mhstrategy strategy summary inuktitut eng 0

ᐃᓱᒪᒃᑯᑦ ᖃᓄᐃᑦᑕᐃᓕᒪᑎᑦᑎᓂᕐᒧᑦ ᑲᑎᒪᔨᖏᑦ ᑲᓇᑕᒥ

ᖃᓄᖅᑑᕐᓂᕐᒧᑦ ᐸᕐᓇᐃᔩᑦ:

ᒥᐊᕆ ᕙᕐᑐᕋᒻ, ᕼᐊᕗᑦ ᑦᓱᑐᔅ, ᓯᐊᕋ ᒐᔅᓕᖕ, ᓱᓴᓐ ᓕᓐ ᕼᐊᕐᑎ, ᕗᕌᓐᓰᓐ ᓅᑉᔅ, ᓗᐃᔅ ᓚᐱᐊᕐ, ᑖᓇ ᓚᐃᔭᓐᔅ, ᕚᕗᕋ ᓂᐅᕕᐅᓪᑦ ᑐᑭᓕᐅᕆᔭᐅᓂᖏᓐᓄᑦ ᑲᒪᔨ:

ᒪᐃᓖᓐ ᐳᕈᓪ

Ukuat titiqat piyaulat Inuinnaqtun.

This document is available in English.

Ce document est disponible en français.

ᐅᐅᐧᐁ ᐅᔑᐱᐃᑲᓐ ᑕᐧᑲᓐ ᐃᔑᑭᔑᐧᐁᐧᐃᓐ (ᐅᒋᐧᐯ).

Omā māsināhikān otā kākēkātcitinēnāwāw (Paskwāw Ayamowin) Omā māsināhikān otā kākēkātcitinēnāwāw (Sakāw Ayamowin) ᑖᒃᑯᐊ ᑎᑎᕋᖅᓯᒪᔪᑦ ᐊᑐᐃᓐᓇᐅᒪᔪᑦ ᐅᖃᓕᒫᕋᒃᓴᐅᓪᓗᑎᑦ ᐃᑭᐊᖅᑭᕕᒻᒥ www.mentalhealthcommission.ca ᑎᑎᕋᖅᓯᒪᔪᑦ ᑎᑎᕋᐅᓯᐅᓗᑎᑦ ᐃᓕᓴᕆᔭᐅᔾᔪᑎᖏᑦ

ᑎᑎᕋᖅᑕᐅᖁᔭᐅᕗᑦ ᐃᒪᓐᓇ: ᐃᓱᒪᒃᑯᑦ ᖃᓄᐃᑦᑕᐃᓕᕐᓂᕐᒧᑦ ᑎᒥᑎᖓ ᑲᓇᑕᒥ. (2012). ᓴᕿᔪᑦ, ᐊᓯᔾᔨᔪᑦ ᐃᓅᓯᕐᓂᑦ: ᐃᓱᒪᒃᑯᑦ ᖃᓄᐃᑦᑕᐃᓕᒪᓂᕐᒧᑦ ᖃᓄᖅᑑᕈᑎ ᑲᓇᑕᒧᑦ. ᑲᓪᒍᕆ, ᐊᓪᕘᑕ:

ᑎᑎᕋᖅᑎ.

©2012 ᐃᓱᒪᒃᑯᑦ ᖃᓄᐃᑦᑕᐃᓕᒪᓂᕐᒧᑦ ᑎᒥᖓᑦ ᑲᓇᑕᒥ

10301 Southport Lane, SW, Calgary, Alberta, T2W 1S7 ᐊᒥᓱᓕᐅᖅᑕᐅᒍᓐᓇᖅᓯᒪᕗᑦ ᑖᒃᑯᐊ ᑎᑎᖅᑲᑦ ᑮᓇᐅᔭᖅᑎᒍᑦ ᐃᑲᔪᖅᑕᐅᓯᒪᓗᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᓇᑕᒥ. ᑕᐅᑦᑐᒋᔭᐅᔪᑦ ᐅᓂᒃᑲᐅᑏᑦ ᑕᕝᕙᓂ ᑭᒡᒐᖅᑐᐃᕗᑦ ᑕᐅᑐᑦᑕᐅᔪᓂᑦ ᐃᓱᒪᒃᑯᑦ ᖃᓄᐃᑦᑕᐃᓕᒪᓂᕐᒧᑦ ᑎᒥᖓ ᑲᓇᑕᒥ.

ᓄᓇᕐᔪᐊᕐᒥ ᐅᖃᓕᒫᒐᐃᑦ ᓈᓴᐅᓯᖅᓱᖅᑕᐅᓯᒪᓂᖏᑦ:

978-0-9813795-8-6 ᐱᖁᔭᖅᑎᒍᑦ

ᑲᓇᑕᒥ ᐅᖃᓕᒫᒐᖃᕐᕕᕐᔪᐊᖅ

ᐱᒋᐊᕐᓂᖓ

ᑭᒡᒐᑐᖅᑐᒋᑦ ᐃᓱᒪᒃᑯᑦ ᖃᓄᐃᑦᑕᐃᓕᒪᓂᕐᒧᑦ ᑲᑎᒪᔨᖏᑦ ᑲᓇᑕᒥ, ᖁᕕᐊᓱᒻᒪᕆᑉᐳᖓ ᓵᖕᓅᕈᓐᓇᕋᑦᑎᒍ ᓴᕿᔪᑦ, ᐃᓅᓯᕐᒥ ᐊᓯᔾᔩᔪᑦ: ᐃᓱᒪᒃᑯᑦ ᖃᓄᐃᑦᑕᐃᓕᓂᕐᒧᑦ ᖃᓄᖅᑑᕈᑎ ᑲᓇᑕᒧᑦ. ᐊᒥᓱᓕᐅᖅᑕᐅᓯᒪᓂᖏᑦ ᓴᖅᑭᖅᑎᑕᐅᓯᒪᓪᓗᑎᑦ ᑖᒃᑯᐊ ᑭᒡᒐᖅᑐᐃᕗᑦ ᓯᕗᒧᐊᒍᑎᒋᔪᓐᓇᕐᓂᕋᑦᑎᒍ ᐱᓕᕆᐊᕆᓪᓚᑦᑖᕆᐊᓕᕗᑦ

ᐱᓇᓱᐊᖅᑕᑎᓐᓂᑦ ᐃᓱᒪᒃᑯᑦ ᖃᓄᐃᑦᑕᐃᓕᒪᓂᕐᒧᑦ ᑎᒥᖓ ᐱᙳᖅᑎᑕᒥᓂᐅᓂᖓᑕ ᒐᕙᒪᑐᖃᒃᑯᓐᓄᑦ ᐄᐳᕈᓪ 2007−ᖑᑎᓪᓗᒍ.

ᑎᒥᐅᔪᖅ ᐊᑐᖅᓯᒪᕗᑦ ᐊᑐᖅᑕᐅᖃᑦᑕᖅᓯᒪᔪᓂᑦ, ᖃᐅᔨᒪᔭᐅᔪᓂᑦ ᐊᒻᒪᓗ ᐅᖃᐅᔾᔭᐅᒋᐊᕐᔫᒥᕙᓚᐅᖅᑐᑎᑦ ᐊᒥᓱᒻᒪᕆᐊᓗᓐᓄᑦ ᐃᓄᓐᓄᑦ ᑲᓇᑕᒥ ᑕᒪᓐᓇ ᖃᓄᖅᑑᕈᑎ ᑎᑎᕋᖅᑕᐅᕙᓪᓕᐊᑎᓪᓗᒍ. ᐅᓂᒃᑳᑦ ᑐᓴᖅᓯᒪᔭᕗᑦ ᐃᓄᓐᓂᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᓕᓐᓂᑦ ᐋᓐᓂᐊᖃᖅᑐᓂᓪᓗ ᐃᓱᒪᒃᑯᑦ, ᖃᑕᙳᑎᖏᓪᓗ, ᐊᒻᒪᓗ ᐊᒥᓱᑦ ᐃᓄᐃᑦ ᓴᐱᓕᔪᐃᑦᑐᑦ ᐃᖅᑲᓇᐃᔭᖃᑎᖃᖅᐸᑦᑐᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᓕᓐᓂᑦ ᑲᓇᑕᒥ ᐊᑦᑐᐃᓯᒪᕚᑎᒍᑦ, ᓂᙵᒃᑎᑕᐅᓯᒪᓪᓗᑕ, ᐊᒻᒪᓗ ᐱᓕᕆᔪᒪᒃᑲᓐᓂᕈᑎᒋᓯᒪᕙᕗᑦ.

ᑖᓐᓇ ᖃᓄᖅᑑᕈᑎ ᐱᐅᓯᕚᓪᓕᖅᑎᑦᑎᒍᑎᐅᓇᓱᐊᖅᑐᖅ ᐃᓱᒪᒃᑯᑦ ᖃᓄᐃᑦᑕᐃᓕᒪᑎᑦᑎᓇᓱᐊᖅᑐᓂ ᐊᒻᒪᓗ ᐋᓐᓂᐊᖅᑕᐃᓕᒪᑎᑦᑎᓇᓱᐊᖅᑐᓂ ᑭᒃᑯᓕᒫᓄᑦ ᐊᒻᒪᓗ ᓴᖅᑮᓪᓗᓂ, ᑕᒪᐃᑎᒍᑦ, ᐃᓱᒪᒃᑯᑦ ᖃᓄᐃᑦᑕᐃᓕᓂᕐᒧᑦ ᐊᑐᕋᒃᓴᒥᑦ ᑭᙴᒪᒋᔭᐅᔪᓂᑦ ᐃᓄᓐᓄᑦ ᐊᑐᐃᓐᓇᐅᒪᑎᑦᑎᓗᓂ ᖃᑦᑎᐅᒐᓗᐊᕈᓂ ᐅᑭᐅᖏᑦ ᐃᓱᒪᒃᑯᑦ ᐋᓐᓂᕈᑎᓖᑦ ᐊᑲᐅᙱᓕᐅᕈᑎᓖᑦ, ᐊᒻᒪᓗ ᖃᑕᙳᑎᖏᑦ. ᑕᒪᓐᓇ ᐱᒡᒐᓇᖅᑑᕗᖅ ᑲᒪᒋᓇᓱᐊᕐᓗᒍ. ᐋᖅᑮᒍᑎᒃᓴᑦᑎᐊᕚᓗᓐᓂᑦ ᐱᑕᖃᙱᒻᒪᑦ ᐊᒻᒪᓗ ᐊᑕᐅᓯᑐᐊᑯᓗᒻᒥᑦ ᐊᑐᕋᒃᓴᒥᑦ ᐊᑐᕋᒃᓴᖅᑕᖃᕋᓂ ᑭᒃᑯᓕᒫᓄᑦ ᐅᕝᕙᓘᓐᓃᑦ ᐃᓛᒃᑯᑦ ᐊᕕᑦᑐᖅᓯᒪᐅᖅᑐᓄᑦ ᑲᓇᑕᒥ.

ᑖᓐᓇ ᖃᓄᖅᑑᕈᑎ ᑕᐃᒪᐃᒻᒪᑦ ᑲᒪᒋᔭᖃᖅᑐᖅ ᐊᔾᔨᒌᙱᑦᑐᕈᓘᔮᓗᓐᓂᑦ ᐱᔾᔪᑎᓂᑦ ᐊᒻᒪᓗ ᓴᖅᑮᓪᓗᓂ ᐊᒥᓱᓂᑦ ᐊᑐᖁᔭᐅᔪᓂᑦ ᐊᓯᔾᔩᒍᓐᓇᖁᓪᓗᒋᑦ ᑭᓱᑐᐃᓐᓇᕐᓂᑦ. ᐊᒃᓱᕈᖅᑐᑎᑦ ᐱᓕᕆᐊᖃᓚᐅᖅᑐᑦ ᑕᒪᒃᑯᓂᖓ ᐊᑐᖃᑦᑕᖁᔭᐅᓕᖅᑐᓂᑦ ᑲᒪᒋᔭᐅᔭᕆᐊᖃᓕᖅᑐᖅ ᒐᕙᒪᐅᔪᓄᑦ, ᐃᓱᒪᒃᑯᑦ ᐋᓐᓂᐊᖅᑐᓂᑦ ᑲᒪᔨᐅᔪᓂᑦ ᐊᒻᒪᓗ ᐱᔨᑦᑎᕋᓲᕐᓂᑦ, ᐊᒻᒪᓗ ᐊᒥᓱᒻᒪᕆᓐᑦᐃᓄᓐᓄᑦ ᓇᒥᓕᒫᖅᑐᑦ ᓄᓇᑦᑎᓐᓂ ᐱᔨᑦᑎᕋᕈᑎᑦᑎᓐᓂ ᐊᑐᓲᑦ ᐊᕐᕌᒍᑕᒫᑦ. ᑎᒥᐅᔪᖅ ᐱᓕᕆᐊᒃᓴᒥᓂᑦ ᑲᒪᒐᓱᐊᖏᓐᓇᕐᓂᐊᖅᑐᖅ, ᑭᓯᐊᓂᓕ ᐋᖅᑮᕙᓪᓕᐊᒐᓱᐊᕐᓗᓂ ᐃᓱᒪᒃᑯᑦ ᖃᓄᐃᑦᑕᐃᓕᓂᕐᒧᑦ ᐊᑐᕋᒃᓴᓂᑦ ᑲᓇᑕᒥ ᑭᒃᑯᓕᒫᓄᑦ ᑲᒪᒋᔭᐅᔪᒃᓴᐅᕗᖅ ᐅᕙᑦᑎᓐᓄᓕᒫᖅ.

