Ar yezh e matematikoù
Meur a familh skoilhoù :
A- Ar rener arboellet er frazenn B- Ur ger fetis ha pouezus arboellet
C- Implij ar raganvioù, pe an araogennoù displeget D- Displegañ ar verboù
E- Kompren ma vez komzet ag un dra gourel pe gwregel - araogennoù displeget
- e / he
- displegadur ar verb kaout F- Ha ! Ha ! Ha ! & Ha ! G- Bern-divern
A- Ar rener arboellet er frazeznn
CE1
24- Zoé, mignonez Liza, zo aet 10 devezh d'ar menezioù da skiañ. Loc'het eo d'ar 15 a viz Genver. Pegoulz e teuio en-dro.
Zoé zo er penn kentañ an destenn ; Liza zo etre Zoé hag an daou verb.
Zoé, mignonez Liza, zo aet 10 devezh d'ar menezioù da skiañ. Loc'het eo Zoé d'ar 15 a viz Genver. Pegoulz e teuio Zoé en-dro.
42- 45 perlezenn a fell da Alex reiñ da Liza. Dre boestadoù 5 e vez gwerzhet ar perlez. Pet boestad a rank prenañ ?
Alex pe Liza a rank prenañ ?
(Tri verb a gomz ag un eskemm disheñvel : reiñ, prenañ, gwerzhañ) Pet boestad a rank Alex prenañ ?
17- War ar merk 8 emañ pezhig Moutik. War ar merk 20 en deus c'hoant ez afe e bezhig. Eus pet merk e rank lakaat anezhañ da vont a-raok ?
Moutig n'eo ket rener frazenn ebet en a-raok. Er goulenn nend eus ket ger fetis ebet.
War ar merk 8 emañ pezhig Moutik. Fellout a ra dezhañ mont war ar merk 20. Eus pet merk e rank Moutik mont war-raok gant e bezhig .
CE2
2-19- En ti-post e vez gwerzhet an timbroù a garnedoù 10 timbr.
a- 50 lizher a rank kas rener ar skol d'al lun. Un timbr evit pep lizher eo ret dezhañ kaout.
b- 247 lizher a rank kas d'ar yaou. Ret eo dezhañ kaout un timbr evit pep lizher.
Daou verb unan war-lerc'h an arall. « 50 lizher a rank rener ar skol kas d'al lun. » 247 lizher a rank ar rener kas d'ar yaou.
3-3- Meur a garrez zo bet treset gant ar memes gobari met n'int ket troet er memes mod.
Klask anezho.
Int a verk ar liester, mes kas a ra d'ur strollad ha ne ziskouez ket splann ar liester (meur a garrez # karrezioù ).
9-7- Ar c'hoarier kentañ a lak ur jedouer war ar gartenn. Reiñ a ra disoc'h ar jedadenn. Treiñ a ra ar gartenn. Lakaat a ra anezhi war an daolenn. […] Trec'h eo an hini a zo gantañ ar muiañ a jedoueroù.
Tri verb da heul hep rener lakaet war well. Er frazenn « Lakaat a ra anezhi war an daolenn. », an traoù pouezus (ar c'hoarier / ar gartenn) n'int ket estaolet en ur mod splann.
B- Ur ger fetis arboellet
CE1
26- Alex en deus graet 15 boulenn-erc'h. 5 muioc'h eget Liza en deus graet. Pet boulenn-erc'h zo bet graet gant Liza ?
5 zo evit 5 boulenn-erc'h.
Alex en deus graet 15 boulenn-erc'h. 5 boulenn-erc'h muioc'h eget Liza en deus graet Alex.
Pet boulenn-erc'h he deus graet Liza ?
27- Skrivañ gant lizherennoù ha gant sifroù ar muiañ posupl a niveroù 3 sifr. Ret eo implijout un diketenn, pe ziv pe deir.
ret eo kompren e talv ziv evit div diketenn, ha deir evit teir ziketenn Ret eo implijout un diketenn, pe div diketenn pe teir (ziketenn).
