ᑲᐴᑎᒧᐊᖓᔪᓂᒃ ᐃᓘᓐᓇᑕ ᐊᐱᕐᓲᑎᑦᓴᖃᕐᐳᒍᑦ ᐳᕙᓕᕆᓐᓇᖅ 19-ᒥᒃ ᖃᓂᒻᒪᕇᒃᑯᑏᑦ ᑲᐴᑏᑦ ᐊᑦᑕᓇᕐᐸᑦ?
ᐳᕙᓕᕆᓐᓇᖅ 19-ᒥᒃ ᖃᓂᒻᒪᕇᒃᑯᑏᑦ ᑲᐴᑏᑦ ᑳᓇᑕᒥ ᐊᑦᑕᓇᖕᖏᑐᑦ ᐊᒻᒪᓗ ᐱᕙᓪᓕᖁᑎᐅᑦᓱᑎᒃ. ᐊᖏᕐᑕᐅᓯᒪᔪᑦ ᑳᓇᑕᒥ ᐃᓗᓯᕐᓱᓂᕐᒧᑦ ᑲᑎᒪᔨᓄᑦ ᐃᓚᕕᐅᔪᓄᑦ ᓱᑯᐃᔦᓂᕐᓄᑦ ᖃᐅᔨᒪᔪᒻᒪᕆᓐᓄᑦ ᐊᒻᒪᓗ ᐋᓐᓂᐊᓯᐅᑎᐊᓗᓐᓄᑦ. ᑖᒃᑯᐊ ᑲᐴᑏᑦ ᐃᓚᐅᑎᑕᐅᔪᑦ ᒪᓕᑦᓱᒋᑦ ᑖᒃᑯᐊᓭᓐᓀᑦ ᐱᐅᔫᒋᐊᖃᕐᓂᓄᑦ ᐊᒻᒪᓗ ᐊᑦᑕᓀᑦᑑᒋᐊᖃᕐᓂᓄᑦ ᒪᓕᒉᑦ ᑌᒫᑦᓭᓇᖅ ᐊᓯᖏᑦᑎᑐᑦ ᑲᐴᑏᑦ ᐊᑐᕐᑕᐅᓲᑦ ᑳᓇᑕᒥ.
ᑳᓇᑕ ᐊᒻᒪᓗ ᑯᐯᒃ ᐃᓗᐃᒃᑲᓂᒃ ᑲᐳᕐᓂᓂᒃ ᐃᑉᐱᒍᓱᒍᑎᓂᒃ ᐋᕐᕿᓱᐃᓯᒪᐅᑎᓂᒃ ᓇᔪᕐᑎᓖᑦ.
ᐳᕙᓕᕆᓐᓇᖅ 19-ᒥᒃ ᖃᓂᒻᒪᕇᒃᑯᑏᑦ ᑲᐴᑏᑦ ᖃᓄᑎᒋᒃ ᐊᑦᑕᓇᖕᖏᓚᑦ?
ᐃᓘᓐᓇᑎᒃ ᐳᕙᓕᕆᓐᓇᖅ 19-ᒥᒃ ᖃᓂᒻᒪᕇᒃᑯᑏᑦ 80%-ᓄᑦ ᐱᕙᓪᓕᖁᑏᑦ ᖃᓂᒻᒪᓚᕆᖕᖏᓚᖀᒍᓐᓇᓱᑎᒃ, ᐋᓐᓂᐊᕕᓕᐊᕆᐊᖃᖕᖏᓚᖀᒍᓐᓇᓱᑎᒃ ᐊᒻᒪᓗ ᑐᖁᓚᕿᖕᖏᑑᑎᑦᓯᒍᓐᓇᓱᑎᒃ. ᐃᓱᒫᓘᑎᖃᕈᕕᑦ ᑲᐴᑎᓂᒃ, ᐅᖄᕕᖃᕈᓐᓇᑐᑎᑦ ᐋᓐᓂᐊᓯᐅᑎᒥᒃ ᐃᓕᓐᓂᒃ ᖃᐅᔨᓴᕐᑐᒥᒃ ᑲᐳᕐᑕᐅᕕᒻᒥ. ᑌᒪ ᐅᖄᕕᒋᓗᒍ ᑐᑭᓯᒪᑦᓯᐊᓗᑎᑦ ᓇᒻᒥᓂᕐᓃᕕᑦ ᑐᑭᑖᕈᓐᓇᓯᓚᖓᔪᑎᑦ.