ᒪᐃᑯ ᑰᕕ ᑕᐃᕕᑎ ᒍᓪᑦᕗᓘᒻ ᓗᐃᔅ ᕗᕌᑦᓕ

ᐅᑉᐱᕈᓱᒃᑲᑦᑕ ᐅᓪᓗᒥᐅᓕᖅᑐᖅ ᐃᕕᖃᓕᕋᑦᑕ ᐊᓯᔾᔨᒍᓐᓇᕐᓗᑕ ᐃᑲᔪᕐᓗᑕ. ᐱᔭᕆᐊᑭᔾᔮᙱᑦᑑᒐᓗᐊᖅ, ᑭᓯᐊᓂᓕ ᓴᕿᓯᒪᓕᕐᒪᑦ ᐃᓱᒪᒃᑯᑦ ᐋᓐᓂᐊᖅᑕᐃᓕᓂᕐᒧᑦ ᐊᐅᓚᒍᓯᖏᑦ ᐊᒥᓲᓕᖅᑐᓂᑦ ᐊᕐᕌᒍᓂᑦ.

ᐱᔪᓐᓇᓕᕋᑦᑕ ᐊᒻᒪᓗ ᓵᓚᒋᓗᒍ ᐃᓱᒪᒋᔭᐅᑲᒻᒪᖃᑦᑕᖅᑐᑦ ᐃᓄᐃᑦ ᐃᓕᖅᑯᓯᕆᕙᑦᑕᖏᑦ ᐊᑯᓂᐅᓗᐊᓕᖅᑐᖅ ᐃᓱᒪᒃᑯᑦ ᐋᓐᓂᐊᖅᑐᓄᑦ ᐊᒻᒪᓗ ᐊᔾᔨᒌᙱᑦᑐᒃᑯᑦ ᑲᒪᒋᔭᐅᓲᖑᒻᒪᑕ ᐃᓱᒪᖏᒍᑦ ᐋᓐᓂᐊᖅᑐᑦ ᐊᒥᓱᑦ.

ᐱᔪᓐᓇᓕᕋᑦᑕ ᐊᒻᒪᓗ ᑕᐃᒪᐃᒋᐊᖃᓪᓚᕆᑉᐳᒍᑦ ᖃᐅᒪᑦᑎᐊᓕᕐᓗᑕ ᑭᒃᑯᓕᒫᑦ ᐃᓱᒪᒃᑯᑦ ᐋᓐᓂᐊᖅᑐᒥᒃ ᐊᑲᐅᙱᓕᐅᕈᑎᓕᒻᒥᓘᓐᓃᑦ ᖃᐅᔨᒍᑎᑦ ᑕᐃᒫᒃᓴᐃᓐᓇᖅ ᐊᔾᔨᒌᑦᑐᒥᒃ ᑲᒪᒋᔭᐅᔪᓐᓇᕐᓂᐊᕐᒪᑦ

ᐃᑲᔪᖅᑕᐅᓗᓂ, ᐱᐅᓯᑎᑕᐅᓇᓱᐊᕐᓗᓂ ᐱᔨᑦᑎᖅᑕᐅᓗᓂᓗ ᑕᐃᒫᒃᓴᐃᓐᓇᖅ ᐃᓄᐃᑦ ᑲᒪᒋᔭᐅᓲᖑᒻᒪᑕ ᑎᒥᒃᑯᑦ ᐊᑲᐅᙱᓕᐅᕈᑎᖃᖅᑐᖅᑎᒍᑦ ᐊᔾᔨᖓᒍᑦ. ᐱᔪᓐᓇᖅᓯᕗᒍᑦ ᐊᒻᒪᓗ ᑕᐃᒪᐃᒋᐊᖃᓪᓚᕆᓕᖅᐳᒍᑦ ᓴᖅᑭᔮᕆᐊᕐᔫᒥᑎᓪᓗᒍ ᖃᐅᔨᒪᔭᐅᓂᖅᓴᐅᓕᕐᓂᐊᕐᒪᑦ ᐃᓱᒪᒃᑯᑦ ᖃᓄᐃᑦᑕᐃᓕᓂᖅ ᓇᒥᕈᓘᔭᖅ, ᐊᒻᒪᓗ

ᖃᓄᖅᑑᕋᓱᐊᖏᓐᓇᕐᓗᑕ ᐃᓄᐃᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᑖᖅᑎᑦᑕᐃᓕᒪᓗᒋᑦ ᐋᓐᓂᐊᓕᖅᑕᐃᓕᒪᑎᓪᓗᒋᓪᓗ, ᐅᕝᕙᓘᓐᓃᑦ ᓴᐱᓕᖅᑕᐃᓕᑎᓪᓗᒋᑦ ᐃᒻᒥᓃᕐᓂᐊᙱᒻᒪᑕ ᕿᕕᓪᓗᑎᑦ.

ᐊᒥᓲᕗᑦ ᐱᕙᓪᓕᐊᒍᑎᒋᔭᐅᓂᖓ ᐱᐅᔪᒡᒍᑕᐃᓪᓗᑎᑦ ᓇᓗᓇᐃᕈᑎᖏᑦ ᐱᓕᕆᐊᕆᔭᐅᓂᖓᓂᒃ.

ᐱᕙᓪᓕᐊᔪᓕᕆᔨᒃᑯᑦ ᐱᓕᕆᐊᖃᖅᑎᐊᖅᑐᑦ ᑕᒪᔅᓱᒥᖓ ᐃᑲᔪᕐᓂᖃᖅᑐᑎᑦ. ᑮᓇᐅᔭᓕᐅᕈᑎᒃᓴᑦ ᐱᕙᓪᓕᐊᒍᑎᒋᔭᐅᓗᓂᓗ ᐱᒻᒪᕆᐅᓂᖓ ᐃᓱᒪᒃᑯᑦ ᐋᓐᓂᐊᖅᑕᐃᓕᓂᕐᒥᑦ ᓴᖅᑭᔮᕐᓂᖅᓴᐅᓕᖅᑐᖅ ᐃᖅᑲᓇᐃᔭᕐᕕᓄᑦ ᐊᒻᒪᓗ ᒐᕙᒪᒃᑯᓐᓄᑦ. ᖃᐅᔨᒪᓂᕗᑦ ᖃᓄᐃᑦᑐᑦ ᓯᕗᒧᐊᒍᑎᒋᔭᒃᓴᐅᒻᒪᖔᑕ

ᖃᐅᔨᒪᔭᐅᓂᖅᓴᐅᓕᖁᓪᓗᒍ ᐊᓂᒎᑎᖃᕈᓐᓇᕐᓂᖏᑦ ᐱᐅᓯᓗᑎᑦ ᐊᒻᒪᓗ ᖃᓄᐃᑦᑕᐃᓕᓗᑎᑦ ᖃᐅᑕᒫᑦ ᐊᒥᓱᕈᖅᐸᓪᓕᐊᕗᑦ.

ᓴᕿᔪᑦ, ᐊᓯᔾᔩᔪᑦ ᐃᓅᓯᕐᓂᑦ ᑐᙵᕕᒃᓴᐅᕗᖅ ᑐᑭᓯᓗᒋᑦ ᐊᓯᔾᔩᔪᒪᔪᑦ ᖃᓄᐃᓕᐅᕈᑎᖃᓕᖅᐸᓪᓕᐊᓗᑎᑦ, ᐃᓄᓐᓂᑦ ᑲᑎᑎᑦᑎᒍᑕᐅᓪᓗᓂ ᐱᓇᓱᐊᕐᓂᖏᓐᓂᑦ ᑲᓇᑕᒥ ᓄᖅᑲᕋᒃᓴᐅᙱᑦᑑᓗᒍ ᑕᒪᓐᓇ ᐱᓕᕆᐊᕆᔭᐅᕙᓪᓕᐊᓂᐊᖅᑐᖅ ᐱᐅᓯᕚᓪᓕᖁᓪᓗᒍ ᐃᓱᒪᒃᑯᑦ ᖃᓄᐃᑦᑕᐃᓕᓂᖅ ᐋᓐᓂᐊᖅᑕᐃᓕᓂᖅ. ᓂᕆᐅᓐᓂᖃᖅᐳᒍᑦ ᐃᓚᐅᓂᐊᕋᑦᑎᒍᑦ ᑕᒪᓐᓇ ᓯᕗᒧᐊᑦᑎᖁᓪᓗᒍ.

ᓇᐃᓈᖅᓯᒪᓂᖏᑦ

ᑖᓐᓇ ᓯᕗᓪᓕᖅᐹᕐᒥ ᐃᓱᒪᒃᑯᑦ ᐋᓐᓂᐊᖅᑕᐃᓕᓂᕐᒧᑦ ᖃᓄᖅᑑᕈᑎᐅᕗᖅ ᑲᓇᑕᒧᑦ. ᓴᒃᑯᑕᐅᓂᖓ ᐱᒻᒪᕆᐅᕗᖅ ᐱᕙᓪᓕᐊᒍᑎᒋᔭᐅᓂᖓᓂᒃ ᐃᓱᒪᒃᑯᑦ ᐋᓐᓂᐊᖅᑕᐃᓕᓂᖅ “ᖃᐅᔨᒪᔭᐅᕙᓪᓕᐊᓕᖅᑐᓂ” ᐊᒻᒪᓗ ᐃᓕᓴᕆᓗᒍ, ᑕᒪᒃᑮᒃᑯᑦ ᐅᖃᐅᓯᐅᖃᑦᑕᕐᓗᓂ ᐊᒻᒪᓗ ᖃᓄᐃᓕᐅᕈᑎᖃᖅᐸᓪᓕᐊᓂᒃᑯᑦ, ᓱᓕᓂᖓ ᐅᖃᐅᓯᕆᔭᐅᓲᖅ ᖃᓄᐃᑦᑕᐃᓕᔪᖃᕈᓐᓇᙱᒻᒪᑦ ᐃᓱᒪᒃᑯᑦ ᖃᓄᐃᑦᑕᐃᓕᒪᓂᖅᑕᖃᙱᒃᑯᓂ.

ᐊᒥᓲᒐᓗᐊᖅᑎᓪᓗᒋᑦ ᐃᓄᐃᑦ ᑲᑐᔾᔨᔨᐅᔪᑦ ᐊᒻᒪᓗ ᐊᑐᐊᒐᓕᕆᔩᑦ ᒐᕙᒪᑐᖃᒃᑯᑦ ᐱᒻᒪᕆᐊᓗᒻᒥᒃ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᑎᑦᑎᓂᕐᒥᒃ ᐱᓕᕆᐊᖃᖅᑐᑦ, ᑲᑐᔾᔨᖃᑎᒌᑦ ᐊᒻᒪᓗ ᑲᒪᒋᔭᖃᖅᑐᑦ ᐋᓐᓂᐊᖅᑕᐃᓕᒪᓂᕐᒥᒃ ᐋᓐᓂᐊᕕᓂ, ᐃᓄᓕᕆᔨᒃᑯᑦ ᐊᒻᒪᓗ ᐃᓕᓐᓂᐊᕐᓂᓕᕆᔨᒃᑯᑦ ᑲᓇᑕᒥ, ᑲᓇᑕᒥ ᐊᕕᑦᑐᖅᓯᒪᔪᓄᑦ ᐅᑭᐅᖅᑕᖅᑐᒥᓄ ᐊᕕᑦᑐᖅᓯᒪᔪᑦ ᒐᕙᒪᖏᓐᓄᑦ ᑲᒪᒋᔭᐅᔭᕆᐊᖃᓲᖑᕗᑦ. ᑲᓇᑕᓕᒫᕐᒥ ᐱᓕᕆᐊᑦ ᐃᑲᔪᕐᓂᖃᕋᔭᕋᓗᐊᖅᑎᓪᓗᒋᑦ ᑕᒪᐃᓐᓂᑦ ᐊᕕᑦᑐᖅᓯᒪᔪᓂᑦ ᒐᕙᒪᐅᔪᓂᑦ ᐱᐅᓯᕚᓪᓕᖅᑎᓪᓗᒍ ᐃᓱᒪᒃᑯᑦ ᖃᓄᐃᑦᑕᐃᓕᒪᔾᔪᑕᐅᓇᓱᐊᖅᑐᑦ ᓴᖅᑭᕐᓂᖏᑦ, ᐸᕐᓇᒍᑏᑦ ᑎᑎᕋᖅᑕᑦ ᑲᒪᒋᔭᖃᖅᑐᑦ ᑕᒪᒃᑯᓂᖓ ᑲᓇᑕᒥᐅᓗᒃᑖᕐᒧᑦ ᑕᒪᐃᓐᓄᑦ

ᐱᒋᐊᕈᑎᒋᔭᐅᓇᓱᐊᕐᓗᓂ ᑲᒪᒋᔭᐅᙱᓗᐊᖅᐸᑉᐳᑦ. ᐊᕕᑦᑐᖅᓯᒪᔪᓂ ᑲᓇᑕᒥ ᒐᕙᒪᐅᔪᑦ ᐊᒃᓱᕈᕈᑎᖃᒃᑲᓐᓂᒻᒪᕆᓲᑦ ᓈᒻᒪᒋᔭᐅᖃᑦᑕᙱᓐᓂᖓᓂᑦ ᐃᓱᒪᒃᑯᑦ ᐋᓐᓂᐊᕈᑎᖃᕐᓂᖅ ᐅᖃᐅᓯᐅᓗᐊᕌᓗᖃᑦᑕᙱᑦᑐᓂ ᑕᒪᓐᓇ ᐃᓄᓐᓄᑦ ᑭᒃᑯᑐᐃᓐᓇᕐᓄᑦ ᐱᔨᑦᑎᖅᑐᑦ ᐊᑯᓂᐅᓗᐊᓕᖅᑐᖅ.