42- 45 perlezenn a fell da Alex reiñ da Liza. Dre boestadoù 5 e vez gwerzhet ar perlez. Pet boestad a rank prenañ ?
5 zo evit 5 ferlezenn (
Dre boestadoù 5 perlezenn e vez gwerzhet ar perlez. Pet boestad perlez a rank Alex prenañ ?
73- Muioc'h a blasoù zo er c'harr-boutin glas eget er c'harr-boutin orañjez. Pet muioc'h zo ?
Pet plas muioc'h. Ar ger plas (plasoù) zo a-raok ur tamm frazenn stank a-walc'h e-keñver ar ster : ar lodenn « Muioc'h ... er c'harr-boutin glas eget er c'harr-boutin orañjez » ne c'hell ket bezañ trochet.
CE2
1-20- Tresañ ul linenn dorr savet gant 3 segmant. 8 cm eo ar segmant kentañ, 7 cm eo an eil.
8 cm eo ar segmant kentañ, 7 cm eo an eil segmant.
15- 3- Un dastumad 12 oto vihan en deus Dergat. Da lavaret eo 6 neubeutoc'h eget e dastumad Elouan ha 3 muioc'h eget e hini Tugdual.
ne vez ket meneget ar ger oto nemeit 1 wezh pa vez komzet div wezh ag an dastumad (dastumad otoioù # dastumad Elouan)
Un dastumad 12 oto vihan en deus Dergat. 6 oto neubeutoc'h en deus Elouan ha 3 oto muioc'h en deus eget Tugdual.
15-4- Tad Julian zo 35 bloaz. 4 bloaz yaouankoc'h eget e vamm eo, ha 27 vloaz koshoc'h eget Julian.
mamm piv ?
Tad Julian zo 35 bloaz. 4 bloaz yaouankoc'h eo Tad Julian eget mamm Julian, ha 27 vloaz koshoc'h eget Julian.
8-16- Implijout ur reolenn skouer evit klask ar figurennoù savet gant eeunennoù skouer.
Skrivañ o anvioù.
figurennoù pe eeunennoù ?
C- Implij ar raganvioù pe an araogennoù displeget
Gant implij ar raganvioù hag an araogennoù displeget e e vez kuzhet ar ger fetis ha pouezus.
→ pep hini
Pep hini a gas d'ur c'hementad disheñvel ha da draoù/dud disheñvel hervez ar skoulmadoù.
Ouzhpenn, pep hini zo diazezet war meur a unan.
CE1
3- Etre Alex ha Liza e vo rannet an teñzor. Kement a bezhioù aour en do pep hini.
pep hini zo e achuamant ar frazenn, kas a ra da Alex ha Liza hag a zo e penn kentañ.
Pep hini = pep bugel
30- Savet en deus Moutig 3 zour 6 kub pep hini. Pet kub en deus implijet en holl ?
pep hini a gas da 3 zour ; mes 6 kub zo etreze ; gellet a ra bezañ fall gomprenet neuze.
Savet en deus Moutig 3 zour, 6 kub e pep tour. Pet kub en deus implijet Moutig en holl ?
56- Pemp bugel a fell dezho rannañ 35 maen. Pet maen a vo gant pep hini ?
pep hini a gas da pemp bugel (# Alex, Liza, Moutig, Vefa ha Telo).
Pep hini = pep bugel
60- 60 perlezenn zo gant Zoé. Kolieroù 10 perlezenn e pep hini a ra.
ur ger e liester (kolieroù) - pep hini = ur c'holier.
Kolieroù gant 10 perlezenn e pep kolier a ra Zoé.
CE2
7-11- Skrivañ pep hini eus an tri niver-mañ gant lizherennoù.
pep hini zo a-raok ar strollad liammet gantañ
→ hini / pehini
CE2
15-3- Un dastumad 12 oto vihan en deus Dergat. Da lavaret eo 6 neubeutoc'h eget e dastumad Elouan ha 3 muioc'h eget e hini Tugdual.
