8 février 1565 (lieu et heure non spécifiés) (BB085, fo. 15)
Nicolas de Chaponay, François Salla, Girardin Panse, François Guerrier, Jacques Bornicard (5 conseillers, 5 catholiques, 0 protestant)
Aujourd'huy huictiesme jour de febvrier mil cinq cens soixante quatre en la presence du notaire royal secretaire du consulat et la ville et communaulte de Lyon soubzsigne et des tesmoingtz apres nommez nobles Nicolas de Chapponay sr de Fersin François Salla sr de Montjustin cappitaine de la ville Gerardin Panse Cezar Gros sr de Sainct Joys Francoys Guerrier seigneur de Combilaude et Jacques Bornicard conseillers eschevins de lad. ville lesquelz estant dans la salle du consulat de lhostel commun de lad. ville ont dict et remonstre que pour traiter des afaires et comme et satisffaire a plusieurs choses necessaires et urgentes pour lordre politique de cested. ville pour raison duquel plusieurs obselains(?) de lad. ville sont atendant et poursuyvant ilz se seroient mys en leur debvoir comme ilz ont tousjours faict de se trouver aud. hostel commun aud jours ordinnaires que lon tient ledict consulat a lheure dune heure apres mydy ainsi quilz ont faict encores aujourdhuy dans des presents et demeurerent jusques a lheure de quatre heures sans y avoir peu deliberer ou conclure aulcune des afaires de lad. ville ne faisant les dessusds srs eschevins nombre soufisant pour ce faire ny estant peu assister le seigneur de Servieres Bonyn pour aulcune indisposition de sa personne au moyen de quoy led. srs de Fersin Sallas Pense Groz de Combilaude et Bornicard disoient avoir envoye par deux fois signiffier et appeller les srs Pierre Seve Anthoine Perrin Leonard Pournaz sr de Laprodement et Francoys Cousin aussi conseillers eschevins de lad. ville a ced. jour au present consulat pour satisffaire au debvoir de leur charge a ce que estant lesds. srs eschevyns en nombre soufisant et requiz pour deliberer et conclure desd. affaires communes, selon le [illisible] diceulx ce qui touteffois ilz nauroient faict estant desd. lad. heure de quatre heures apres midy et pource que lesd. srs de Fersin Salla Pense Groz de Combilaude et Bornicard ne voudroient la retardation desd. afaires publiques leur estre aulcunementz imputez (fo. 15) ont somme Jehan Raze et Martin Noyer mandeurs ordinaires de lad. ville desclairer et attester en presence dud. notaire et tesmoingtz sil avoient mandez et signiffies ausd. srs Seve Pournaz Perrin et Cousin a led. jour au consulat de lad. ville surquoy lesd. Raze et Noyer mandeurs susd. ont dict certiffie et atteste par serment prealablement faict assavoir lesd. Martin Noyer quil a mande et signiffie par deux fois aujourd'huy audict Pierre Seve de se trouver audict hostel commun devant lequel il venoit [illisible] lequel luy a faict response quil estoit empeschez au quartier de son penon pour y mestre lordre ordonne a cause de la sante quand audict Perrin a dict led. Noyer quil
162
navoir parle a luy mais a ses serviteurs et pour le regard dud. Cousin quil viendroit aud. consulat ainsi quil luy avoit respondu led. Jehan Raze pareillement a dict et rapporte avoir parle par deux fois aud. sr Pournaz lequel debvoit venir aujourdhuy audinc consulat ainsi quil luy avoit dict, desquelles choses confessent et actestation susd. lesds. sr de Fersin Salla Pense Groz Bornicard et de Combilaude ont demande acte pour leur servir et valloir en temps et lieu ce que de raison qui leur a este octroye par le notaire royal secretaire de lad. ville et communaulte soubzigne led. jour et an que desoud presence monsr maitre Francoys Laurencin prieur de Sainct Irigny Leonard Minault voyeur de lad. ville et maitre Anthoine Durant Greffier de la monnoye tesmoingtz appellez et requis. (fo. 16)