ᓴᕿᔪᑦ, ᐊᓯᔾᔩᔪᑦ ᐃᓅᓯᕐᓂᑦ ᓄᐊᑕᐅᕙᓪᓕᐊᓯᒪᔪᑦ ᑎᑎᕋᖅᑕᐅᓯᒪᓂᖏᑦ ᐊᒥᓲᓕᖅᑐᓄᑦ ᐊᕐᕌᒍᓄᑦ

ᐊᒃᓱᕈᕈᑕᒻᒪᕆᐅᖃᑦᑕᕐᓂᑰᓪᓗᓂ ᐊᒻᒪᓗ ᑭᒡᒐᖅᑐᐃᓪᓗᑎᑦ ᐊᔭᐅᕈᑎᖃᕋᓱᐊᖃᑦᑕᕐᓂᑰᕗᑦ ᐃᓄᓐᓄᑦ ᑲᓇᑕᒥ.

ᐱᕙᓪᓕᐊᒍᑎᒋᔭᐅᓂᖓᑕ ᐊᔭᐅᖅᑎᓪᓗᐊᑕᕆᔭᐅᕗᖅ ᐅᖃᐅᓯᕆᔭᐅᖃᑦᑕᕐᓂᑯᑦ ᐊᒥᓱᐊᓗᓐᓂᑦ ᐃᓅᓯᓕᓐᓂᑦ ᐃᓱᒪᒃᑯᑦ ᐋᓐᓂᐊᕈᑎᖃᖅᑐᑎᑦ ᐊᑲᐅᙱᓕᐅᕈᑎᖃᖅᑐᑎᓪᓗ. ᐊᒥᓱᕈᖅᐸᓪᓕᐊᔪᑦ ᐅᖃᐅᓯᖃᕈᓐᓇᖅᓯᒪᓕᖅᑐᑦ ᐃᓄᓐᓄᑦ ᑭᒃᑯᑐᐃᓐᓇᕐᓄᑦ ᑐᓴᖅᑎᑦᑎᓇᓱᐊᖅᑐᑎᑦ ᐊᑐᖃᑦᑕᖅᑕᖏᓐᓂᑦ ᐊᒻᒪᓗ ᐊᒥᓱᒻᒪᕆᓐᓂ ᐊᕝᕕᐊᕈᑎᖏᓐᓂᑦ ᐅᖃᐅᓯᖃᖅᑐᑎᑦ ᐃᑲᔪᖅᑕᐅᒐᓱᐊᕋᓗᐊᖅᑎᓪᓗᒋᑦ ᐃᑲᔪᖅᑐᖅᑕᐅᓗᑎᓪᓗ ᑮᓇᐅᔭᖃᖅᑎᑕᐅᓗᐊᙱᑦᑐᐊᓗᓐᓄᑦ ᐊᕕᑦᑐᖅᓯᒪᐅᖅᑐᐊᓗᓐᓄᓪᓗ ᐃᓱᒪᒃᑯᑦ ᐋᓐᓂᐊᕈᑎᖃᖅᑐᓄᑦ ᐃᑲᔪᕆᐊᖃᕋᓗᐊᑐᓄᑦ. ᖃᑕᙳᑎᒌᑦ ᑕᐃᒫᒃᓴᐃᓐᓇᖅ ᐅᖃᐅᓯᖃᖃᑦᑕᕐᓂᑰᕗᑦ ᖃᐅᔨᓯᒪᔭᖏᓐᓂᑦ ᐊᒥᓱᑦ ᐊᒃᓱᕈᕈᑏᓪᓗ ᑲᒪᒋᖃᑦᑕᖅᑕᒥᓂᖏᓪᓗ. ᐱᔨᑦᑎᕋᖅᑏᑦ

(ᐃᓱᒪᒃᑯᑦ ᐋᓐᓂᐊᕈᑎᓕᓐᓂᑦ ᑲᒪᔨᐅᔪᑦ ᐊᒻᒪᓗᑦᑕᐅᖅ ᓯᓚᑖᓂ), ᖃᐅᔨᓴᖅᑏᑦ, ᐊᒻᒪᓗ ᐊᑐᐊᒐᓕᕆᓂᕐᒧᑦ ᖃᐅᔨᒪᔩᑦ ᐃᑲᔪᖅᑐᐃᖃᑦᑕᕐᓂᑰᕗᑦ ᐅᖃᐅᓯᖃᒃᑲᓐᓂᖃᑦᑕᓕᖅᑐᑎᑦ ᐊᓯᔾᔩᖁᔨᔾᔪᑎᓂᑦ ᑕᒪᓐᓇ ᑲᒪᒋᔭᐅᓂᖓᑕ.

ᑕᒪᐃᓐᓂᑦ ᐃᓱᒪᒋᔭᖏᑦ ᓂᐱᖏᑦ ᑐᓴᖅᓯᒪᓕᖅᑕᕗᑦ ᑕᕝᕘᓇ ᐱᖃᓯᐅᑎᓯᒪᓪᓗᒋᑦ ᖃᓄᖅᑑᕈᑎᒧᑦ.

ᖃᖓᑐᐃᓐᓇᒃᑯᑦ ᐊᕐᕌᒍᒥ, ᐊᑕᐅᓯᖅ ᑕᒪᐃᓐᓂᖅ ᑕᓪᓕᒪᓂᑦ ᐃᓄᒃ ᑲᓇᑕᒥ ᐃᓱᒪᒃᑯᑦ ᐊᑲᐅᙱᓕᐅᕈᑎᖃᓲᖑᕗᖅ ᐋᓐᓂᐊᖅᑐᓂᓘᓐᓃᑦ, ᐊᑭᖃᖅᑎᑦᑎᓪᓗᑎᑦ ᐋᓐᓂᐊᖅᑐᑦ ᑕᒪᐃᓐᓂᑦ $50 ᕕᓕᐊᓐᓂᒃ.¹

ᓴᕿᔪᑦ, ᐊᓯᔾᔩᔪᑦ ᐃᓅᓯᕐᓂᑦ ᐱᐅᓯᕚᓪᓕᖅᑎᑦᑎᓇᓱᐊᖅᑐᑦ ᐃᓱᒪᒃᑯᑦ ᖃᓄᐃᒍᓐᓂᖅᑎᑦᑎᓇᓱᐊᖅᑐᑎᑦ ᑕᒪᐃᓐᓄᑦ ᑲᓇᑕᒥᐅᑕᓕᒫᕐᓄᑦ. ᓴᒃᑯᑕᐅᓂᖓᑦ ᑖᔅᓱᒪᑉ ᖃᓄᖅᑑᕈᑎᑉ ᐱᕕᖃᕐᓂᑎᓐᓂᑦ ᓈᒻᒪᓈᖅᓯᒪᕗᖅ ᐊᑲᐅᓈᖅᓯᒪᓕᖅᑐᒃᑯᑦ ᓂᕆᓐᓂᖃᕈᓐᓇᖅᑎᓪᓗᑕᓗ ᐃᓱᒪᒃᑯᑦ ᖃᓄᐃᑦᑕᐃᓕᒪᑎᑦᑎᒐᓱᐊᖅᐸᓪᓕᐊᑎᓪᓗᑕ.

ᐃᓕᓴᕆᔭᐅᕙᓪᓕᐊᓕᖅᑐᓂᓗ ᑭᒃᑯᓕᒫᑦ ᐱᐅᓯᒍᓐᓇᕐᒪᑕ ᐃᓱᒪᖏᒍᑦ ᐊᒻᒪᓗ ᖃᓄᐃᑦᑕᐃᓕᓗᑎᑦ ᐊᒻᒪᓗ

ᐃᓅᓯᖏᑦ ᑐᑭᖃᕐᓂᖅᓴᐅᓕᕐᓗᑎᑦ ᐃᓅᓯᖃᑦᑎᐊᕈᒪᓪᓗᑎᓪᓗ ᐱᔾᔪᑎᖃᕐᓗᑎᑦ. ᐃᓄᐃᑦ ᑲᓇᑕᒥ − ᐃᖅᑲᓇᐃᔭᖅᑏᑦ ᐊᒻᒪᓗ ᐊᑭᓕᖅᓱᖅᑕᐅᙱᒃᑲᓗᐊᖅᑐᑎᑦ ᐃᖅᑲᓇᐃᔭᖅᑎᐅᔪᑦ, ᐱᖃᑎᒋᔭᐅᔪᑦ ᐊᒻᒪᓗ ᖃᑕᙳᑎᒋᔭᐅᔪᑦ −

ᓴᐱᓕᔪᐃᑦᑑᓯᒪᕗᑦ ᑲᒪᒋᔭᖃᐃᓐᓇᖅᑐᑎᑦ ᐱᐅᓯᕚᓪᓕᖅᑎᑦᑎᓇᓱᒃᑐᑎᑦ ᐃᓱᒪᒃᑯᑦ ᖃᓄᐃᑦᑕᐃᓕᒪᑎᑦᑎᓂᕐᒥᑦ, ᐃᖅᑲᓇᐃᔭᖃᑎᖃᖅᑐᑎᑦ ᐃᓄᓐᓂᑦ ᐊᑐᓂᑦ ᐊᒻᒪᓗ ᐱᐅᓯᕚᓪᓕᖅᑎᑕᐅᓇᓱᐊᖅᑐᑎᑦ ᐃᓅᓯᖏᑦ ᐊᒻᒪᓗ ᐱᕙᓪᓕᐊᒍᓐᓇᕐᓂᖏᑦ ᑮᓇᐅᔭᓕᐅᕐᓂᒃᑯᑦ ᐊᑦᑐᐃᓂᖃᖅᑐᐃᓐᓇᐅᓪᓗᑎᑦ ᑕᒪᒃᑯᐊ ᑭᒃᑯᓕᒫᓄᑦ ᐃᓱᒪᒃᑯᑦ ᖃᓄᐃᑦᑕᐃᓕᓂᖏᓐᓄᑦ. ᓯᕗᒧᐊᓐᓂᕆᕙᑦᑕᖏᑦ ᓴᖅᑭᔮᖅᑐᑦ ᐊᒥᓱᓂᑦ ᐆᑦᑑᑎᓂᑦ ᐱᐅᔪᒻᒪᕆᐊᓗᒃᑯᑦ ᓇᒥᓗᒃᑖᖅ ᐊᕕᑦᑐᖅᓯᒪᔪᓂᑦ.

ᖃᓄᖅᑑᕈᑎᐅᔪᖅ ᐃᓕᓴᖅᓯᓯᒪᕗᖅ ᓈᒻᒪᑦᑐᒥᒃ ᐊᑦᑐᐃᓂᖃᖅᑎᓗᐊᕌᓗᒍᓐᓇᔾᔮᙱᓇᑦᑎᒍ ᐃᓱᒪᒃᑯᑦ ᐊᑲᐅᙱᓕᐅᕈᑎᐅᔪᑦ ᐋᓐᓂᐊᕈᑎᒋᔭᐅᔪᓪᓗ ᑲᒪᒋᔭᐅᑐᐃᓐᓇᕐᓂᒃᑯᑦ ᐋᖅᑭᒃᑕᐅᑐᐃᓐᓇᕋᒃᓴᐅᙱᒻᒪᑕ.