13-14- Ur figurenn a c'hall kaout un ahel simetriezh, meur a hini pe hini ebet.
Ur figurenn a c'hall kaout un ahel simetriezh, meur a ahel pe ahel ebet.
8-14- 45 oto zo o paouez erruout en ur parklec'h. N'eus hini ebet o vont kuit.
N'eus oto ebet o vont kuit.
2-9- Un eskemm fall zo bet graet gant Pintig. Pehini ? Perak ?
3-22- Pehini eo ar skouergorneg 3 cm hirder
pehini zo a-raok ar strollad liammet gantañ
7-13- Alan en deus lakaet e jedouer war ar c'hombod 100, Vefa he deus lakaet he hini war ar c'hombod 200, Ploum en deus lakaet e hini war ar c'hombod 20. Pep hini anezho en deus gounezet 600 poent. Peseurt niver zo skrivet war pep jedouer.
e-barzh ar memes testenn e kas hini d'ar jedouer pe da Alan, Vefa ha Ploum.
Alan en deus lakaet e jedouer war ar c'hombod 100, Vefa he deus lakaet he jedouer war ar c'hombod 200, Ploum en deus lakaet e jedouer war ar c'hombod 20. Pep c'hoarier en deus gounezet 600 poent. Peseurt niver zo skrivet war pep jedouer.
→ houmañ / ar re-mañ
CE1
62- 3 boestad skeudennoù evel homañ zo gant Alex.
Homañ = ar voest-mañ
21- 50 poltred zo gant Leila. C'hoant he deus da renkañ anezho e godelligoù evel ar re-mañ.
C'hoant he deus da renkañ ar poltredoù e godelligoù evel ar godelligoù-mañ CE2
14-6- Strollit disoc'hoù an enklask en un daolenn evel houmañ.
homañ = ar daolenn-mañ
→ anezhi / anezhañ / anezho
CE1
21- 50 poltred zo gant Leila. C'hoant he deus da renkañ anezho e godelligoù evel ar re-mañ. Pet godellig a vo leuniet gant Leila?
anezho = pell + ar ger poltred zo e unander
C'hoant he deus da renkañ ar poltredoù e godelligoù....
55- 56 maen zo bet dastumet gant Alex ha Liza. C'hoant o deus da rannañ anezho etrezo.
anezho : pell, ar ger poltred zo e unander + etrezo ; anezho a gomz ag ar mein, etrezo ag ar vugale.
C'hoant o deus da rannañ ar mein etrezo.
46- Klask ar c'hornioù skouer er figurennoù-mañ gant ur gobari. Merkañ anezho e ruz
anezho = figurennoù pe kornioù ? Merkañ ar c'hornioù skouer e ruz
58- Kontet o deus ar vugale pet loen o deus er gêr. Skrivet o deus an disoc'hoù en un daolenn ha war ar grafik. Titouroù zo a zo bet diverket. Klask anezho en-dro.
anezho = kas a ra da « titouroù » zo e liester ha tost a-walc'h. Nemeit eh eus gerioù arall e liester (bugale, disoc'hoù)
67 - Kemer ur folenn, plegañ anezhi.
Da geñveriañ gant :
71- Tresañ bandenn-baper Leila war da gaier ha merkañ pelech e rank troc'hañ anezhi.
CE2
1-18- Meur a zigouezh zo evit pep sammad. Klask anezho-holl.
anezho = digouezh ? Sammad ? Klask holl an digouezhioù.
2-2- 6 perlezenn nevez he doa ouzhpennet en dro-c'houzoug pa oa distroet eus ar skol. 18 perlezenn a ya d'ober anezhi bremañ.
ur stumm klok..anezhi : ar plac'h ? an dro-c'houzoug ? 18 perlezenn zo en dro-c'houzoug bremañ.
7-13- Alan en deus lakaet e jedouer war ar c'hombod 100, Vefa he deus lakaet he hini war ar c'hombod 200, Ploum en deus lakaet e hini war ar c'hombod 20.