ᓱᒧᑦ ᑲᐴᑏᑦ ᐱᒻᒪᕆᐅᕙᑦ?
ᑲᐴᑏᑦ ᐳᕙᓕᕆᓐᓇᖅ 19-ᒥᒃ ᖃᓂᒻᒪᕇᒃᑯᑏᑦ ᖃᓂᒻᒪᓚᕆᖕᖏᓚᖀᒍᓐᓇᑐᑦ ᐊᒻᒪᓗ ᖃᓂᒻᒪᓂᕐᒧᑦ ᐊᓯᖏᑎᒍᑦ ᐃᓱᐃᓪᓕᖏᓚᖀᒍᓐᓇᓱᑎᒃ ᑎᒥᒥᒃ. ᑐᕌᒐᓪᓚᕆᖓ ᑲᐳᕐᓂᐅᑉ ᖃᓂᒻᒪᕇᒃᑯᑎᓄᑦ ᐃᑭᓪᓕᑎᕆᓯᒪᓂᖅ ᐋᓐᓂᐊᕕᒻᒦᒋᐊᖃᓚᕿᔪᓂᒃ ᐊᒻᒪᓗ ᑐᖁᓚᕿᔪᓂᒃ ᐳᕙᓕᕆᓐᓇᖅ 19-ᒧᑦ ᖃᓂᒻᒪᓂᕐᒥᓄᑦ ᑌᒣᑦᑐᒥᒃ ᐋᓐᓂᐊᑖᕈᐊᕐᓂᓴᓂᒃ.
ᐃᓗᓯᕐᓱᓯᐊᕐᓂᒥᓪᓗ ᐊᒻᒪᓗ ᐃᓅᖃᑎᒌᓐᓂᓄᑦ ᓱᖃᑦᓯᒍᑎᓂᒃ ᐱᕙᓪᓖᓚᕿᒍᓐᓇᓱᓂ ᑲᔪᓯᒋᐊᓪᓚᓯᐊᑲᐱᓚᖀᒍᓐᓇᓱᓂ ᐊᒻᒪᓗ ᐃᓄᓐᓂᒃ ᐅᑎᑲᐱᓚᖀᑎᑦᓯᒍᓐᓇᓱᓂ ᐱᐅᓯᕆᓯᒪᔭᒥᓄ ᐃᓱᒫᓗᓐᓇᑐᖃᕈᓐᓀᑎᓗᒍ.
ᐃᓄᐃᑦ ᓇᓪᓕᖏᑦ ᖃᓂᒻᒪᓚᕿᒍᐊᕐᓂᓴᐅᕙᑦ?
ᐃᓄᒻᒪᕇᑦ ᐃᓄᑐᙯᑦ ᖃᓂᒻᒪᕈᑎᖃᕈᐊᕐᓂᐹᑦ ᐳᕙᓕᕆᓐᓇᖅ 19-ᒥᒃ ᐊᒻᒪᓗ ᑐᖁᒍᑎᖃᕈᐊᕐᓂᓴᐅᑦᓱᑎᒃ.
