ᐃᓱᒪᒥᒍᑦ ᐋᓐᓂᐊᖃᕐᓂᕐᒧᑦ ᑲᒥᓯᓇ ᑲᓇᑕᒥ ᓱᓕᓂᕋᐅᑎᖓ ᓴᐃᒻᒪᖃᑎᒌᖕᓂᖕᒧᑦ
ᐃᓱᒪᒥᒍᑦ ᐋᓐᓂᐊᖃᕐᓂᕐᒧᑦ ᑲᒥᓯᓇ ᑲᓇᑕ ᑐᕌᖅᑐᖅ ᐱᐆᓯᕚᓪᓕᖅᑎᑉᐸᓪᓕᐊᓗᒋᑦ ᐊᑕᔪᑦ ᐃᓱᒪᒧᑦ ᐋᓐᓂᐊᖃᖅᑐᓄᑦ ᐊᒻᒪᓗ ᖃᓄᐃᖏᑦᑎᐊᓕᖁᓪᓗᒋᑦ ᓄᓇᖃᖅᑐᑦ ᑲᓇᑕᒥ, ᐊᒻᒪᓗ ᑭᒡᒐᖅᑐᕐᓂᐊᕐᒪᑕ ᐃᑲᔪᖃᑦᑕᕐᓂᐊᕋᑦᑕ ᐊᔾᔨᒌᒥᒃ ᐊᒻᒪᓗ
ᐊᑐᖅᑕᐅᔪᓐᓇᕐᓗᑎᒃ ᐃᓱᒪᒧᑦ ᐋᓐᓂᐊᓕᖕᓄᑦ ᐱᓕᕆᔾᔪᑕᐅᔪᓂ. ᐱᓗᐊᖅᑐᒥᒃ, ᓂᓪᓕᐅᑎᒋᓚᕗᑦ ᑖᒃᑯᐊ
ᖃᓄᐃᖏᑦᑎᐊᕆᐊᖃᕐᓂᕐᒧᑦ ᑭᖒᒪᒋᔭᖏᑦ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᐃᖓᔪᑦ ᐊᔾᔨᐅᓐᖕᑐᒦᒻᒪᑕ, ᐊᒻᒪᓗ ᐃᓕᓴᕆᓯᒪᔭᕗᑦ ᐊᔾᔨᒋᔭᐅᓐᖏᑦᑐᒥᒃ ᖃᓄᐃᓕᖓᓂᐊᕐᒪᑕ, ᐱᔪᓐᓇᕐᓂᖃᖅᑐᑦ ᐊᒻᒪᓗ ᐃᓅᔾᔪᓯᖏᑦ ᐊᓪᓚᐅᔾᔪᓯᖏᑦ ᑖᒃᑯᐊ ᐊᔾᔨᒌᓐᖏᑑᖕᒪᑕ ᐃᒻᒥᒍᑦ ᐊᑐᓂ.
ᐱᔭᕇᑦᑎᐊᕐᓂᐊᖅᑕᕗᑦ ᑕᒪᓐᓇ ᐊᐅᓪᓗᑎᓗᒋᑦ ᓴᓇᔭᒃᓴᕗᑦ ᑕᐃᒫᒃ ᓱᓐᓂᕈᑎᒋᓂᐊᖅᑐᓄᑦ ᐅᑯᑎᒍᑦ:
• ᖃᐅᔨᒪᔭᐅᓕᑦᑎᐊᖅᑎᓪᓗᒍ ᐊᑐᖅᑕᐅᑎᓪᓗᒍ ᐃᓱᒪᒧᑦ ᐋᓐᓂᐊᖃᖅᑐᓄᑦ ᐱᓕᕆᔾᔪᑕᐅᔪᖅ ᐅᓇᓗ ᒪᓕᒃᑐᖅ ᓂᐱᖏᓐᓂᒃ ᐊᒻᒪᓗ ᐱᔪᒪᔭᖏᓐᓂᒃ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᐃᖓᔪᑦ.
• ᐃᑲᔫᑎᑦ ᖃᐅᔨᓴᕐᓂᕐᒧᑦ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᐃᖓᔪᑦ ᐃᓱᒪᖏᓐᓄᑦ ᐋᓐᓂᐊᕈᑎᑦ.
• ᓴᕿᑦᑎᓗᑎᒃ ᐊᒻᒪᓗ ᐊᑐᕐᓗᒋᑦ ᐱᓇᓱᐊᖃᑎᒌᖕᓂᖅ ᐊᒻᒪᓗ ᐃᓚᒌᖕᓂᖅ ᑖᒃᑯᓄᖓ ᐃᓱᒪᒥᒃ ᐋᓐᓂᐊᖃᖅᑕᐃᓕᑎᑦᑎᓂᕐᒧᑦ ᓄᓇᖃᑎᒌᑦ ᑖᒃᑯᓂᖓ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᐃᖓᔪᑦ.
• ᐃᑲᔪᕐᓗᒋᑦ ᓄᑖᓂᒃ ᐱᓕᕆᔾᔪᑕᐅᓕᖅᑐᓂᒃ ᑭᐅᓯᔪᓂᒃ ᐃᓱᒪᒥᒃ ᐋᓐᓂᐊᖃᖅᑕᐃᓕᑎᑦᑎᓂᕐᒧᑦ ᑭᖕᖑᒪᒋᔭᖏᓐᓂᒃ ᑖᒃᑯᐊ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᐃᖓᔪᑦ.
ᖃᐅᔨᒪᖁᔨᕗᒍᑦ ᐊᖏᖅᓯᒪᑦᑎᐊᕋᑦᑕ ᓴᐃᒻᒪᖃᑎᒌᒍᑎᒃᓴᓄᑦ, ᐱᓗᐊᖅᑐᒥᒃ ᐅᖃᖅᑕᐅᓯᒪᔪᓂᒃ ᑭᒡᓕᓯᓐᓂᐊᖅᑎᒃᑯᓂᑦ ᐊᒻᒪᓗ ᔪᓇᐃᑎᑦ ᓇᐃᓴᓐᔅ ᓱᓕᓂᕋᐅᑎᖓ ᐱᔪᓐᓇᕐᓂᖃᕐᓂᖏᓐᓄᑦ ᓄᓇᖅᑲᖅᑳᖅᓯᒪᔪᑦ.
ᐊᖏᖅᓯᒪᕗᒍᑦ ᓴᐃᒻᒪᖃᑎᒌᒃᑎᑦᑎᓂᕐᒧᑦ ᐃᒪᓐᓇ ᐊᑖᓂ ᑎᑎᕋᖅᓯᒪᔪᓂᒃ ᐊᑐᖅᓯᓗᑕ:
• ᑲᑎᒪᓂᖅ
o ᑲᑎᖓᑎᓪᓗᒋᑦ ᖁᕕᐊᓱᒍᑎᑦ ᑲᑎᖓᔾᔪᑎᑦ ᐊᒻᒪᓗ ᖃᓄᐃᓕᐅᕈᑕᐅᔪᓐᓇᖅᑐᑦ ᐱᕕᖃᖅᑎᑦᑎᔪᑦ
ᑐᑭᓯᓇᓱᖃᑎᒌᒍᑎᒃᓴᓄᑦ, ᐱᓇᓱᐊᖃᑎᒌᒍᑎᒃᓴᓄᑦ, ᐊᒻᒪᓗ ᐃᓚᒌᑦᑎᐊᓂᓕᕈᑎᒃᓴᓄᑦ ᑖᒃᑯᓄᖓ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᐃᖓᔪᑦ.
o ᐊᖏᖅᓯᒪᑦᑎᐊᖅᓗᑕ ᐅᖃᓪᓚᖃᑎᒋᑦᑎᐊᖃᑦᑕᕐᓗᒋᑦ ᒪᑐᐃᖓᑦᑎᐊᕐᓗᑕ ᐊᒻᒪᓗ ᐋᕿᒃᓱᐃᕙᓪᓕᐊᑎᐊᕐᓗᑕ ᑖᒃᑯᐊ ᐱᖃᑎᒋᓗᒋᑦ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᐃᖓᔪᑦ ᓄᓇᓖᑦ.
• ᐃᓄᐃᑦ
o ᓴᕿᑦᑎᕙᓪᓕᐊᓗᑕ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᐃᖓᔪᑦ ᐱᔪᓐᓇᖅᑕᖏᓐᓂᒃ ᑖᒃᑯᓄᖓ ᐱᓕᕆᐊᕆᓗᒋᑦ ᐃᓱᒪᒧᑦ ᐋᓐᓂᐊᖃᕐᓂᕐᒧᑦ.
o ᐊᖅᓯᒪᑦᑎᐊᕐᓗᑕ ᐃᓕᑦᑎᕕᒋᓗᒋᑦ ᐃᓅᔾᔪᓯᖏᑦ ᐊᒻᒪᓗ ᐱᖁᓯᑐᖃᖏᑦ ᒪᓕᒡᓗᒍ ᐃᓱᒪᒧᑦ ᒪᒥᓴᕐᓂᕐᒧᑦ.