Pep hini anezho en deus gounezet 600 poent. Peseurt niver zo skrivet war pep jedouer.
anezho = ret eo kompren e vez komzet a Alan, Vefa ha Ploum, ha n'int ket lakaet war un dro ( Alan, Vefa ha Ploum)
Pep hini anezho : pep bugel
9-7- Ar c'hoarier kentañ a lak ur jedouer war ar gartenn. Reiñ a ra disoc'h ar jedadenn. Treiñ a ra ar gartenn. Lakaat a ra anezhi war an daolenn. […] Trec'h eo an hini a zo gantañ ar muiañ a jedoueroù.
anezhi = an dibenn -i- a c'hell reiñ titouroù evit kaout ar ger kuzhet edan. Mes meur a c'her gwregel a zo : kartenn, jedadenn, taolenn.
14-7- Evit pep sport, liv kement a gombodoù hag ez eus a skolidi oc'h ober anezhañ.
→ dezhi / dezhañ / dezho
An araogenn-se a vez implijet lies e-barzh frammoù yezh skornet.
CE1
14- Liza a fell dezhi kaout pezhioù nemetken.
32- Tad Alex en deus c'hoant da brenañ ar skinwel-mañ. Trawalc'h a arc'hant en deus evit paeañ anezhañ ? Pegement a vank dezhañ ma n'en deus ket a-walc'h ?
38- Klask peseurt figurenn eo. Pemp kostez zo dezhi . CE2
2-19- 50 lizher a rank kas rener ar skol d'al lun. Un timbr evit pep lizher eo ret dezhañ kaout.
3-1- Pet pajennad a chom dezhi da lenn .
7-8- Peseurt kartennoù eo dav dezhañ gounit evit kaout … poent ?
→ eget / egetañ / egeti /egeto
evit keñveriañ : anv-gwan + T1 + eget (T2) CE1
48- Ur boupinell 80 cm a vent he deus Nina. Lavarout a ra ez eo brasoc'h he foupinell egeti.
egeti = gellet a ra bezañ diaes da gompren emañ Nina peogwir n'eo ket lâret an anv er frazenn-mañ, mes kuzhet div wezh kentoc'h (he foupinell).
brasoc'h eo poupinell Nina egeti, (pe eget Nina)
50- 1m 30 cm eo ment Alex. 1 cm bihanoc'h egetañ eo e vignon Alan. Peseurt ment eo Alan.
egetañ = netra fetis er frazenn-mañ, a-raok Alan ! Alex zo 1 cm bihanoc'h eget Alan.
73- Muioc'h a blasoù zo er c'harr-boutin glas eget er c'harr-boutin orañjez. Pet muioc'h zo ?
CE2
1-9- Evit ar goulennoù 2 ha 3 e renker implijout nebeutoc'h eget 10 kartenn.
15-3- Un dastumad 12 oto vihan en deus Dergat. Da lavaret eo 6 neubeutoc'h eget e dastumad Elouan ha 3 muioc'h eget e hini Tugdual.
→ ennañ / enni / enno
CE2
1-2- 6 poltred nevez emañ Vefa o paouez pegañ en hec'h albom. 16 poltred zo ennañ bremañ.
Pet poltred a oa en albom-se a-raok.
ennañ = ar stumm « En hec'h albom » a c'hell sikour kaout...
16 poltred zo en hec'h albom bremañ
2-1- 8 dinaosor a oa gant Tomaz en ur voest. Lakaet en deus dinosaored nevez er voest. 12 dinosaor zo enni bremañ.
enni = a dalv evit ER voest.
12 dinosaor zo er voest bremañ.
2-6- teir boest gant ar bankour (paotr an ti-bank), enno :
enno = da ouiet emañ o merk ar liester ; reter ebet a modarall teir boest gant ar bankour (paotr an ti-bank) ; e-barzh an teir boest.