ᖃᓂᒻᒪᑐᐃᓐᓇᕆᐊᖃᕐᓂᓴᐅᒻᒥᑎᓪᓗᒋᑦ ᐋᕐᕿᖃᔭᖕᖏᑐᓂᒃ ᖃᓄᐃᒍᑎᓖᑦ, ᐁᓯᒪᕕᐅᖏᓐᓇᓲᑦ ᐃᓄᓐᓄᑦ ᖃᓂᒪᓐᓇᐅᑉ ᖁᐱᕐᕈᐊᕈᖏᓐᓂᒃ ᐱᑕᓕᓐᓄᑦ ᐅᕝᕙᓘᓐᓃᑦ ᓴᐴᓗᑕᖏᑦ ᒥᑭᓕᓯᒪᓂᕐᓭᑦ, ᑭᓯᐊᓂ ᐃᓄᒻᒪᕇᑦ ᐃᓄᑐᙯᑦ ᖃᓂᒻᒪᕈᐊᕐᓂᓴᐅᕙᑦᑐᑦ.
ᓇᓂ ᑲᐱᔭᐅᒍᓐᓇᐳᖓ?
ᑲᐱᔭᐅᒋᐊᕐᑐᕈᓐᓇᑐᑎᑦ ᐱᕕᑦᓴᓕᐅᕐᑕᐅᓯᒪᓗᑎᑦ ᐱᕕᑦᓴᓕᐅᕐᑕᐅᓯᒪᒍᓐᓀᓗᑎᓘᓐᓃᑦ. ᖃᓂᒋᓂᕐᐹᓃᕕᑦ ᐊᒻᒪᓗ ᐅᓪᓗᐃᑦ ᖃᖓᐅᒐᔭᕐᓂᖏᓐᓂᒃ ᖃᐅᔨᒐᓱᐊᕈᓐᓇᑐᑎᑦ, ᐅᕗᖓ Québec.ca/vaccinCOVID. ᑲᐴᑏᑦ ᐊᑭᖃᖕᖏᑐᑦ.
ᐳᕙᓕᕆᓐᓇᖅ 19-ᒥᒃ ᖃᓂᒻᒪᕇᒃᑯᑏᑦ ᑲᐱᔭᐅᒍᑏᑦ ᓇᒻᒥᓂᓖᑦ ᐱᓇᓱᕝᕕᖏᓐᓂᒃ ᒪᓂᔭᐅᓯᒪᖕᖏᑐᑦ.
ᖃᕆᑕᐅᔭᕐᒥᓕ ᐊᑐᕐᖃᔭᖕᖏᑯᒪ?
ᖃᕆᑕᐅᔭᒃᑰᑎᑦᓯᐅᑎᒥᒃ ᐊᑐᐃᓐᓇᖃᖕᖏᑯᕕᑦ, ᐃᑲᔪᕐᑕᐅᒍᒪᓗᑎᑦ ᐃᓚᓐᓅᕕᑦ ᐅᕝᕙᓘᓐᓃᑦ ᐃᓚᓐᓈᓅᕕᑦ.
ᖃᕆᑕᐅᔭᒃᑰᑎᑦᓯᐅᑎᒥᒃ ᐱᑕᖃᖕᖏᑯᕕᑦ, ᓯᕙᓂᕈᓐᓇᑐᑎᑦ ᐅᕗᖓ 1-877-644-4545 (ᐅᖄᒍᑎᒃ ᐊᑭᖃᖕᖏᑐᖅ).
ᓯᕿᓂᖕᖑᐊᖃᖕᖏᑲᓗᐊᕈᒪ ᑲᐱᔭᐅᒍᓐᓇᐳᖓ?