Mardi 17 juillet 1565 en l'hôtel commun après-midi (BB084, fo. 81)
Antoine Bonin seigneur de Servières, François Salla, César Gros, Jacques de Torvéon, François Guerrier (5 conseillers, 5 catholiques, 0 protestants)
Suyvant les lettres du roy ont estez mandez par Jehan Raze et Martin Noyer mandeurs dud. consulat les aultres conseillers absens aux fins de recevoir le serment de nobles Claude Guerrier et Philibert Cornillon comparans esleuz conseillers par Sa magesté au lieu des deux conseillers decedez. Lesquels srs conseillers dessus nommez apres avoir ouy le rapport des deux mandeurs qui ont presentement rapporté navoir peu trouver les aultres conseillers absens ont protesté et proteste a lencontre des non comparans que par faulte de ne venir aud. consulat ou il en adviendroit inconvenient par faulte de pourveoir aux affaires communes de lad. ville den estre par les dessus nommez deschargez et quil ne tient a eulx que les affaires de lad. ville ne soient poursuiviz antandu que deppuyis deux heures jusques a present heure de cinq heures ilz ont tousjours demeuré aud. hostel commun actendant les aultres conseillers absens protestant de passer oultre au present consulat ou ilz ne se voudroient trouver actandu que pour raison de ce les affaires demeurent en arriere dont inconvenient sen pourroit ensuyvre et a esté ordonné ausds. mandeurs mander les aultres consillers au present consulat. (fo. 81)
Jeudi 19 juillet 1566 en l'hôtel commun après-midi (BB086, fo. 37)
Antoine Bonin, François Salla, Guillaume Renaud, François Cousin, Claude Guerrier,
Antoine Renaud, Thomas Faure (7 conseillers, 2 protestants, 5 catholiques)
Lesd. srs Cousin et Antoine Renaud conseillers tant en leur nom que du sr Mercurin de Ruvillas aussi conseiller ont requis le consulat de vouloir sommer et contraire sr. Hugues de la Porte seigneur de Berthaz de assister au consulat et jours [illisible] et a faulte de ce dy vouloir nommer ung aultre en sa place a quoy lesds. srs eschevyns ont faict response que led. sr de Berthaz est nomme et justice par Sa magesté et a deja prins possession au consulat y ayant assiste comme premier conseiller demandant les voix tenant son Roy et hors le roy des
163
notables a moyen de quoy estant vivant ils ne peulvent ny doibvent le destituer pour en implenter ung aultre et le supplyer le faire venir et quil leur sera fort agreable a quoy lesds. srs Cousin et Renaud ausds. noms ont replicque que led. sr de Bertha na prins aulcune possession et que sil est venu au consulat ce a esté comme notable et non comme eschevyn en une (fo. 37) assemblee generalle mesmes quil ne voulusse faire aulcun serment atendu quil ny avoit este despuys et lesd. eschevyns ont replique que par lacte du consulat il appera quil a preside comme conseiller. (fo. 38)
Le mardi 10 décembre 1566 en l'hôtel commun après-midi (BB086, fo. 87)
François Salla, Guillaume Renaud, Claude Guerrier, Thomas Faure, Pierre Frere (5 conseillers, 5 catholiques, 0 protestants)
Maitre Claude de Rubis advocat et procureur general de lad. ville et communaulte oultre les procedures remonstrances verballes par luy cy devant faictes par plusieurs et diverses foys a remonstre ausd. srs conseillers que combien que par la promesse et serment par eulx preste a leur nouveau advenement au consulat ils ayent promis de user de toute dilligence en lexpedition des affaires de lad. ville et aces fins assister es jours ordinaires(?) qui sont les mardy et les jeudy au consulat qui a de coustume estre tenu esds. jours en lhostel commun de lad. ville. Et neantmoings lesds. srs conseillers sacquittent si mal de leur debvoir en cest endroict que puys le vingt cinquieme doctobre dernier ilz nont tenu que dix consulat en nombre souffisant qui est ung grand interest a tout le public et aux pauvres