ᑲᓇᑕᐅᓪᓗᑕ, ᐅᔾᔨᖅᓱᑦᑎᐊᕐᓂᖅᓴᐅᔭᕆᐊᖃᖅᑐᒍᑦ ᖃᐅᔨᒪᔭᐅᑎᓐᓇᓱᐊᕐᓗᒍ ᐃᓱᒪᒃᑯᑦ ᖃᓄᐃᑦᑕᐃᓕᓂᐅᔪᑦ ᑕᒪᐃᓐᓄᑦ ᐃᓄᓐᓄᑦ ᐊᒻᒪᓗ ᐃᓱᒪᒃᑯᑦ ᐊᑲᐅᙱᓕᐅᕈᑎᑖᖅᑎᑦᑎᑦᑕᐃᓕᓗᑕ ᐱᔪᓐᓇᑐᐊᕋᐃᒍᑦᑕ. ᖃᐅᔨᔭᐅᓯᒪᔪᑦ ᐊᐅᓚᓂᖃᑦᑎᐊᕐᓂᖏᑦ ᖃᐅᒪᔭᐅᕚᓪᓕᕐᓂᖏᓐᓄᑦ ᐊᒻᒪᓗ ᐃᓱᒪᒃᑯᑦ ᐋᓐᓂᐊᖅᑖᖅᑕᐃᓕᒪᒍᑏᑦ ᐱᓕᕆᐊᖏᑦ ᐊᒥᓱᕈᖅᐸᓪᓕᐊᓯᒪᕗᑦ ᑲᓇᑕᒥ ᐊᒻᒪᓗ ᓯᓚᑖᓂ ᐊᕐᕌᒎᓕᖅᑐᓂᑦ ᐊᒥᓱᓂᑦ, ᐊᒻᒪᓗ ᐅᑕᖅᑭᑐᐃᓐᓇᕆᐊᖃᕈᓐᓃᕋᑦᑕ ᑕᒪᒃᑯᐊ ᐱᓕᕆᐊᑦ ᐊᑐᖅᑕᐅᑎᓪᓗᑎᒍᑦ ᐊᑐᖅᑕᐅᔪᓐᓇᕐᓂᓕᒫᖏᑦ ᒪᓕᓪᓗᒋᑦ.

ᑲᓇᑕ ᐸᕐᓇᐅᑎᖃᕆᐊᖃᖃᖅᖅᓯᒪᕗᖅ ᐱᐅᓯᕚᓪᓕᖅᑎᑕᐅᓗᓂ ᐊᐅᓚᓂᖏᑦ ᐊᑐᕋᒃᓴᐃᑦ ᐊᑐᖅᑕᐅᕙᑦᑐᑦ ᓈᒻᒪᙱᑦᑑᓯᒪᓂᖏᓐᓄᑦ. ᐱᕙᓪᓕᐊᓯᒪᔪᒻᒪᕆᐅᓕᖅᑐᖅ ᑲᓇᑕᒥ, ᑭᓯᐊᓂᓕ ᐅᖓᓯᓗᐊᖅᐳᒍᑦ ᓱᓕ

ᑎᑭᓐᓇᓱᐊᖅᑕᑎᓐᓄᑦ. ᐅᖃᐅᓯᕆᔭᐅᓚᐅᖅᓯᒪᔪᑦ 2006−ᖑᑎᓪᓗᒍ ᐅᓂᒃᑳᕐᒥ, ᐃᔨᕋᖅᑐᕈᓐᓃᑕᐃᓐᓇᖅᐳᖓ,

“ᑲᒪᒋᔭᐅᑦᑎᐊᙱᓐᓂᐅᕙᑦᑐᖅ ᑕᒪᓐᓇ ᐊᓯᔾᔨᙱᓪᓗᒍ ᓈᒻᒪᒍᓐᓃᕐᒪᑦ ᐊᑐᕆᐊᖃᕈᓐᓃᖅᑐᑎᒍᑦ”² ᐊᓯᖏᓐᓄᑦ ᐋᓐᓂᐊᖅᐸᑦᑐᓄᑦ, ᐊᑕᐅᓯᑐᐊᖅ ᑕᒪᐃᓐᓂᑦ ᐱᖓᓱᓂᑦ ᐃᓄᐃᑦ ᐃᓱᒪᒃᑯᑦ ᐋᓐᓂᐊᕈᑎᓖᑦ ᐅᕝᕙᓘᓐᓃᑦ ᐋᓐᓂᐊᓖᑦ

− ᐊᒻᒪᓗ ᖃᑦᑏᓐᓇᒻᒪᕇᑦ ᐊᑕᐅᓯᖅ ᑕᒪᐃᓐᓂᑦ ᑎᓴᒪᓂᑦ ᓱᕈᓯᕐᓂᑦ ᐃᓐᓇᓵᕐᓂᓘᓐᓃᑦ − ᐅᓂᒃᑳᖅᓯᒪᔪᖅᑕᖃᖅᐳᖅ ᐋᖅᑭᒃᑕᐅᓇᓱᐊᖃᑦᑕᓲᖑᒻᒪᑕ ᐊᒻᒪᓗ ᐱᔨᑦᑎᖅᑕᐅᓪᓗᑎᑦ ᑲᒪᒋᔭᐅᓪᓗᑎᓪᓗ.^{3, 4}

ᐊᒥᓲᒻᒪᑕ ᑕᒪᒃᑯᐊ ᐱᔾᔪᑎᖏᑦ. ᐃᓱᒪᒋᔭᐅᑲᒻᒪᖃᑦᑕᓕᖅᑐᑦ ᐃᓕᒪᓱᒃᑐᓪᓗ ᑕᑯᓐᓈᖅᑕᐅᑲᒻᒪᖃᑦᑕᕐᓂᐊᕋᓱᒋᓪᓗᑎᑦ ᐃᓄᐃᑦ ᐃᑲᔪᖅᑕᐅᒍᒪᖃᑦᑕᙱᑦᑐᑦ. ᓈᒻᒪᑦᑐᒥᒃ ᐱᔨᑦᑎᖅᑕᐅᓇᓱᐊᕐᓗᓂ ᕿᓂᕐᓗᓂ ᐊᒃᓱᕈᕈᑕᒻᒪᕆᐅᕗᖅ

ᐊᕝᕕᐊᕈᑎᒋᔭᐅᕙᑦᑐᓂᓗ ᐃᑲᔪᖅᑕᐅᓇᓱᐊᖅᑐᓄᑦ. ᐃᓄᐃᑦ ᐃᓚᖏᑦ ᐃᓕᓴᖅᓯᓯᒪᙱᓚᑦ ᐊᑲᐅᙱᓕᐅᕈᑎᖃᕐᒪᑕ, ᖃᐅᔨᒪᙱᓗᐊᕐᓂᖏᓐᓄᓪᓘᓐᓃᑦ ᐋᓐᓂᐊᕈᑎᖓᓘᓐᓃᑦ ᐱᓪᓗᒍ ᐃᓄᐃᑦ ᑐᑭᓯᕚᓪᓕᕈᓐᓇᖅᐸᙱᑦᑐᑦ

ᖃᓄᐃᓕᐅᓕᕋᓗᐊᕐᒪᖔᑕ ᐊᒻᒪᓗ ᐃᑲᔪᖅᑕᐅᒍᑎᑦ ᐱᐅᓯᕚᓪᓕᕈᓐᓇᕋᔭᕐᒪᑕ ᖃᐅᔨᒪᖃᑦᑕᙱᒻᒪᑕ. ᐃᓱᒪᒃᑯᑦ ᐋᓐᓂᐊᖅᑕᐃᓕᒪᔪᓕᕆᔩᑦ ᐊᑐᖅᑕᐅᓲᖑᓂᖏᑦ ᐊᑐᐃᓐᓇᐅᒪᒋᐊᓕᒃ ᑭᒃᑯᓕᒫᓄᑦ ᐊᑐᕆᐊᓕᓐᓄᑦ, ᐊᒻᒪᓗ ᒫᓐᓇᓕ ᑕᐃᒪ ᑕᒪᓐᓇ ᑲᔪᓯᑎᒍᓐᓇᖅᓯᕙᕗᑦ.

ᑖᓐᓇ ᖃᓄᖅᑑᕈᑎ ᑐᙵᕕᐅᕗᖅ ᐊᓯᔾᔨᕈᑎᒋᔭᐅᒍᓐᓇᓕᖅᑐᓂ. ᐋᖅᑭᓱᖅᑕᐅᓯᒪᕗᖅ ᐃᓱᒪᒃᑯᑦ ᖃᓄᐃᑦᑕᐃᓕᓂᕐᒧᑦ ᑎᒥᖓ ᑲᓇᑕᒥ (“ᑎᒥᖓ”), ᖃᐅᔨᒋᐊᕐᕕᖃᖃᑦᑕᐃᓐᓇᖅᑐᑎᑦ ᐃᓄᓐᓂᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᓕᓐᓂᑦ ᐊᒻᒪᓗ ᐋᓐᓂᐊᕈᑎᓕᓐᓂᑦ, ᖃᑕᙳᑎᖏᓐᓂᑦ, ᑎᒍᒥᐊᖅᑎᐅᖃᑕᐅᔪᑦ ᑲᑐᔾᔨᖃᑎᒌᑦ, ᒐᕙᒪᐅᔪᑦ, ᐊᒻᒪᓗ ᖃᐅᔨᒪᔨᒻᒪᕇᑦ. ᑎᒥᐅᔪᖅ ᐃᓛᒃᑰᖓᕗᖅ, ᑲᑐᔾᔨᖃᑎᒌᖑᓪᓗᓂ ᐋᖅᑭᒃᑕᐅᓚᐅᖅᓯᒪᔪᖅ ᒐᕙᒪᑐᖃᒃᑯᓐᓄᑦ 2007−ᖑᑎᓪᓗᒍ ᐊᑐᖁᔭᐅᓚᐅᖅᓯᒪᔪᑦ ᒪᓕᑦᑐᒋᑦ ᑕᐃᑲᓂ ᐃᔨᕋᖅᑐᕈᓐᓃᑕᐃᓐᓇᖅᐳᒍᑦ ᐅᓂᒃᑳᕐᒥᑦ.

ᖃᓄᖅᑑᕈᑎᐅᔪᖅ ᐋᖅᑭᓱᖅᑕᐅᓯᒪᕗᖅ ᒪᕐᕈᐃᓕᖅᑲᖓᓪᓗᑎᑦ. 2009−ᖑᑎᓪᓗᒍ, ᓴᒃᑯᑕᐅᓂᖓ ᒪᒥᑉᐸᓪᓕᐊᓂᖅ ᐊᒻᒪᓗ ᖃᓄᐃᑦᑕᐃᓕᓂᖅ: ᑐᙵᕕᒃ ᐃᓱᒪᒃᑯᑦ ᖃᓄᐃᑦᑕᐃᓕᓂᕐᒧᑦ ᖃᓄᖅᑑᕈᑎ ᑲᓇᑕᒧ ᑲᒪᒋᔭᐅᓚᐅᖅᓯᒪᔪᖅ ᑎᒥᐅᔪᒧᑦ ᐱᔭᕇᖅᑕᐅᓚᐅᖅᓯᒪᕗᖅ ᓯᕗᓪᓕᖅᐹᖅ ᓴᓇᔭᐅᓂᖓᑕ ᑖᔅᓱᒪᑉ ᖃᓄᖅᑑᕈᑎᑉ.⁵ ᑐᙵᕕᒃ ᓯᕗᒧᐊᑦᑎᑕᐅᓗᓂ ᑕᐅᑐᙳᐊᖅᑕᒥᓂᐅᔪᑦ ᐊᑐᖅᑕᐅᒍᒪᔪᑦ ᓯᕗᒧᐊᑦᑎᑕᐅᖁᓪᓗᒋᑦ ᐊᒻᒪᓗ ᑎᑭᑕᐅᒍᒪᔪᑦ ᐊᔾᔨᖃᖅᑐᑦ ᓴᖅᑭᖅᐸᓪᓕᐊᔪᓄᑦ ᐊᖏᕈᑎᒋᔭᐅᕙᓪᓕᐊᔪᑦ ᐊᔾᔨᒌᙱᑦᑐᓄᑦᓄ ᐃᓱᒪᒃᑯᑦ ᖃᓄᐃᑦᑕᐃᓕᒪᔪᓕᕆᔨᐅᔪᓄᑦ. ᑕᑯᒃᓴᐅᑎᑦᑎᓚᐅᖅᓯᒪᔪᖅ ᓱᖅᑯᐃᓇᑦᑎᐊᖅᑐᒥᒃ ᖃᓄᐃᓕᖓᖁᔭᐅᒻᒪᖔᕐᒥᒃ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᓂᕐᒧᑦ ᐊᑐᕋᒃᓴᒥᑦ ᐱᔭᕆᐊᓕᑦᑎᓐᓂᑦ, ᐊᐅᓚᓂᖓ ᐊᑐᕋᒃᓴᐃᑦ ᐃᓱᒪᒃᑯᑦ ᖃᓄᐃᑦᑕᐃᓕᒪᓕᕋᓱᐊᖅᑐᓄᑦ ᐊᑐᕈᓐᓇᕋᔭᖅᑕᖏᑦ ᐃᒪᐃᑦᑑᓗᓂ:

• ᐃᓕᓴᖅᓯᓯᒪᓗᓂ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᓂᖅ ᐱᒻᒪᕆᐅᒻᒪᑦ ᐃᓅᓯᑦᑎᐊᕆᓪᓗᓂ ᐊᒻᒪᓗ

ᐱᐅᓛᕐᓂᑦ ᖃᐅᔨᓵᕐᓂᑦ ᑐᙵᕕᖃᕐᓗᓂ ᐊᒻᒪᓗ ᖃᐅᔨᒪᔭᐅᔪᓂᑦ ᐃᑲᔪᕋᔭᖅᑐᑦ ᐃᓄᓐᓂᑦ ᑲᒪᒋᔭᖃᕐᓗᑎᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᖏᓐᓂᑦ ᐋᓐᓂᐊᕈᑎᖏᓐᓂᓪᓗ ᐊᔾᔨᖃᕐᓗᓂ

ᑲᒪᒋᔭᐅᓂᖏᑦ ᑎᒥᒃᑯᑦ ᐋᓐᓂᐊᕈᑎᖃᖅᐸᑦᑐᑦ ᑲᒪᒋᔭᐅᓲᖑᓂᖏᓐᓄᑦ;

• ᑭᒃᑯᓕᒫᕐᓂᑦ ᓂᕆᐅᓐᓇᕐᓂᖃᖅᑎᐊᖅᑎᑦᑎᔪᒥᑦ ᐊᒻᒪᓗ ᒪᒥᒍᓐᓇᕐᒪᑕ ᓂᕆᐅᓐᓂᖃᕐᓗᑎᑦ, ᐃᑲᔪᖅᑐᐃᒍᓐᓇᖅᑐᒥᒃ ᖃᑕᙳᑎᒌᓂᑦ, ᐊᒻᒪᓗ ᖃᐅᔨᒪᔭᐅᓕᖅᑎᑦᑎᓇᓱᐊᕐᓗᓂ ᐱᐅᓛᕐᒥᒃ ᐃᓱᒪᒃᑯᑦ ᐋᓐᓂᐊᖅᑕᐃᓕᓂᕐᒥᑦ ᖃᓄᐃᑦᑕᐃᓕᓂᕐᒥᓪᓗ ᐃᑲᔪᕐᕕᒃᓴᒥᑦ ᐱᑕᖃᕐᒪᑦ ᑭᒃᑯᓕᒫᕐᓄᑦ;

• ᓇᓕᒧᒌᑦᑐᒃᑯᑦ ᐱᐅᔪᒻᒪᕆᒻᒥᒃ

ᐱᔨᑦᑎᕋᕐᕕᑕᖃᕐᓂᐊᕐᒪᑦ, ᑲᒪᒋᔭᐅᕕᒃᓴᒥᑦ ᐊᒻᒪᓗ ᐃᑲᔪᖅᑐᐃᔪᖃᕐᓗᓂ ᑕᒪᐃᓐᓄᑦ ᐃᓄᓐᓄᑦ, ᓇᑭᙶᖓᒐᓗᐊᕈᑎᓪᓘᓐᓃᑦ, ᐃᓅᓯᖏᑦ ᖃᓄᐃᑦᑑᒐᓗᐊᕈᑎᓪᓘᓐᓃᑦ ᐊᑐᖃᑦᑕᖅᑕᒥᓂᖏᑦ ᖃᓄᐃᑦᑑᒐᓗᐊᕈᑎᓪᓘᓐᓃᑦ ᐅᕝᕙᓘᓐᓃᑦ ᐃᓅᓯᕆᓕᖅᑕᖏᑦ ᖃᓄᐃᑦᑑᒐᓗᐊᕈᑎᓪᓘᓐᓃᑦ ᓇᓕᒧᒌᑦᑎᑕᐅᔪᒃᑯᑦ ᑲᒪᒋᔭᐅᒍᓐᓇᖃᑦᑕᕐᓂᐊᕐᒪᑕ;

• ᐃᓄᓐᓂᑦ ᑲᒪᒋᔭᖃᖅᑎᑦᑎᒍᓐᓇᕐᓗᓂ ᐃᓱᒪᒃᑯᑦ ᐊᑲᐅᙱᓕᐅᕈᑎᖏᓐᓂᑦ ᐋᓐᓂᐊᖅᑕᐃᓕᓂᖏᓐᓂᓪᓗ

ᐃᓅᖃᑎᒌᑦ ᐱᓕᕆᖃᑎᒌᓪᓗᑎᑦ ᐊᒻᒪᓗ ᐃᓚᐅᖃᑕᐅᔪᖃᐃᓐᓇᕐᓗᓂ ᑕᒪᐃᓐᓂᑦ

ᐃᓅᓯᖏᓐᓂᑦ ᐱᕙᓪᓕᐊᓂᖏᓐᓂᓪᓗ ᐋᓐᓂᐊᖅᑐᑉ.

ᑕᒪᐃᓐᓂᑦ ᑲᓇᑕᒥᐅᑦ ᐃᓄᐃᑦ ᐱᕕᖃᕐᒪᑕ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᒍᑎᓂᑦ ᐊᑲᐅᙱᓕᐅᕈᑎᖃᖅᑕᐃᓕᒪᒍᑎᓂᓪᓗ ᐊᑐᕈᓐᓇᕐᓗᑎᑦ ᐃᑲᔪᖅᑕᐅᓂᒃᑯᑦ.

– ᑕᐅᑐᒋᔭᐅᔪᖅ, ᒪᒥᓐᓂᕐᒧᑦ ᖃᓄᐃᑦᑕᐃᓕᓂᕐᒧᓪᓗ

ᖃᐅᔨᒪᒐᑉᑕ ᖃᓄᐃᓕᐅᖅᑐᖃᕆᐊᖃᕐᒪᖔᑦ ᐃᑲᔪᖁᓪᓗᑕ. ᐱᐅᓛᕐᓂᑦ ᖃᐅᔨᔭᐅᓯᒪᔪᓂᑦ ᑐᙵᕕᖃᖅᑐᑕ ᐊᒻᒪᓗ ᑐᓴᖅᓯᒪᓪᓗᑕ ᑕᐅᓴᓂᑦ ᐊᒥᓱᒻᒪᕆᓐᓂᒃ ᐃᓄᓐᓂᒃ ᑲᓇᑕᒥ, ᑖᓐᓇ ᖃᓄᖅᑑᕈᑎᐅᔪᖅ ᑖᔅᓱᒥᖓ ᑕᐅᑐᙳᐊᖅᑕᐅᓯᒪᔪᒥᒃ ᐊᑐᖅᑕᐅᒍᒪᔪᒥᒃ ᐊᑐᓕᖁᔨᕗᖅ ᖃᓄᐃᓕᐅᕈᑎᖃᖅᑐᖃᓕᕐᓗᓂ. ᓯᕕᑐᓂᖓ ᓴᕿᔪᑦ, ᐊᓯᔾᔩᔪᑦ ᐃᓅᓯᕐᓂᑦ ᐊᖏᔫᕗᖅ ᐊᒻᒪᓗ ᐊᑐᓕᖁᔭᕗᑦ ᐊᒡᒍᑐᖅᓯᒪᓪᓗᑎᑦ ᐱᖓᓲᔪᖅᑐᓄᑦ ᖃᓄᖅᑑᕈᑎᓄᑦ ᑐᑭᒧᐊᕈᑎᒃᓴᓄᑦ. ᐊᑐᓂᑦ ᖃᓄᖅᑑᕈᑎ ᑐᑭᒧᐊᕈᑎ ᐱᓕᕆᐊᖅᑐᖅ ᐊᑕᐅᓯᕐᒥᒃ ᐱᒻᒪᕆᐊᓗᒻᒥᒃ ᐃᓗᓕᖃᖅᑐᓂ ᐊᒻᒪᓗ ᑕᒪᐃᓐᓂᑦ ᑲᑎᓯᒪᔭᐅᕗᑦ ᑐᙵᕕᒃᓴᐅᓪᓗᑎᑦ ᐊᓯᔾᔩᔪᖃᖁᓪᓗᒍ. ᓇᓗᓇᐃᔭᑦᑎᐊᖅᓯᒪᔪᑦ ᐊᑐᓂᑦ

1. ᐃᓱᒪᒃᑯᑦ ᖃᓄᐃᑦᑕᐃᓕᒪᑎᑦᑎᓇᓱᐊᕐᓗᑎᑦ ᐃᓅᓯᖏᓐᓂᑦ ᐊᖏᕐᕋᓂ, ᐃᓕᓐᓂᐊᕐᕕᓂ, ᐃᖅᑲᓇᐃᔭᕐᕕᓂ, ᐊᒻᒪᓗ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᑎᑦᑎᓗᑎᑦ ᐃᒻᒥᓃᖅᑕᐃᓕᒪᑎᑦᑏᓐᓇᕐᓗᑎᓪᓗ ᐱᔪᓐᓇᕐᓂᓕᒫᕆᔭᐅᔪᑦ ᒪᓕᓪᓗᒋᑦ.

ᐊᑦᑐᐃᓂᖃᓗᐊᕌᓗᒃᑕᐃᓕᒪᑎᑦᑎᓗᑕ ᐃᓱᒪᒃᑯᑦ ᐊᑲᐅᙱᓕᐅᕈᑎᐅᔪᓂᑦ

ᐋᓐᓂᐊᕈᑎᓂᓪᓗ ᐊᒻᒪᓗ ᐱᐅᓯᕚᓪᓕᖅᑎᑦᑎᓗᓂ ᐃᓱᒪᒃᑯᑦ ᖃᓄᐃᑦᑑᔪᓂᑦ ᐃᓄᓐᓂᑦ

ᖃᐅᔨᒪᔭᐅᔫᒥᑎᑦᑎᔪᖃᖅᑳᕆᐊᖃᕐᒪᑦ ᐊᒻᒪᓗ ᐃᓱᒪᒃᑯᑦ ᐋᓐᓂᐊᓕᖅᑕᐃᓕᑎᑦᑎᓇᓱᐊᖔᕐᓗᑎᑦ ᖃᐅᑕᒫᑦ ᐊᑦᑐᖅᑕᐅᓛᖑᔪᓐᓇᖅᑐᓂᑦ.

2. ᐊᑐᓕᖅᑎᑦᑎᓗᑎᒃ ᒪᒥᒍᓐᓇᐅᑎᔅᓴᖏᓂᒃ ᖃᓄᐃᑦᑕᐃᓕᒪᒍᓐᓇᐅᑎᔅᓴᖏᓂᓪᓗ ᐃᓄᐃᑦ ᑕᒪᐃᓐᓂᑦ ᐅᑭᐅᓖᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᓖᑦ ᐊᒻᒪᓗ ᐋᓐᓂᐊᕈᑎᓖᑦ, ᐊᒻᒪᓗ ᐱᔪᓐᓇᐅᑎᖏᑦ. ᐱᒻᒪᕆᐅᓛᖑᔪᖅ ᒪᒥᒃᓴᕋᐃᖁᓪᓗᒋᑦ ᐃᑲᔪᖅᑕᐅᓗᑎᑦ ᐃᓄᐃᑦ ᓈᒻᒪᑦᑐᓂᑦ ᐱᔨᑦᑎᖅᑕᐅᓗᑎᑦ, ᑲᒪᒋᔭᐅᑦᑎᐊᕐᓗᑎᑦ ᐊᒻᒪᓗ ᐃᑲᔪᖅᑐᐃᓗᑎᑦ ᐊᔾᔨᒋᙱᑦᑐᒃᑯᑦ

ᐃᑉᐱᒋᔭᐅᖃᑦᑕᙱᓪᓗᑎᑦ ᐊᕝᕕᐊᕈᑏᑦ ᐲᔭᖅᑕᐅᓗᑎᑦ ᐃᓚᐅᖃᑕᐅᑦᑎᐊᖃᑦᑕᕐᓗᑎᑦ ᐃᖅᑲᓇᐃᕐᕕᒻᒥ, ᐃᓕᓐᓂᐊᕐᕕᓂ ᐊᒻᒪᓗ ᓄᓇᖅᑲᑎᒌᖑᔪᓂᑦ.