ᓄᓇᓯᒪᓪᓚᕆᖕᖏᑯᕕᑦ ᐊᒻᒪᓗ ᓯᕿᓂᖕᖑᐊᖃᖕᖏᑯᕕᑦ, ᐳᕙᓕᕆᓐᓇᖅ 19-ᒥᒃ ᖃᓂᒻᒪᕇᒃᑯᑎᒧᑦ ᑲᐱᔭᐅᒍᓐᓇᑐᑎᑦ ᐃᓄᐃᑦ ᖃᓂᒻᒪᑎᑕᐅᑦᑌᓕᓂᖏᓐᓄᑦ ᑕᒪᓐᓇ ᒪᓕᒐᐅᒻᒪᑦ ᑯᐯᒻᒥᐅᓕᒫᑦ ᐅᖑᒪᔭᐅᒋᐊᖃᕐᓂᖏᓐᓄᑦ. ᓇᓪᓕᐊᓂᒃ ᓄᓇᖃᓪᓚᕆᒐᓗᐊᕈᕕᑦ ᑳᓇᑕᐅᑉ ᐊᓯᐊᓂᒃ, ᑲᐱᔭᐅᒍᓐᓇᑐᑎᑦ. ᑖᒃᑯᐊ ᑐᑭᓯᐅᑎᑦᓭᑦ ᑖᑦᓱᒧᖓᑐᐊᖅ ᐊᑐᕐᑕᐅᒍᑎᑦᓴᓖᑦ ᓄᐃᑦᓯᒋᐊᖃᕐᓂᒧᑦ ᓇᓗᓀᕐᑐᑕᐅᒍᑎᖏᓐᓂᒃ ᑭᓇᓕᒫᒃᑯᓂᒃ ᑲᐱᔭᐅᓯᒪᔪᓂᒃ ᓇᓗᓀᕐᓯᓯᒪᐅᑎᓂᒃ.
ᑐᔫᑕᐅᓚᖓᖕᖏᑐᑦ ᐊᖓᔪᕐᖄᓄᑦ ᐅᕝᕙᓘᓐᓃᑦ ᐱᑦᔪᑎᖏᑦᑕ ᐊᓯᖏᓐᓄᑦ ᐊᑐᕐᑕᐅᓚᖓᒐᑎ. ᓯᕿᓂᖕᖑᐊᖃᖕᖏᑯᕕᑦ, ᐅᕗᖓ ᓯᕙᓂᕐᓗᑎᑦ 1-877-644-4545 (ᐅᖄᒍᑎᒃ ᐊᑭᖃᖕᖏᑐᖅ).
ᖃᑦᓯᕕᓪᓗᖓ ᐳᕙᓕᕆᓐᓇᖅ 19-ᒥᒃ ᖃᓂᒻᒪᕇᒃᑯᑎᒧᑦ ᑲᐱᔭᐅᒍᒪ ᑎᒥᒃᑯᑦ ᐅᖑᒪᐅᑎᑖᑦᓯᐊᕈᓐᓇᐳᖓ?
ᑲᐴᑎᒃ ᓯᕗᓪᓕᖅ ᐱᕙᓪᓕᖁᑎᖕᖑᕈᓐᓇᑐᖅ 14 ᐅᓪᓗᐃᑦ ᐊᓂᒍᕐᑎᓗᒋᑦ. ᑐᖓᓕᖃᕆᐊᖃᕐᒥᔪᖅ ᒥᑭᓪᓕᑎᕈᓐᓇᓂᐊᕐᒪᑕ ᐁᑦᑐᑕᐅᓂᐅᔭᕐᓃᑦ ᐊᒻᒪᓗ ᐅᓄᕐᓯᐅᒥᓗᓂ ᐅᖑᒪᑦᓯᓯᐊᕈᓐᓇᓂᖓ ᐊᒻᒪᓗ ᐅᖑᒪᔭᐅᑎᑦᓯᒍᓐᓇᓂᖓᑕ ᑕᑭᓂᖓ.