D- displegadur ar verboù
→ bezañ
amzer dremenet (oan, oas, oa, oamp, oac'h, oant) amzer a-vremañ
(emaon, emaout, emañ, emaomp, emaoc'h, emaint) (on, out, eo, omp, oc'h, int)
amzer vremañ boaz (e vez, e vezont)
amzer da zont (e vin, e vi, e vo, e vimp, e viot, e vint) amzer divizout (e vefe)
→ kaout
amzer dremenet ('m boa, 'z poa en doa/he doa, hor boa, ho poa, o doa)
amzer-vremañ ('m eus, 'z peus/'z teus, en deus/he deus, hon eus, ho peus, o deus) amzer da zont ('m bo, 'z po/'z to, en do/he do, hor bo, ho po, o do)
doare divizout (en defe/he defe)
→ mont / dont
aet eo / e teu, a zeu / e teuio / a zeuio /
→ stumm e -er
e ranker / a ranker e c'haller / a c'haller gallout a reer
→ stumm gant ar verb ober
gallout a ran, a rez, a ra / a rin, a ri, a raio / a reer
→ reolennoù diazez evit an dibenn
Me Te En/hi Ni C'hwi Int
A.dremenet -en -es -e -emp -ec'h -ent
A.vremañ -an -ez -ø -omp -it -ont
A. da zont -in -i -o -imp -oc'h/ot -int
E- Kompren ma vez komzet eus un dra gourel pe gwregel
→ verb kaout
CE2
2-3- Gwerzhet e vez an timbroù a garnedoù 10.
a- 37 timbr en deus ezhomm Alan. Pet karned eo ret dezhañ prenañ ? b- 37 timbr he deus ezhomm Vefa. Pet karned eo ret dezhi prenañ ? en : en deus # en he boest
he : he deus # he boest
→ araogennoù
me te en/hi ni c'hwi int
dibenn -in -is -añ /-i -omp -oc'h -o (e)
DA
2-3- Gwerzhet e vez an timbroù a garnedoù 10.
a- 37 timbr en deus ezhomm Alan. Pet karned eo ret dezhañ prenañ ? b- 37 timbr he deus ezhomm Vefa. Pet karned eo ret dezhi prenañ ? 7-5- Pet kolonenn e vo ret dezhi tresañ evit kaout mil karrez ?
7-8- Peseurt kartennoù eo dav dezhañ gounit evit kaout … poent ?
A
65- Alex en deus leuniet ar werenn ha goullonderiñ a ra anezhi er pod melen. Evit leuniañ ar pod melen e ranker lakaat 3 gwerennad. Evit leuniañ ar pod gwer e ranker lakaat 5 gwerennad.
Alex en deus leuniet ar werenn hag goullonderet en deus ar werennad-se er pod melen.Evit leuniañ ar pod melen e ranker lakaat 3 gwerennad. Evit leuniañ ar pod gwer e ranker lakaat 5 gwerennad.
71- Tresañ bandenn-baper Leila war da gaier ha merkañ pelech e rank troc'hañ anezhi.
… e rank troc'hañ anezhi = ... e rank troc'hañ ar vandenn-baper 3-12- Emaon o soñjal en un niver. Pa liesan anezhañ dre 2 e kavan 16.
Pa liesan an niver-se dre 2 e kavan 16.
GANT
10- 75 skeudenn a zo gant Alex. 3 fakad 10 skeudenn zo bet roet gantañ da Liza. Pet skeudenn a chom gantañ ?
gant implijet e daou vod disheñvel : gant Alex evit merkañ an dalc'h (evel e-barzh « Pet skeudenn a chom gantañ ? ») ha roet gantañ (stumm gouzañv).
3 fakad 10 skeudenn zo bet roet gant Alex da Liza.
59- Pakadoù 5 madig emañ Alex oc'h aozañ evit gouel ar skol. 75 madig zo gantañ. Pet pakad a c'hell ober ?
7-2- 6 kartenn emañ Loeiz o paouez reiñ da bep hini eus an 8 c'hoarier. Pet kartenn zo bet roet gantañ ?