• ᐋᕿᒃᓱᖅᓯᒪᔪᑦ
o ᕿᓂᕐᓗᑕ ᓄᓇᖅᑲᖅᑳᖅᓯᒪᔪᑦ ᐃᒻᒥᒍᑦ ᐊᔾᔨᒌᓐᖏᔾᔪᑎᖏᑦ ᐃᓗᐊᓂ ᐊᐅᓚᑦᓯᔨᑦᑎᒍᑦ.
o ᖃᐅᔨᒪᔭᐅᓕᖅᑎᓪᓗᒋᑦ ᓴᕿᑕᐅᓯᒪᓂᖓᓂ ᐊᒻᒪᓗ ᐱᕙᓪᓕᐊᑎᑕᐅᓂᖓᓂ ᓄᓇᖅᑲᖅᑳᖅᓯᒪᔪᑦ
ᐊᐅᓚᑦᓯᔨᖏᑦᑎᒍᑦ ᑕᒪᑐᒧᖓ ᐃᓱᒪᒧᑦ ᐋᓐᓂᐊᖃᖅᑕᐃᓕᑎᑦᑎᔾᔪᑕᐅᔪᖅ ᑭᒡᒐᖅᑐᐃᓗᑎᒃ ᐱᔪᒪᔭᖏᓐᓂᒃ
ᑭᖕᖒᒪᒋᔭᖏᓐᓂᒃ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᐃᖓᔪᑦ, ᒪᓕᒡᓗᑎᒃ ᑐᓐᖓᔾᔪᑕᐅᔪᑦ ᐃᒻᒥᒍᑦ- ᐊᐅᓚᑦᑎᔪᓐᓇᕐᓂᖅ.
• ᐱᓕᕆᔾᔪᓯᖅ
o ᒪᓕᒃᑎᒌᑦᑎᐊᓕᖁᓪᓗᒋᑦ ᓯᕗᓪᓕᐅᑎᖁᔭᐅᔪᑦ ᐊᐅᓚᑦᓯᔨᑦᑎᓐᓂᑦ ᑕᐃᒫᒃ ᐊᑐᖅᓯᑦᑎᐊᕐᓗᑎᒃ ᐱᔪᒪᔭᖏᓐᓂᒃ ᐊᒻᒪᓗ ᓂᐱᖏᓐᓂᒃ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᐃᖓᔪᑦ, ᐊᒻᒪᓗ ᓂᓪᓕᕈᑎᒋᓗᒋᑦ ᓈᒻᒪᓐᖏᓗᐊᖅᑐᑦ ᐱᓕᕆᔾᔪᑕᐅᔪᓂ ᓴᓇᓯᒪᔪᓄᑦ ᐃᓱᒪᒋᔭᐅᓯᒪᓐᖏᑦᑎᐊᖅᓯᒪᔪᑦ ᐱᔪᒪᔭᖏᓐᓄᑦ ᑭᖕᖑᒪᒋᔭᖏᑦ ᐊᓪᓚᐃᑦ, ᐃᓄᐃᑦ ᐊᒻᒪᓗ ᐊᓪᓚᐃᖓᔪᑦ. ᐅᖃᐅᔾᔪᐃᔨᒋᔭᐅᓗᑕ ᑕᑕᒥᓐᓇᓗᐊᖅᑐᓄᑦ-ᑐᓴᕐᑎᑦᑎᔾᔪᓯᖅ ᐸᕿᓪᓗᓂ ᐊᑕᔪᑦ ᐃᓅᑉ ᐃᓱᒪᖏᓐᓄᑦ ᐊᒻᒪᓗ ᐱᓕᕆᔾᔪᓯᖏᓐᓄᑦ ᐱᖁᓯᑐᖃᖏᑦᑎᒍᑦ ᐊᑦᑕᕐᓇᐃᓕᓯᒪᓗᒋᑦ.
“ᓅᑉᐸᓪᓕᐊᔭᕆᐊᖃᓕᕋᑦᑕ ᑲᑐᔾᔨᓗᑕ. ᓯᕗᓂᒃᓴᖏᓐᓄᑦ ᐊᒻᒪᓗ ᖃᓄᐃᖏᑦᑎᐊᖅᑐᒦᖁᓪᓗᒋᑦ ᑕᒪᕐᒥᒃ ᓄᑕᖃᕗᑦ ᑕᐃᒪᓐᓇᐃᑦᑐᑎᒍᑦ ᐃᓚᒌᒍᓯᑦᑎᓐᓄᑦ ᐋᕿᒃᓱᖅᐸᓪᓕᐊᔭᑦᑎᒍᑦ ᐅᓪᓗᒥ”.
ᐊᖓᔪᖅᑳᖅ ᓘᒃᑖᖅ ᐅᓚᐳᑦ ᔪᓯᐱ