3. ᐊᑐᕈᓐᓇᖅᑎᑦᑎᔪᖃᕐᓗᓂ ᓈᒻᒪᑦᑐᓂᒃ ᐱᔨᑦᑎᕋᕈᑎᓂᑦ, ᑲᒪᒋᔭᐅᕕᒃᓴᓂᑦ ᐃᑲᔪᖅᑐᐃᔾᔪᑎᓂᓪᓗ, ᐃᓄᐃᑦ

ᐊᑐᕆᐊᖃᓕᕋᐃᑉᐸᒋᑦ ᖃᖓᑐᐃᓐᓇᖅ. ᐊᒥᓱᑦ ᐊᔾᔨᒌᙱᑦᑐᑦ ᐱᔨᑦᑎᕋᕈᑏᑦ, ᑲᒪᒋᔭᐅᕝᕖᑦ ᐃᑲᔪᖅᑐᐃᔾᔪᑏᓪᓗ ᐱᖃᓯᐅᔾᔨᕗᑦ ᐋᓐᓂᐊᖅᑐᑦ ᑲᒪᒋᔭᐅᓂᖏᑦ, ᓄᓇᓕᓐᓂ ᑐᙵᕕᓖᑦ ᐊᒻᒪᓗ ᐃᓱᒪᒃᑯᑦ ᐋᓐᓂᐊᖅᑐᓄᑦ ᐱᔨᑦᑎᕋᕈᑏᑦ, ᐱᖃᑎᒌᑦ ᐃᑲᔪᖅᑐᐃᓂᖏᑦ, ᐊᒻᒪᓗ ᐃᑲᔪᖅᓱᖅᑕᐅᓗᑎᑦ ᐃᒡᓗᖃᕐᓗᑎᑦ, ᐃᓕᓐᓂᐊᕐᓂᓕᕆᓂᕐᒧᑦ ᐃᖅᑲᓇᐃᔮᕐᒧᓪᓗ.

4. ᐊᔾᔨᒌᓕᖅᓱᕐᓂᖅᓴᕆᓗᒋᑦ ᐊᑦᑕᕐᓇᕈᑏᑦ ᐱᔾᔪᑎᖏᑦ ᐊᒻᒪᓗ

ᐊᑐᕈᓐᓇᕐᓂᖅᓯᑎᓐᓂᖅᓴᕆᓗᒋᑦ ᐃᓱᒪᒃᑯᑦ ᐋᓐᓂᐊᕐᓂᕐᒧᑦ ᐱᔨᑦᑎᕋᕈᑏᑦ, ᐊᒻᒪᓗ

ᓴᙵᑎᓪᓗᒋᑦ ᑭᙴᒪᒋᔭᐅᔪᑦ ᐊᔾᔨᒌᙱᑦᑐᓄᑦ ᓄᓇᓕᓐᓄᑦ ᐅᑭᐅᖅᑕᖅᑐᓄᓪᓗ

ᑲᒪᒋᔭᐅᓴᕋᐅᑦᑎᐊᖃᑦᑕᕐᓗᑎᑦ ᓈᒻᒪᑦᑐᒥᑦ.

ᐃᓱᒪᒃᑯᑦ ᖃᓄᐃᑦᑕᐃᓕᓂᖅ ᐃᓱᒪᒋᔭᐅᒋᐊᕆᐊᓕᒃ ᐱᐅᓯᕚᓪᓕᖅᑎᑕᐅᓇᓱᐊᖅᑎᓪᓗᒋᑦ ᐃᓅᓯᖏᑦ ᐊᒻᒪᓗ ᑲᒪᒋᔭᐅᓗᑎᑦ ᑭᙴᒪᒋᔭᐅᔪᑦ ᐃᓄᓐᓄᑦ ᓲᕐᓗ ᓄᑖᑦ ᑲᓇᑕᒨᕋᑖᕐᓂᑯᑦ ᐊᒻᒪᓗ

ᐅᑭᐅᖅᑕᖅᑐᒥᐅᑦ ᐅᖓᓯᑦᑐᒥᐅᓪᓗ.

5. ᐃᖅᑲᓇᐃᔭᖃᑎᒋᔭᐅᓗᑎᑦ ᓄᓇᖃᖅᑳᖅᓯᒪᔪᑦ, ᐃᓄᐃᑦ, ᐊᒻᒪᓗ ᐊᓪᓚᖓᔪᑦ ᑲᒪᒋᔭᐅᖁᓪᓗᒍ ᐃᓱᒪᒃᑯᑦ ᖃᓄᐃᑦᑕᐃᓕᒍᑎᒋᔪᓐᓇᖅᑕᖏᑦ, ᐃᓕᓴᕆᓪᓗᒋᑦ ᐊᔾᔨᒌᙱᑦᑐᑦ ᐃᓅᓯᖏᑦ ᐱᔪᓐᓇᐅᑎᖏᑦ ᐊᒻᒪᓗ ᐃᓕᖅᑯᓯᖏᑦ.

ᐊᑐᕈᓐᓇᐃᓐᓇᖁᓪᓗᒋᑦ ᐃᓕᖅᑯᓯᖓᓂᑦ ᐊᔾᔨᓕᖏᓐᓂᑦ ᐊᑦᑕᓇᙱᑦᑐᓂᑦ ᐃᓱᒪᒃᑯᑦ ᖃᓄᐃᑦᑕᐃᓕᒪᓂᕐᒧᑦ ᐱᔨᑦᑎᕋᕈᑎᓂᑦ, ᐃᓱᒪᒃᑯᑦ ᖃᓄᐃᑦᑐᐃᓕᓂᕐᒧᑦ ᖃᓄᖅᑑᕈᑎᐅᔪᖅ

ᑲᓇᑕᒧᑦ ᐃᑲᔪᕈᓐᓇᖅᑐᖅ ᓱᓕᔪᕐᓂᐊᕐᓂᕐᒧᑦ, ᐋᖅᑮᖃᑎᒌᓪᓗᑎᑦ, ᐊᒻᒪᓗ ᒪᑭᓴᕐᓗᑎᑦ

ᑭᖑᕚᕆᔭᐅᔪᑦ ᐊᑦᑐᖅᑕᐅᖃᑦᑕᖅᑐᒥᓂᐅᓂᖏᓐᓄᑦ.

6. ᓯᕗᓕᖅᑎᑖᕐᓗᑎᑦ, ᐃᓕᑉᐹᕐᓕᕐᓗᑎᑦ, ᐊᒻᒪᓗ ᐱᓕᕆᖃᑎᒌᓪᓗᑎᑦ ᑕᒪᐃᓐᓂᑦ ᐱᓕᕆᐊᖃᖅᑐᑦ ᑕᒪᒃᑯᓂᖓ. ᐊᓯᔾᔩᔪᓐᓇᖅᑐᖃᔾᔮᙱᒻᒪᑦ

ᑕᒪᐃᓐᓂᑦ ᒐᕙᒃᑯᓕᒫᖅ

ᐱᓕᕆᐊᖃᕆᐊᙵᖃᑎᒌᒍᓐᓇᙱᒃᑯᑎᑦ ᐃᓱᒪᒃᑯᑦ ᐊᓐᓂᐊᖅᑕᐃᓕᓂᕐᒧᑦ ᐊᑐᐊᒐᓕᐅᕐᓗᑎᑦ,

ᓯᕗᓕᖅᑎᐅᔪᓐᓇᙱᒃᑯᑎᓪᓗ ᐃᓄᐃᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᓖᑦ ᐋᓐᓂᐊᖅᑐᓗ, ᖃᑕᙳᑎᖏᓪᓗ ᓯᕗᒧᐊᒍᓐᓇᕋᔭᙱᒻᒪᑕ, ᐊᒻᒪᓗ ᐱᐅᔪᒥᒃ ᐃᓂᑖᙱᒃᑯᑎᑦ

ᑐᑭᓯᒋᐊᕈᑎᓂᑦ ᓄᐊᑦᑎᔪᖃᕈᓐᓇᕐᓗᓂ, ᖃᐅᔨᓴᖅᑐᖃᕈᓐᓇᕐᓗᓂ, ᐃᖅᑲᓇᐃᔭᖅᑐᑦ ᐱᕙᓪᓕᐊᑎᑕᐅᓗᑎᑦ ᐃᓕᑉᐸᓪᓕᐊᑎᑕᐅᓗᑎᑦ ᐱᑕᖃᙱᒃᑯᓂ ᐊᓯᔾᔨᖅᓯᔪᖃᕈᓐᓇᕋᔭᙱᒻᒪᑕ ᐱᐅᓯᕚᓪᓕᖅᑎᑦᑎᒍᓐᓇᙱᓪᓗᑎᑦ.

ᓴᕿᔪᑦ, ᐊᓯᔾᔩᔪᑦ ᐃᓅᓯᕐᓂᑦ ᐱᓕᕆᐊᕆᔭᐅᔪᖅ ᑲᓇᑕᒥᐅᑕᓕᒫᕐᓂᑦ ᑲᒪᑎᑦᑎᓇᓱᐊᖅᑐᑦ ᐃᑲᔪᕐᓗᑎᑦ ᐱᐅᓯᕚᓪᓕᖁᓪᓗᒍ ᐃᓱᒪᒃᑯᑦ ᐊᑲᐅᙱᓕᐅᕈᑎᓕᓐᓄᑦ ᑲᒪᒋᔭᐅᔾᔪᑎᖏᓐᓂᑦ. ᑕᒪᐃᓐᓂᑦ ᐊᑐᓕᖁᔭᐅᔪᑦ ᖃᓄᖅᑑᕈᑎᒥᑦ ᐊᑕᐅᑦᑎᒃᑯᒃᓴᐃᓐᓇᑯᓗᒃ ᐊᑐᓕᖅᑎᑕᐅᒍᓐᓇᔾᔮᙱᒻᒪᑕ, ᐊᒻᒪᓗ, ᑲᓇᑕᐅᔪᖅ ᐃᓄᖏᑦ ᐊᔾᔨᒌᙱᑦᑐᕈᓘᔮᓘᓐᓘᑎᑦ, ‘ᐊᔾᔨᒌᑦᑐᒥᑦ ᐊᑐᕋᒃᓴᒥᑦ ᐊᑐᖅᑕᐅᔪᖃᕈᓐᓇᕋᔭᙱᒻᒪᑦ” ᑕᒪᐃᓐᓄᑦ ᖃᓄᐃᓕᐅᕈᓘᔭᖅᓯᒪᔪᐊᓗᑦ ᑲᒪᒋᐅᕆᐊᓕᑦ ᐊᓯᔾᔩᕙᓪᓕᐊᔪᑦ ᐃᓱᒪᒃᑯᑦ ᐋᓐᓂᐊᖅᑐᓕᕆᓂᕐᒨᖓᔪᑦ.

ᐊᖏᔪᐊᓗᐃᑦ ᐊᖏᕈᑎᒋᔭᐅᒐᓗᐊᖅᑎᓪᓗᒋᑦ ᑐᑭᒧᐊᕈᑏᑦ ᐊᓯᔾᔩᔾᔪᑕᐅᓂᐊᖅᑐᑦ, ᑕᒪᐃᓐᓂᓕᒫᖅ ᐊᖏᖃᑎᒌᑦᑐᐃᓐᓇᐅᔪᓐᓇᔾᔮᙱᒻᒪᑕ ᑭᓱᓕᒫᓂᑦ ᐱᓕᕆᐊᕆᔭᐅᔭᕆᐊᓕᓐᓂᑦ ᐅᕝᕙᓘᓐᓃᑦ ᖃᓄᐃᑦᑐᑦ ᓯᕗᓪᓕᐅᖅᑳᖅᑎᑕᐅᓗᑎᑦ ᑲᒪᒋᔭᐅᔪᒃᓴᐅᔪᓂᑦ ᐊᖏᖃᑎᒌᑦᑐᐃᓐᓇᐅᒍᓐᓇᙱᒻᒪᑕ.

ᐃᓱᒪᒃᑯᑦ ᖃᓄᐃᑦᑕᐃᓕᓂᖅ ᑖᒃᑯᓄᖓᑐᐊᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᐱᓕᕆᐊᕆᔭᐅᔪᒃᓴᐅᙱᓚᖅ.