particulliers qui ont affaire aud. consulat qui sont la pluspart pauvres femmes vefves enfans orfelins et aultres personnes pitoyables par ces lettres a sommé et requis de se vouloir assembler pour mestre ordre ausds. affaires et mesmes a present que le temps requiert de procedder a leslection des terriers et maitres des mestiers de lad. ville pour puys estre par eulx procedde a la nomination des conseillers eschevyns pour lannee prochaine sellon les anciennes coustumes de lad. ville et a faulte de ce faire led. de Rubys pour le debvoir descharger a proteste et proteste pour le publicq des dommaiges et interestz de lad. ville contre lesds. conseillers en leurs propres et privés noms et den advertir monseigneur le gouverneur et messrs de la justice, led. sr Francoys Salla tant en son nom que des dessus nomez conseillers eschevyns icy presents a faict responce que de leur part il ny a eu cy devant et ny aura par cy apres aulcun empeschement que le consulat ne soit tenu es jours ordinaires en nombre souffisant parce que comme par cy devant(?) ilz nont jamais failly dy assister esds. jours ordynaires encores sont ilz deliberer de ne y faillir non plus pour ladvenir et est a leur grand regret que les affaires de lad. ville demeurent ainsi en arriere par faulte quilz ne peulvent sassembler en nombre souffisant ce qui procedde de la justice affection(?) de quelques ungs lesquelz encores quilz soient dans la ville nont declairez aulcune maladie ny empesche daulcun legitime empeschement toutefoys ne se veulent trouver aud. consulat tous expres aux fins quilz ne soient nombre pour pouvoir resouldre des affaires et mesmes de la prochaine
164
eslection des eschevyns et des terriers et maistres des mestiers parce que nempeschent led. sr. Salla esds. noms que led. de Rubis ne fasse ses protestations contre les deffaillans et quil naye recours pour le publicq aud. sr gouverneur et gens de la justice et de leur part pour le bon desir quilz ont de vacquer aux affaires de lad. ville pour lesquel ilz sont prestz de laisser comme(?) ilz ont tousjours faict tous leurs affaires pour cest effect ilz sont prestz de se joindre avec luy en cest endroict et de tous ce que dessus dune part et daultre ont requis acte au notaire royal comme au secretariat dud. consulat laquelle leur ay octroye pour leur valloir et servir en temps et lieu ce que de raison en presence de noble Guillaume Chazottes voyeur de lad. ville et sr François Guerin citoyen dud. Lyon tesmoingtz ace appellez et requis. François Salla, de Rubis. (fo. 87)
Mercredi 11 décembre 1566 en l'hôtel commun après-midi (BB086, fo. 88)
François Salla, Guillaume Renaud, Claude Guerrier, Antoine Renaud, Thomas Faure, Pierre Frere (6 conseillers, 1 protestant, 5 catholiques)
Le président de Birague Le général de Chastellier Assemblée de notables
Sur quoy led. sr de Rubis auroit porte requete aud. sr de Tourveon lieutenant criminel et de Langes lieutenant perticullier en la senechausse et siege presidial aud. Lyon qui sur ce auroient ordonné que en absence desds. eschevyns et aux fins que une telle assemblee ne demeurast sans resolution par faulte de nombre les aultres eschevyns comparens aud. hostel commun pour decider desds. affaires pourront appeller des notables de lad. ville pour assister en leur lieu et ce par ordonnance recue par Jehan Thanvenon procureur [illisible] de Lyon en absence [illisible] greffier comme presentement ilz ont commis en la presente assemblee pour fins le nombre desds. conseillers satisffaire noble Claude [illisible] desds. notables present aux fins de pouvoir resouldre du faict de la presente assemblee et apres avoir surce amplement delibere ont estez demandez ausds. comparans leurs adviz lesquelz ont oppine comme sensuyt. (fo. 90)