ᑐᖓᓕᐊᓂ ᑲᐱᔭᐅᒍᑎᒃ ᐱᕙᓪᓕᖁᑎᖕᖑᕈᓐᓇᑐᖅ ᐊᑕᐅᓯᐅᑉ ᐱᓇᓱᐊᕈᓯᐅᑉ ᓴᓂᐊᓂ. ᑐᖓᓕᐊᓂᒃ ᑲᐱᔭᐅᓯᒪᓕᕐᓗᑎᑦ ᐱᓇᓱᐊᕈᓯᖅ ᓈᑉᐸᑦ, ᓈᒻᒪᓯᓚᖓᔪᖅ ᖃᓂᒪᓐᓇᒧᑦ ᐱᔭᐅᒌᒃᑯᓯᕐᓯᒪᓃᑦ. ᐅᖑᒪᐅᑎᑦᓯᐊᒍᓚᖓᒍᓂ, ᑐᖓᓕᐊ ᑲᐴᑎᒃ ᑲᐱᔭᐅᒍᑎᐅᒋᐊᓕᒃ ᐱᓇᓱᐊᕈᓰᑦ ᓯᑕᒪᐅᔪᕐᑐᑦ ᐅᖓᑖᓄᓘᓐᓃᑦ ᐊᓂᒍᓚᐅᕐᑎᓇᒋᑦ ᓯᕗᓪᓕᒥ ᑲᐱᔭᐅᓚᐅᕐᑐᕕᓂᐅᓗᓂ.
ᐃᓄᐃᑦ ᐳᕙᓕᕆᓐᓇᖅ 19-ᒥᒃ ᖃᓂᒻᒪᕈᑎᖃᕐᓯᒪᔪᑦ ᐃᑭᓐᓂᐸᐅᑎᓗᒋᑦ ᐅᓪᓗᐃᑦ 21 ᑲᐱᔭᐅᓚᐅᕋᑎᒃ, ᐊᑕᐅᓯᕕᓪᓗᑎᒃ ᑲᐱᔭᐅᒋᐊᓖᑦ. ᖁᐱᕐᕈᐊᕈᖏᓐᓄᑦ ᐃᒻᒪᕈᑎᖃᕐᓂᖅ ᐱᒋᐊᕐᑎᓯᔪᖅ ᓴᐴᓗᑕᐅᑉ ᖃᓄᐃᓕᒍᑎᖃᕐᓂᖏᓐᓂᒃ ᑌᒫᑦᓭᓇᖅ ᐊᐅᓚᑦᔦᓗᓂ ᓯᕗᓪᓕᒥ ᑲᐴᑎᐅᑉ ᐊᐅᓚᑦᔦᓯᒪᒐᔭᕐᓂᖓᓂᒃ. ᑌᒣᒻᒪᑦ ᑲᐱᔭᐅᒍᓂ ᐃᓄᒃ ᖃᓂᒻᒪᕈᑎᖃᕐᓯᒪᔪᖅ ᐳᕙᓕᕆᓐᓇᖅ 19-ᒥᒃ ᐱᕙᓪᓖᒋᐊᕈᑎᖃᔨᐊᖃᕋᔭᕐᑐᖅ ᑌᒫᑦᓭᓇᖅ ᑐᖓᓕᐊᓂ ᑲᐱᔭᐅᒐᔭᕐᓂᖓᑎᑐᑦ ᐃᓅᑉ
ᖃᓂᒻᒪᕈᑎᖃᓚᐅᕋᑕᖕᖏᑑᑉ. ᖃᐅᔨᒪᔭᐅᓕ ᐊᑦᑕᓇᖕᖏᒪᑦ ᐃᓄᒃ ᐳᕙᓕᕆᓐᓇᖅ 19-ᒥᒃ ᖃᓂᒪᒍᑎᖃᕐᓯᒪᔪᖅ ᒪᕐᕈᕕᑦᑕᐅᓗᓂ ᑲᐱᔭᐅᒐᓗᐊᕈᓂ.
ᑐᖓᓕᐊᓂ ᑲᐱᔭᐅᕕᑦᓭᑦ ᐋᕐᕿᑕᐅᓚᖓᔪᖅ ᑲᐱᔭᐅᕕᒻᒦᓕᕈᕕᑦ.
ᐁᑦᑐᑕᐅᓚᖓᕗᖓ ᑲᐱᔭᐅᓯᒪᓕᕆᐊᒥᒃ ᓱᕐᖁᐃᓯᑎᑦᓯᐅᑎᒥᒃ?