ᐊᑐᐊᒐᑦ ᐊᒻᒪᓗ ᐊᑐᖅᑕᐅᕙᑦᑐᑦ ᐊᒥᓱᓄᑦ ᒐᕙᒪᒃᑯᑦ ᐱᓕᕆᕝᕕᖏᓐᓄᑦ (ᓲᕐᓗ ᐱᖃᓯᐅᑎᓗᒋᑦ

ᐃᓕᓐᓂᐊᕐᓂᓕᕆᔨᒃᑯᑦ, ᐃᖅᑲᖅᑐᐃᕕᓕᕆᔨᒃᑯᑦ, ᑎᒍᔭᐅᒪᔪᓕᕆᔨᒃᑯᑦ, ᐃᓄᓕᕆᔨᒃᑯᑦ ᐊᒻᒪᓗ ᑮᓇᐅᔭᓕᕆᔨᒃᑯᑦ) ᐊᖏᔪᐊᓗᒻᒥᒃ ᐊᑦᑐᐃᓂᖃᓲᖑᕗᑦ ᐃᓄᐃᑦ ᐃᓱᒪᖏᑕ ᖃᓄᐃᑦᑕᐃᓕᓂᖏᓐᓂᑦ ᐊᒻᒪᓗ ᐋᓐᓂᐊᖅᑕᐃᓕᓂᖏᓐᓂᑦ.

ᐅᖓᑖᓄᑦ ᒐᕙᒪᒃᑯᑦ, ᓱᖅᑯᐃᕐᓇᖅᓯᕗᖅ ᐃᖅᑲᓇᐃᔭᕐᕖᑦ, ᒐᕙᒪᐅᙱᑦᑐᑦ ᑲᑐᑎᔾᔨᖃᑎᒌᖏᑦ,

ᐱᕙᓪᓕᐊᔪᓕᕆᔨᒃᑯᑦ, ᐊᒻᒪᓗ ᐊᒥᓱᑦ ᐊᓯᖏᑦ ᐱᓕᕆᐊᖃᖅᑐᐃᓇᐅᕗᑦ ᑕᒪᔅᓱᒥᖓ ᐃᓱᒪᒃᑯᑦ ᖃᓄᐃᑦᑕᐃᓕᓂᕐᒥᑦ.

ᐃᓄᓐᓄᑦ ᑲᒪᒋᔭᐅᔪᒃᓴᐅᕗᖅ ᐊᑐᓂᑦ ᐊᕕᑦᑐᖅᓯᒪᔪᓂ ᑲᓇᑕᒥ ᐊᒻᒪᓗ ᑕᒪᐃᓐᓂᓕᒫᖅ ᒐᕙᒪᒃᑯᓐᓂᑦ ᓇᒻᒥᓂᖅ ᐸᕐᓇᐅᑎᓕᐅᕐᓗᑎᑦ ᐱᓕᕆᐊᖃᕐᓂᐊᕐᓗᑎᑦ ᖃᓄᖅᑑᕈᑎᑉ ᐊᑐᖁᔭᐅᓯᒪᔪᖁᑎᖏᓐᓂᑦ, ᒪᓕᑦᑐᒋᑦ ᖃᓄᐃᑦᑑᓕᕐᓂᖏᑦ ᐊᑐᖅᐸᑦᑕᖏᑦ. ᑕᐃᒪᐃᒃᑯᑎᑦ, ᓴᕿᔪᑦ, ᐃᓅᓯᕐᒥ ᐊᓯᔾᔩᔪᑦ ᐱᕕᖃᕈᑎᒋᔭᐅᕗᖅ ᑭᒃᑯᓕᒫᑦ ᐱᓕᕆᐊᕆᓇᓱᐊᖅᑕᖏᓐᓂᑦ − ᐊᒥᓱᒐᓗᐊᕈᑎᑦ, ᖃᑦᑏᓐᓇᐅᒐᓗᐊᕈᑎᑦ, ᑕᒪᒃᑮᓐᓂᒃ ᐃᓗᐊᓂ ᐊᒻᒪᓗ ᓯᓚᑖᓂ ᐃᓱᒪᒃᑯᑦ ᐋᓐᓂᐊᖃᖅᑕᐃᓕᔪᓕᕆᕙᑦᑐᓄᑦ − ᐃᑲᔪᕐᓂᐊᕐᓗᓂ ᐊᓯᔾᔩᑎᑦᑎᓗᓂ.

ᕿᓚᒥᑲᐅᑎᒋᑯᓗᒃ ᐊᓂᒎᑎᒋᔭᒃᓴᐅᔾᔮᙱᒻᒪᑦ ᐊᑐᕆᐊᓯᔭᐅᓗᑎᑦ ᐊᑐᖁᔭᐅᔪᑦ ᑕᕝᕙᓃᑦᑐᑦ ᖃᓄᖅᑑᕈᑎᒥ, ᐊᒻᒪᓗ ᓴᐱᓕᖅᑕᐃᓕᒋᐊᖃᕐᓂᐊᖅᑐᑦ ᓯᕗᓕᖅᑎᐅᓗᑎᓪᓗ ᐊᒥᓱᑦ ᐱᓕᕆᐊᓖᑦ. ᖃᓄᖅᑑᕈᑎ ᐃᒪᐃᓕᐅᖁᔨᕗᖅ:

• ᐃᓄᐃᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᓖᑦ ᐋᓐᓂᐊᖅᑐᓪᓗ ᖃᑕᙳᑎᖏᓪᓗ ᐸᕐᓇᖃᑕᐅᖃᑦᑕᕐᓂᖅᓴᐅᓂᐊᖅᑐᑦ, ᐋᖅᑭᒃᓱᐃᖃᑕᐅᖃᑦᑕᕐᓗᑎᑦ, ᐊᑐᕆᐊᙵᖅᑎᑦᑎᖃᑕᐅᖃᑦᑕᕐᓗᑎᑦ ᖃᐅᔨᓴᖃᑕᐅᖃᑦᑕᕐᓗᑎᓪᓗ ᐃᓱᒪᒃᑯᑦ ᖃᓄᐃᑦᑕᐃᓕᓂᕐᒧᑦ ᐱᔨᑦᑎᕋᕈᑎᐅᔪᓂᑦ, ᑲᒪᒋᔭᐅᔾᔪᑎᖏᓐᓂᑦ ᐃᑲᔪᖅᑐᐃᔾᔪᑎᖏᓐᓂᓪᓗ;

• ᐃᓱᒪᒃᑯᑦ ᐋᓐᓂᐊᖅᑐᓄᑦ ᐱᓕᕆᔩᑦ

ᐃᖅᑲᓇᐃᔭᖃᑎᖃᖃᑦᑕᕐᓗᑎᑦ ᐸᕐᓇᒃᑎᐅᔪᓂᑦ, ᑮᓇᐅᔭᖃᖅᑎᑦᑎᔪᓂᑦ, ᐊᑐᖅᐸᑦᑐᓂᓪᓗ

ᐱᔨᑦᑎᕋᕈᑎᓂᑦ ᖃᐅᔨᓴᖅᑕᐅᓗᑎᑦ ᐋᖅᑭᒋᐊᕆᐊᓖᑦ ᓯᕗᒧᐊᒍᓐᓇᑦᑎᐊᖅᑐᓂᑦ ᐊᑐᕋᒃᓴᒥᑦ ᐋᖅᑮᓂᐊᕐᒪᑕ ᐊᑐᕐᓂᖅᓴᐅᑎᑦᑎᓗᑎᑦ ᐃᓄᐃᑦ ᑭᙴᒪᔭᖏᓐᓂᑦ ᒪᒥᓴᕐᓂᕐᒥᓗ ᐃᓗᓕᖃᕐᓗᓂ;

• ᒐᕙᒪᒃᑯᑦ ᑲᒪᒋᔭᖃᕆᐊᙵᕐᓗᑎᑦ ᖃᓄᕈᓘᔮᓗᒃ ᑲᒪᒋᔭᐅᖁᓪᓗᒋᑦ ᐃᓱᒪᒃᑯᑦ ᖃᓄᑦᑐᐃᓕᓂᕐᒧᑦ ᑭᙴᒪᒋᔭᐅᔪᑦ, ᑮᓇᐅᔭᑦ ᐊᑐᑦᑎᐊᖅᑕᐅᓂᖅᓴᐅᓕᕐᓗᑎᑦ

ᐊᒻᒪᓗ ᐊᕐᕌᒍᓂᑦ ᐊᒥᓲᓕᖅᑐᑦ ᑮᓇᐅᔭᖃᖅᑎᑦᑎᙱᓗᐊᖃᑦᑕᕐᓂᖏᑦ ᐃᓱᒪᒃᑯᑦ ᖃᓄᐃᑦᑕᐃᓕᓂᕐᒧᑦ ᐊᑐᕈᓐᓃᕐᓗᒍ ᑮᓇᐅᔭᖃᖅᑎᑦᑎᓂᖅᓴᐅᖃᑦᑕᖔᓕᕐᓗᑎᑦ;

• ᐊᖓᔪᖅᑳᕆᔭᐅᔪᑦ ᐊᐅᓚᑦᑎᔩᑦ ᐃᓄᓐᓂᑦ ᑭᒃᑯᑐᐃᓐᓇᕐᓂᑦ ᐱᔨᑦᑎᕋᖅᑐᑦ ᐊᒻᒪᓗ

ᓇᒻᒥᓂᖁᑎᖃᖅᑐᑦ ᐃᖅᑲᓇᐃᔭᕐᕕᖏᑦ ᐃᓱᒪᒃᑯᑦ ᖃᓄᐃᑦᑕᐃᓕᑎᑦᑎᒐᓱᐊᕐᓂᖅᓴᐅᓕᕐᓗᑎᑦ ᐱᔪᓐᓇᕐᓂᓕᒫᖏᑦ ᒪᓕᓪᓗᒋᑦ, ᐊᒻᒪᓗ ᐃᑲᔪᑦᑐᐃᑦᑎᐊᓕᕐᓗᑎᑦ ᐊᐅᓚᓂᐅᔪᓂᑦ

ᐱᐅᓯᕚᓪᓕᖅᓯᒪᔪᒥᑦ ᐃᓱᒪᒃᑯᑦ ᖃᓄᐃᑦᑕᐃᓕᓂᕐᒥᑦ;

• ᑕᒪᐃᓐᓂᑦ ᑲᓇᑕᒥᐅᑕᓕᒫᑦ

ᐊᑐᕐᓂᖅᓴᐅᑎᑦᑎᓇᓱᐊᖃᑦᑕᕐᓗᑎᑦ ᐃᓱᒪᒃᑯᑦ ᖃᓄᐃᑦᑕᐃᓕᓂᕐᒥᑦ ᖃᐅᑕᒫᑦ ᐃᓅᓯᖏᓐᓂᑦ ᐊᒻᒪᓗ ᑕᑯᓐᓇᑲᒻᒪᖃᑦᑕᕈᓐᓃᕐᓗᑎᑦ ᑕᒪᒃᑯᓂᖓ ᐃᓕᓴᖅᓯᓂᒃᑯᑦ ᖃᓄᑎᒋ ᐊᔾᔨᒌᑦᑐᒥᑦ ᐃᓅᓯᖃᕋᑦᑕ

− ᐊᑭᕋᖅᑐᖃᑎᒌᒋᐊᖃᙱᓐᓇᑦᑕ “ᐅᕙᒍᑦ” ᐊᒻᒪᓗ

“ᑕᐃᒃᑯᐊ” ᑕᐃᒪᐃᑦᑐᖅᑕᖃᙱᒻᒪᑦ ᐃᓱᒪᒃᑯᑦ ᖃᓄᐃᑦᑕᐃᓕᓂᖅ ᐋᓐᓂᐊᖅᑕᐃᓕᓂᕐᓗ ᐱᓪᓗᒋᑦ.

