur manger: souz autri poesté^* et en graunt pour^* vivera.

(17) ¶ Qi voit q’il tient laumpe allumee: poesté^* avera solom la clartee de la flaumbe.

(18) ¶ Qi en tenebres allume laumpes pur veer, s’il l’a allumé et voit: penera^* soi de joie²⁶² et poesté^* avera, et l’avera solom la lumere.

(19) Si rois est: penera^* soi d’estre alosee^* et serra home de religion et en foi crestera^*. (20) ¶ Qi donne à autre lumere: il le enhaucera^*.

(21) ¶ Qi esprent feu pur soi eschaufer: haut home requerra^* et solom le chaufure^*263 enrichera.

(22) ¶ Ffroidure^* à poverté affiert^*.

a B: ad exponctué.

b B: se.

(23) ¶ Qi prent feu pur tostir^* char et il la rostit: achesouns^* trovera et accusacions pur home pener^*. <258r>

(24) De la char rostie: pechié et avoir trovera et confusion^* devaunt le poeple solom ceo qe mangeü avera.

(25) ¶ Et sachez qe nul arsoun^* de feu ne signifie bien fors^* qe as marchantz.

(26) ¶ Si marchaunt voit sa meson ars en lieu où son meyndre^* feust: hastif^* geyn^* signifie et od tricherie^*.

(27) ¶ Si rois donne launternes ardauntes: poesté^* et dignité durra à cely.

(28) E s’il fet allumer moutz de lumers en esglise ou en son paleis: à ses haut homes durra poesté^* et les fra joie.

(29) Si les lumers soient esteintz^* estre son gree: ennoy^* avera par ses enemis solom le oscurtee.

(30) ¶ Qi voit la plus grant lumere de la meson esteinte^*: le seignour de la meson murra.

(31) Si autre foiz la voit allumee: autre seignour vendra.

(32) Si la lumere amenuse^* si qe prés esteint^*: malade serra le seignour et en poverté charra^*.

(33) ¶ Qi voit sa meson plein de fumee: solom la fumee par haut home travaillé serra.

(34) Si la fumee est de bon odour: par douces paroles haut home esleessera^* et bon renomé avera.

(35) Si la lumere esteint^* tant com rois la tient: anguissee serra et de courte vie.

(36) Si de poeple est: sa poesté^* perdra et pas ne fra ceo qe empris out.

(37) ¶ Qi porte feu en ses draps et n’ardent^* mye: familiarité et baillie^* de roi receivera.

(38) ¶ Si par lumer ardant tut le vassel^* espreigne: le seignour del hostel hautesse et glorie avera et peus^* murra tost.

(39) ¶ Si rois voit pilers d’esglise ou de son paleis ardoir^*: des hautz q’il a levé perdicion signifie.

(40) ¶ Qi arde^* ses cheveux: son avoir perdra solom l’arsure de cheveux.

(41) Si rois est: son poeple par bataille perdra.

(42) ¶ Si rois voit sa sele^* arse: son roialme abessera^*. (43) Si son dois^* ou sa chaiere²⁶⁴ arde^*: il murra.

(44) Si son sege^* soulement soit ars: la roigne^* murra.

(45) ¶ E sachez qe clarté^* de lumere en meson habundaunce de bien et glorie signifie.

(46) Defaute de lumere: le contrarie. <258v>