ᑯᐯᒻᒥ, ᑲᐱᔭᐅᒍᕕᑦ, ᐁᑦᑐᑕᐅᓚᖓᔪᑎᑦ ᑲᐱᔭᐅᒋᐊᕐᐱᑦ ᓱᕐᖁᐃᓯᑎᑦᓯᐅᑎᒥᒃ. ᑖᓐᓇ ᐊᑐᕐᓂᖃᓲᖅ ᑲᐱᔭᐅᔪᓕᒫᓄᑦ ᑲᐴᑎᓕᒫᓄᑦ, ᐃᓚᐅᑎᓪᓗᒋᑦ ᐳᕙᓕᕆᓐᓇᖅ 19-ᒧᑦ ᖃᓂᒻᒪᕇᒃᑯᑏᑦ. ᖃᕆᑕᐅᔭᕐᒥ ᓱᕐᖁᐃᓯᑎᑦᓯᐅᑎᒃ ᐃᓕᔭᐅᓚᖓᒻᒥᔪᖅ ᑲᐱᔭᐅᔪᒥᒃ ᓇᓗᓀᕐᓯᐅᑎᒃ ᐳᕙᓕᕆᓐᓇᖅ 19-ᒥᒃ ᖃᓂᒻᒪᕇᒃᑯᑎᒧᑦ ᑲᐱᔭᐅᒌᕈᕕᑦ. ᑖᓐᓇ ᑲᐱᔭᐅᓂᕐᓃᕕᑦ ᓇᓗᓀᕐᓯᐅᑎᒃ
PDF-ᒦᑦᓱᓂ ᐊᓪᓚᖁᑎᖕᖑᑐᖅ ᖃᕆᑕᐅᔭᒥ ᓄᐃᑎᒍᓐᓇᓚᖓᔦᑦ ᖃᕆᑕᐅᔭᒃᑰᕕᑦ ᐅᕝᕙᓘᓐᓃᑦ ᖃᕆᑕᐅᔮᕈᒃᑰᕕᑦ.
ᖃᕆᑕᐅᔭᕐᒦᔨᐊᖃᕋᓗᐊᕈᕕᑦ ᑲᐱᔭᐅᓂᕐᓃᕕᑦ ᓱᕐᖁᐃᓯᑎᑦᓯᐅᑎᒥᒃ, ᐱᐅᓂᕐᓴᒪᕆᐅᓚᖓᔪᖅ ᓱᕐᖁᐃᓯᑎᑦᓯᐅᑎᐅᑉ ᑲᐱᔭᐅᓂᕐᓃᕕᑦ ᐊᑦᔨᖓᓂᒃ ᓯᑯᑦᓴᔭᒥᒃ ᓇᔪᕐᑎᑖᑦᓯᐊᕈᕕᑦ ᐊᑐᐃᓐᓇᕇᓐᓇᓯᓚᖓᓗᒍ.
ᐳᕙᓕᕆᓐᓇᖅ 19-ᒧᑦ ᖃᓂᒻᒪᕇᒃᑯᑎᒧᑦ ᑲᐱᔭᐅᒌᕈᕕᑦ, ᓄᐃᑎᒍᓐᓇᓯᓚᖓᔭᑎᑦ ᖃᕆᑕᐅᔭᒃᑯᑦ ᑲᐱᔭᐅᓂᕐᓃᕕᑦ ᓱᕐᖁᐃᓯᑎᑦᓯᐅᑎᒧᑦ ᑲᐱᔭᐅᓯᒪᓂᕐᓃᕕᑦ ᐃᒻᒥᓂᕿᔪᑦ-ᑭᒡᒐᑐᕐᑕᐅᕕᖓᓂ ᖃᕆᑕᐅᔭᒃᑯᑦ. ᑕᑯᒍᓐᓇᑕᑎᑦ, ᐅᕘᓇ https://covid19.quebec.ca/PreuveVaccinale. ᑕᑯᒍᓐᓇᕕᒻᒨᕈᕕᑦ, ᐅᑯᓂᖓ ᓄᐃᑦᓯᖁᔭᐅᓚᖓᔪᑎᑦ:
• ᐊᑏᑦ ᓯᕗᓪᓕᖅ ᐊᒻᒪᓗ ᑭᖑᓪᓕᖅ;
• ᐃᓅᓕᕐᕖᑦ;
• ᓯᕗᓪᓕᒥ ᑲᐱᔭᐅᕕᕕᓂᕐᐱᑦ ᐳᕙᓕᕆᓐᓇᖅ 19-ᒧᑦ ᖃᓂᒻᒪᕇᒃᑯᑎᒧᑦ ᐅᓪᓗᖓ;
• ᓇᓗᓀᕐᓯᐅᑎᖓ ᐊᑎᖓ ᓯᕗᓪᓕᒥ ᖃᓂᒻᒪᕇᒃᑯᑎᐅᑉ ᑲᐴᑎᐅᑉ;
• ᓯᕿᓂᖕᖑᐊᐱᑦ ᑭᑎᑦᔪᑎᖏᑦ.