14- Liza a fell dezhi kaout pezhioù nemetken. Pet pezh 1 euro a vo ganti pa vo bet eskemmet ganti he bilhedoù ?
ganti implijet e daou vod disheñvel
36- Oc'h ober ur c'holier gant perlez ruz ha gant perlez glas emañ Liza. 2 bakad 15 perlezenn ruz ha 3 fakad 10 perlezenn c'hlas zo bet implijet ganti. Pet perlezenn zo er c'holier.
EGET
48- Ur boupinell 80 cm a vent he deus Nina. Lavarout a ra ez eo brasoc'h he foupinell egeti.
50- 1m 30 cm eo ment Alex. 1 cm bihanoc'h egetañ eo e vignon Alan. Peseurt ment eo Alan.
Gant a c'hell merkañ an dalc'h (emañ un dra bennak gant unan bennak) Gant a c'hell ivez merkañ ar stumm gouzañv. Lies e vez kavet e testennoù ar
skoulmadoù roet gantañ/ganti. Diaes e c'hell bout kompren peogwir pad eo roet gantañ n'eo ket mui gantañ !
→ e / he
diforc'hañ ...
■ e (= e-barzh), e (dezhañ), e (rannig verb) ha e e-barzh frammoù yezh (e-barzh / e penn / e fin) 1-1- Pet oto zo e karrdi Alan ?
2-7- Trec'h e vo an hini a vo gantañ ar muiañ a boentoù gant e gartennoù 1-13- Evit ober 1€ e ranker kaout 100 santim.
14-10- d'ar bet eo bet an temperadur en e uhelañ ?
1-2- 7 greunenn rezin nevez emañ Pinting o paouez lakaat en e vern boued.
7-10- Muzuliañ kostezioù ar poligon-mañ. Jediñ e drohed. Skrivañ anezhañ e cm ha mm.
14-8- Mazhe en deus parket e oto war ar parklec'h P1 d'al lun da 8 eur mitin.
15-3- Da lavaret eo 6 neubeutoc'h eget e dastumad
■ he ( he hini dezhi) ha he (he deus)
14-3-Evit mont eus he zi d'ar skol e tremen Sterenn dre ur c'hroashent bras.
3-8- 8 kartenn 2 boent he deus gounezet Vefa. 5 kartenn 4 foent en deus gounezet Alan 8-6- Pet kilometr he do graet Solenn en holl ?
48- Ur boupinell 80 cm a vent he deus Nina. Lavarout a ra ez eo brasoc'h he foupinell egeti.
7-4- Peseurt sammadoù arc'hant disheñvel a c'hall dispign : a- en ur implijout daou eus he fezioù 7-16- 75 timbr brav zo gant Ninnog. Divizet he deus reiñ ar muiañ posupl anezho d'he 8 kamaladez.
7- 24 bolotenn zo bet rannet etre he 3 c'hazh gant Liza
25- 56 timbr a oa gant Nolwenn. 2 garned 10 timbr he deus implijet evit kas lizhiri. Pet timbr a chom ganti ?
2-2- A-raok mont d'ar skol e oa kroget Vefa d'ober un dro-c'houzoug gant un nebeud perlezennoù. 6 perlezenn nevez he doa ouzhpennet en dro-c'houzoug pa oa distroet eus ar skol.
3-8- 8 kartenn 2 boent he deus gounezet Vefa. 5 kartenn 4 foent en deus gounezet Alan.
8-6- Pet kilometr he do graet Solenn en holl ?
F- HA – HA – HA & HA
CE2
HA
- stagell genurzhiañ
3-18- Skrivañ an niveroù-se gant lizherennoù ha gant sifroù da c'houde.
splann a-walc'h ; daou anv ar memes araogenn en o raok
8-1- Skrivañ ar pevar niver a gaver : en ur loc'hañ eus 3 ha doublañ peder gwezh diouzh renk.
daou verb. En ur n'eo ket lâret nemeit ur wezh.