ᑖᒃᑯᐊ ᑐᑭᓯᐅᑎᑦᓭᑦ ᓇᓗᓀᕐᑕᐅᐸᑕ, ᖃᕆᑕᐅᔭᕐᓅᕖᕈᓐᓇᓯᓚᖓᔭᑎᑦ ᑲᐱᔭᐅᓯᒪᒋᐊᕐᐱᑦ ᓱᕐᖁᐃᓯᑎᑦᓯᐅᑏᑦ, ᖃᕆᑕᐅᔭᕐᒧᑦ ᓄᐃᑎᒐᓱᐊᕐᑕᑎᑦ ᖃᓄᐃᓕᖕᖓᖏᑉᐸᑕ. ᖃᓄᐃᓕᖕᖓᐸᑕ ᓄᐃᕐᖃᔦᕐᓗᑎᒃ, ᐃᓕᒍᓐᓇᓚᖓᖕᖏᑕᑎᑦ ᓱᕐᖁᐃᓯᑎᑦᓯᐅᑏᑦ ᓄᐃᑕᒍᑎᑕᖓᓃᑦᑐᑦ. ᑕᒻᒪᓂᕃᔪᑦ ᓄᐃᑦᓯᖃᔭᖕᖏᐅᑏᑦ ᓄᐃᒐᔭᕐᑐᑦ ᐃᒣᑦᑑᐸᑦ:
• ᑐᑭᓯᐅᑎᑦᓭᑦ ᓄᐃᑕᑎᑦ ᐊᑦᔨᐅᖏᑉᐸᑕ ᑐᑭᓯᐅᑎᑦᓴᖁᑎᖏᓐᓄᑦ ᑯᐯᒻᒥ ᑲᐱᔭᐅᔪᓂᒃ ᓇᓗᓀᕐᓯᕕᐅᑉ ᐅᕝᕙᓘᓐᓃᑦ ᐅᑯᐊ Régie de l’assurance maladie du Québec (RAMQ) ᓇᓗᓀᕐᓯᕕᖓᓄᑦ.
• ᐊᖓᔪᕐᖄᑭᒃ ᓇᓗᓀᕐᑕᐅᓯᒪᖕᖏᐸᑕ ᐅᑯᓄᖓ RAMQ.
ᐱᓇᓱᐊᕐᑕᐅᓂᖏᑦ ᑲᔪᓯᔪᑦ ᖃᕆᑕᐅᔭᒃᑯᑦ ᑲᐱᔭᐅᔪᑦ ᓱᕐᖁᐃᑕᐅᑎᑦᓯᐅᑎᖏᑦ ᐊᑐᐃᓐᓇᐅᖁᔭᐅᓂᖏᓐᓄᑦ ᐃᓘᓐᓇᖏᑦᑕ ᑲᐱᔭᐅᔪᓕᒫᑦ ᓱᕐᖁᐃᑕᐅᒍᑎᖏᑦ.
ᐃᓄᐃᑦ 14-ᓂᒃ ᐅᑭᐅᓖᑦ ᐊᒻᒪᓗ ᐅᕕᒐᕐᓂᓭᑦ ᖃᕆᑕᐅᔭᒃᑯᑦ ᓄᐃᑦᓯᖃᔭᓚᖓᖕᖏᑐᑦ ᑲᐱᔭᐅᓯᒪᒋᐊᒥᒃ ᓱᕐᖁᐃᑕᐅᒍᑎᒥᓂᒃ ᖃᕆᑕᐅᔭᒃᑯᑦ ᓄᐃᑦᓯᕕᖓᓃᑦᑐᓂᒃ.
ᓯᑯᑦᓴᔭᖁᑎᑖᑎᑦ ᐅᕝᕙᓘᓐᓃᑦ ᖃᕆᑕᐅᔭᒃᑯᑦ ᐊᑦᔨᖏᑦ ᑲᐱᔭᐅᓯᒪᒋᐊᕐᐱᑦ ᓱᕐᖁᐃᑕᐅᑎᑦᓯᐅᑎᖓ ᑕᒻᒪᓯᒪᑉᐸᑕ, ᐋᕐᕿᑕᐅᑎᒋᐊᓖᑦ. ᑲᒪᒋᔭᐅᕕᑦᓴᓃᕕᑦ ᐅᓪᓗᒥᒃ ᐋᕐᖀᖃᑎᒋᑐᐃᓐᓇᓗᒋᑦ Clic Santé ᖃᕆᑕᐅᔭᒃᑯᑦ ᓇᕐᓂᓗᒍ COVID-
19 Vaccine - Troubleshooting service ᑖᓐᓇ ᐳᕙᓕᕆᓐᓇᖅ 19-ᒧᑦ ᑲᐴᑎᓄᑦ - ᖃᕆᑕᐅᔭᒃᑯᑦ
ᓄᐃᑦᓯᒍᓐᓇᖏᐅᒪᔪᓄᑦ ᑭᒡᒐᑐᕐᑕᐅᕕᒃ. ᑌᒪ ᐁᕕᒋᓪᓚᕆᓪᓗᒍ ᑲᐳᕐᑕᐅᕕᒃ ᐊᑦᔭᓗᒍ ᓯᕿᓂᖕᖑᐊᑦ ᐅᕝᕙᓘᓐᓃᑦ ᐊᓯᐊ ᓇᓗᓀᕐᑕᐅᓯᒪᐅᑏᑦ.
ᑐᑭᓯᒋᐊᓪᓚᕈᒪᒍᕕᑦ ᑲᐱᔭᐅᔪᑦ ᓇᓗᓀᕐᑕᐅᒍᑎᖏᓐᓄᑦ ᓱᕐᖁᐃᓯᑎᑦᓯᐅᑎᓄᑦ, ᐅᕗᖕᖓᓗᑎᑦ ᖃᕆᑕᐅᔭᒃᑯᑦ:
https://www.quebec.ca/en/health/health-issues/a-z/2019-coronavirus/progress-of-the-covid- 19-vaccination/proof-covid-19-vaccination
ᐳᐃᒍᕐᑌᓕᒋᑦ: ᑲᐴᑎᒃ ᐃᑭᓪᓕᑎᕆᓯᒪᓲᖅ ᒪᓗᓐᓇᐅᑎᓂᒃ ᐊᒻᒪᓗ ᐋᓐᓂᐊᖃᕐᓂᒧᑦ ᖃᓄᐃᓕᖕᖓᓚᕿᐅᑎᓂᒃ ᐳᕙᓕᕆᓐᓇᖅ 19-ᒧᑦ ᑌᒣᑕᐅᓚᕿᔪᓂᒃ. ᑲᐱᔭᐅᓂᖅ ᐱᐅᓂᕐᐸᐅᕗᖅ ᐅᖑᒪᑦᓯᐅᑕᐅᑦᓱᓂ.