15- 3- Un dastumad 12 oto vihan en deus Dergat. Da lavaret eo 6 neubeutoc'h eget e dastumad Elouan ha 3 muioc'h eget e hini Tugdual.
daou strollad anv hir
13-3- Gallout a raio Vefa ha Pintig en em gavout gant Ploum war ar c'hombod 24 : ya pa nann ?
splann a-walc'h ; daou anv HA
- raganv stagañ
7-12- Pere eo an niverennoù hag a zo etre 14 500 ha 65 000 ?
Pere eo an niverennoù hag a zo etre 14 500 ha 65 000 ?
2-16- Kemer an holl ditouroù eus ar figurenn A hag a servijo dit evit tresañ ar c'helc'hioù war ar figurenn B.
HA - derez-kevatal (équatif1)
14-7- Tres un diagram gant kolonennoù e liv war paper karrezennet evel er skouer-mañ. Dibab ul liv dre sport. Evit pep sport, liv kement a gombodoù hag ez eus a skolidi oc'h ober anezhañ.
3-7- 2 skipailh a c'hoari an eil a-enep d'egile. .. ar memes niveroù hag ar re skrivet war an daolenn c'hoari.
HA -goulenn
8-13- Penaos gouzout ha skouer eo div eeunenn ? Penaos tresañ an eeunenn a-skouer gant unan all hag a dremen dre ur poent merket war an eeunenn-se ?
Penaos gouzout ha skouer eo div eeunenn : particule interrogative utilisée à la forme indirecte. Les pronoms interrogatifs en p- jouent ce rôle. En vannetais on utilise majoritairement ma1: Penaos gouzout mad eo skouer an div eeunenn.
1 Grammaire du breton contemporain – F. Favereau – Skol Vreizh
G- BERN DIVERN
- kenetrezo
- an eil war-lerc'h egile / an eil a-enep d'egile. .. / an eil war c'horre eben. / an eil ouzh egile dre ur c'hostez.
- en deus # a zo gantañ
- kement (kement / kement-ha-kement/ kement XXX zo / kement eget / kement a) 1-5- Klask kement doare zo evit kaout…. Poent
1-6- Evit ar goulennoù 2 ha 3 e c'hallez kemer kement a gartennoù a fell dit.
3-6- Gant 100€ e fell da Alan prenañ daou dra. Klask priz kement strollad daou dra a c'haller prenañ.
7-16- 75 timbr brav zo gant Ninnog. Divizet he deus reiñ ar muiañ posup anezho d'he 8
kamaladez. Ret e vo da bep hini kaout kement-ha-kement a dimbroù. Pet timbr a c'hallo reiñ da bep hini ?
14-2- 36 oto bihan zo gant Gwenvael. E-barzh 4 boest e renk anezho. Dav eo dezhañ kaout kement-ha-kement e pep boest. Pet oto a rank lakaat e pep boest ?
- frammoù frazennoù : - ma samman… e kavan,
- pa vo sammet ganti e kavo Liza, pa vo bet roet an 6 folenn gant Salim - Bep a zaou jedouer o deus lakaet Vefa hag Alan.
- kaout ur figurenn hag a vefe al linenn ruz hec'h ahel simetriezh.
- da ziwall
- renkañ / rankañ :
14-6- 36 oto bihan zo gant Gwenvael. E-barzh 4 boest e renk anezho. Dav eo dezhañ kaout kement-ha-kement e pep boest. Pet oto a rank lakaat e pep boest ?
- pegement :
1-14- Pegement a arc'hant 'zo e pep boest-espern # pegement eo an dienn-skorn-se - holl
7-6- Mil biz savet zo pa vez savet o holl bizied gant holl bugale ar skol.
7-7- Ret eo kemer an holl gartennoù er memes pakad.
- pe re # pere
3-5- Lod eus an disoc'hoù-mañ zo direizh. Klask pe re ha reizhañ anezho.
7-12- Pere eo an niverennoù hag a zo etre 14 500 ha 65 000 ? - pegeit
9-4- 541 m zo evit mont eus kev ar bleizi betek kaoued an tigred hebiou foz an arzhed. Pegeit zo etre kev ar bleizi ha foz an arzhed.
9-9- Pegeit e pad an abadennoù-mañ ?