ᐋᖅᑭᒋᐊᕐᔫᒥᔭᐅᒐᔭᕐᒪᑕ. ᑲᒪᒋᔭᐅᕙᓪᓕᐊᖁᔭᐅᕗᑦ ᐃᒪᓐᓇ ᑮᓇᐅᔭᖃᖅᑎᑕᐅᖁᔭᐅᓪᓗᑎᑦ ᐃᓱᒪᒃᑯᑦ ᐋᓐᓂᐊᖅᑐᓕᕆᓂᕐᒧᑦ ᐊᑐᕋᒃᓴᑦ:

• ᐊᒥᓱᕈᕆᐊᕐᓗᒋᑦ ᐋᓐᓂᐊᖅᑕᐃᓕᓂᒪᕐᓂᒧᑦ ᑮᓇᐅᔭᑦ ᐃᓕᔭᐅᕙᑦᑐᑦ ᐃᓱᒪᒃᑯᑦ ᖃᓄᐃᑦᑕᐃᓕᓂᕐᒨᖓᔪᑦ ᐱᖓᓲᔪᖅᑐᑦ ᐊᑕᐅᓯᕐᓗ ᐳᓴᓐᑎᖏᓐᓃᒻᒪᑕ ᐊᒥᓱᕈᕆᐊᕐᓗᒋᑦ ᑎᓴᒪᐅᔪᖅᑐᑦ ᐊᑕᐅᓯᕐᓗ ᐳᓴᓐᑎᓂᑦ ᖁᓕᑦ ᐅᖓᑖᓄᑦ ᐊᕐᕌᒍᓄᑦ;

• ᐃᓅᓯᓕᕆᓂᕐᒧᑦ ᑮᓇᐅᔭᑦ ᐊᑐᖅᑕᐅᕙᑦᑐᑦ ᐊᒥᓱᕈᕆᐊᖅᑕᐅᐃᒻᒪᕆᓪᓗᑎᑦ ᐃᓱᒪᒃᑯᑦ ᖃᓄᐃᑦᑕᐃᓕᓂᕐᒧᑦ ᑐᕌᖓᑎᑕᐅᔪᑦ ᐊᒥᓱᕈᕆᐊᖅᑕᐅᓗᑎᑦ ᑮᓇᐅᔭᑦ ᒪᕐᕉᒃ

ᐳᓴᓐᓂᑎᒃᑲᓐᓂᒻᒪᕆᓐᓂᒃ ᐃᓕᐅᖅᑲᖅᑕᐅᕙᑦᑐᓂᑦ;

• ᓇᓗᓇᐃᕐᓗᒋᑦ ᐅᓪᓗᒥᐅᔪᖅ ᐃᓱᒪᒃᑯᑦ ᖃᓄᐃᑦᑕᐃᓕᓂᕐᒧᑦ ᑮᓇᐅᔭᑦ ᐊᑐᖅᑕᐅᓲᑦ

ᐃᓕᐅᖅᑲᖅᑕᐅᖔᒃᑲᓐᓂᕆᐊᓖᑦ ᐱᐅᓯᕚᓪᓕᖁᓪᓗᒍ ᐊᐅᓚᓂᖓ ᐊᑐᑦᑎᐊᖃᑦᑕᕆᐊᖃᕐᓂᖓᓗ

ᐱᐅᓂᖅᓴᓂᑦ ᐃᓱᒪᒃᑯᑦ

ᖃᓄᐃᑦᑕᐃᓕᒪᑎᑦᑎᒋᐊᕐᔫᒥᒐᔭᕐᒪᑕ; ᐊᒻᒪᓗ

• ᐱᓕᕆᖃᑕᐅᑎᓪᓗᒋ ᓇᒻᒥᓂᖁᑎᓖᑦ ᐊᒻᒪ ᑮᓇᐅᔭᓂᑦ ᐃᑲᔫᓯᐊᖅᑖᖅᑎᑦᑎᓲᑦ ᐃᓄᐃᑦ ᑮᓇᐅᔭᖃᕐᓂᖅᓴᐅᖁᓪᓗᒍ ᐃᓱᒪᒃᑯᑦ ᖃᓄᐃᑦᑕᐃᓕᒪᔪᓕᕆᔨᒃᑯᑦ.

ᓴᓇᓗᓂ ᐸᕐᓇᐅᑎᒥᑦ, ᐱᐅᔪᐊᓘᒐᓗᐊᖅᐸᑦ, ᓇᒻᒥᓂᖅ ᓈᒻᒪᒍᓐᓇᙱᒻᒪᑦ ᓯᕗᒧᐊᒍᓐᓇᕋᓂ ᐊᑦᑐᐃᓂᖃᕐᓂᖏᑦ ᓴᕿᔪᑦ, ᐃᓅᓯᕐᓂ ᐊᓯᔾᔩᔪᑦ ᐊᓂᒍᖅᐸᓪᓕᐊᑎᓪᓗᒍ ᖃᐅᔨᓴᖅᑕᐅᖃᑦᑕᕆᐊᓕᒃ ᐊᒻᒪᓗ ᕿᒥᕐᕈᔭᐅᑦᑎᐊᖃᑦᑕᕐᓗᓂ ᑕᓪᓕᒪᑦ ᐊᕐᕌᒍᑦ ᐊᓂᒍᕋᐃᒍᑎᑦ ᖃᐅᔨᓴᖅᑕᐅᖃᑦᑕᕋᔭᕐᒪᑦ ᐱᕙᓪᓕᐊᒍᑎᒋᔭᐅᓂᖏᑦ. ᖃᓄᖅᑑᕈᑎᐅᔪᖅ

ᓇᓗᓇᐃᕈᑎᖃᖅᑎᑦᑎᔪᖅ ᐊᑐᖅᑕᐅᒍᓐᓇᕋᔭᖅᑐᓂᑦ ᑲᒪᒋᔭᐅᑦᑎᐊᓕᕋᓗᐊᕐᒪᖔᖅ ᒪᓕᑦᑕᐅᓗᓂ, ᐊᒻᒪᓗ ᐱᕙᓪᓕᐊᖁᔨᕗᖅ ᐊᑐᓕᖅᑎᑦᑎᖁᔨᕗᕐᓗ ᐊᑯᓂᐅᔪᒧᑦ ᐸᕐᓇᒍᑎᓕᐅᖅᑐᖃᖃᑦᑕᕐᓗᓂ ᓴᙵᑦᑎᒃᑲᔭᕐᒪᑦ ᑲᓇᑕᑉ ᐱᓕᕆᐊᖃᕈᓐᓇᕐᓂᖓᓂᑦ ᖃᐅᔨᓴᕐᓗᓂ ᑕᒪᐃᓐᓂᑦ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᓂᕐᒥᑦ ᖃᓄᐃᑦᑕᐃᓕᒪᓂᕐᒥᓪᓗ ᐃᓄᖏᓐᓄᑦ.

ᑭᖑᓪᓕᖅᐹᕐᒥ, ᖃᓄᖅᑑᕈᑎᐅᔪᖅ ᐃᓕᓴᖅᓯᓯᒪᕗᖅ ᐱᓇᓱᐊᖅᑐᖃᖃᑦᑕᕆᐊᖃᕐᒪᑦ ᐊᔾᔨᐅᙱᑦᑐᒥᑦ ᐊᓯᔾᔨᕐᓂᖓᑕ ᓴᙱᓂᖓ ᓈᒻᒪᑦᑎᐊᖁᓪᓗᒍ. ᖃᓄᖅᑑᕈᑎ ᑲᓇᑕᒥᐅᑕᓕᒪᕐᓂᑦ ᑲᓇᓐᓇᖓᓂ, ᐅᑭᐅᖅᑕᖅᑐᖓᓄᑦ,

ᐱᖓᓐᓇᖓᓄᑦ ᑲᓇᑕᒥ ᐃᓚᐅᖃᑕᐅᓂᖅᓴᐅᖁᔨᕗᖅ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᔪᓕᕆᓂᑉ ᐱᔾᔪᑎᖏᓐᓂᑦ ᑲᒪᔪᖃᖃᑦᑕᕐᓂᖅᓴᐅᓗᓂ, ᓄᓇᓕᓐᓂ ᐱᓕᕆᔫᒥᑎᑦᑎᖃᑦᑕᖁᔨᓪᓗᓂ, ᐊᕕᑦᑐᖅᓯᒪᓂ, ᑲᓇᑕᓕᒫᕐᒥᓗ ᐊᒻᒪᓗ ᐃᓅᓯᖅ ᐊᓯᔾᔨᖁᔭᐅᕙᓪᓕᐊᓂᖓᓂᑦ ᖃᓄᐃᓕᐅᕈᑎᖃᖅᐸᓪᓕᐊᖁᔨᓪᓗᓂ ᐱᐅᓂᖅᓴᐅᓕᖁᓪᓗᒍ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑲᓇᑕᒥ.

ᐃᓱᒪᒃᑯᑦ ᐋᓐᓂᐊᖅᑕᐃᓕᒪᓂᕐᒧᑦ ᖃᓄᖅᑑᕈᑎ ᑲᓇᑕᒧᑦ ᖃᐅᔨᒪᑦᑎᐊᖅᑎᑦᑎᔪᖅ ᑲᓇᑕ ᓯᕗᒧᐊᒃᑲᓗᐊᕐᒪᖔᖅ ᐊᓯᔾᔨᓪᓚᑦᑖᓕᕐᓗᓂ. ᓴᖅᑭᔮᕐᔫᒥᑎᑕᐅᓇᓱᐊᕐᓗᓂ ᐱᒻᒪᕆᐅᑎᑕᐅᓇᓱᐊᕐᓂᖅᓴᐅᓂᒃᑯᑦ ᐃᓱᒪᒃᑯᑦ

ᐋᓐᓂᐊᖅᑕᐃᓕᒪᓂᕐᒧᑦ ᐱᔾᔪᑎᐅᕙᑦᑐᒥᑦ ᐊᒻᒪᓗ ᑲᔪᖏᖅᓴᖅᑐᒋᑦ ᐃᓄᐃᑦ ᑭᒃᑯᑐᐃᓐᓇᐃᑦ ᐅᖃᐅᓯᖃᕐᔫᒥᖃᑦᑕᖁᓪᓗᒋᑦ, ᖃᓄᖅᑑᕈᑎ ᐃᑲᔪᕐᓂᐊᖅᑐᖅ ᐃᓄᓐᓄᑦ ᑭᒃᑯᑐᐃᓐᓇᕐᓄᑦ

ᑕᑯᓐᓈᖅᑕᐅᑲᒻᒪᕈᓐᓃᕐᓂᐊᕐᒪᑦ ᐊᒥᓱᓄᑦ, ᐊᒻᒪᓗ ᐊᔾᔨᒌᙱᑦᑐᒃᑯᑦ ᑲᒪᒋᔭᐅᙱᓂᖅᓴᐅᖃᑦᑕᕈᑎᑦ ᐃᓱᒪᒃᑯᑦ ᐋᓐᓂᐊᕈᑎᓖᑦ ᑕᑯᓐᓈᖅᑕᐅᑲᒻᒪᙱᓐᓂᖅᓴᐅᓕᕈᓐᓇᖅᑐᖅ.

ᖃᓄᖅᑐᕈᑎᐅᔪᖅ ᐃᑲᔪᕋᔭᖅᑐᖅ ᖃᐅᔨᒪᓇᑦᑎᐊᖅᑎᑦᑎᓗᓂ ᐃᓄᓐᓂᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᓖᑦ ᐋᓐᓂᐊᓖᓪᓗ − ᐱᓗᐊᖅᑐᒥᑦ ᐊᒃᓱᒻᒪᕆᐊᓘᖅᑐᑦ ᐊᒻᒪᓗ ᐱᒡᒐᓇᓛᒃᑯᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᓕᓐᓄᑦ ᐋᓐᓂᐊᖅᑐᓄᓪᓗ − ᑲᒪᒋᔭᐅᑦᑎᐊᕋᓗᐊᕐᒪᖔᑕ ᐃᑉᐱᒋᔭᐅᑦᑎᐊᕐᓂᒃᑯᑦ ᐃᖅᑲᒋᔭᐅᑦᑎᐊᕐᓗᑎᓪᓗ, ᐊᒻᒪᓗ ᐱᔪᓐᓇᐅᑎᖃᖅᑎᑕᐅᓗᑎᑦ ᓇᓕᒧᒌᑦᑐᓂᑦ ᑲᓇᑕᒥᐅᑕᐅᔪᑦ ᐱᔪᓐᓇᐅᑎᖏᑦ ᐊᔾᔨᒋᓗᓂᒋᑦ.

ᑕᒪᑉᑕ ᖃᐅᔨᒪᑦᑎᐊᕈᓐᓇᖅᑐᒍᑦ ᑭᒃᑯᓕᒫᑦ ᑲᓇᑕᒦᑦᑐᑦ ᐱᕕᖃᕋᓗᐊᕐᒪᖔᑕ ᐱᐅᓛᕐᒥᒃ ᐃᓱᒪᒃᑯᑦ ᖃᓄᐃᑦᑕᐃᓕᓂᕐᒥᑦ ᐋᓐᓂᐊᖅᑕᐃᓕᓂᕐᒥᓪᓗ ᑲᒪᒋᔭᐅᑦᑎᐊᕈᓐᓇᕐᓂᐊᕐᒪᑕ.

ᐅᔾᔨᕈᓱᑉᐹᓪᓕᓕᕐᒪᑕ ᑲᓇᑕᓕᒫᕐᒥ ᖃᓄᐃᓕᐅᕈᑎᒋᔭᐅᔭᕆᐊᖃᓕᕐᒪᑦ ᐃᓱᒪᒃᑯᑦ ᖃᓄᐃᑦᑕᐃᓕᔪᓕᕆᓂᖅ ᐅᓪᓗᒥᐅᓕᖅᑐᖅ. ᑖᓐᓇ ᖃᓄᖅᑑᕈᑎᐅᔪᖅ ᐃᑲᔪᕐᓂᖃᕐᓂᐊᖅᑐᖅ ᐋᖅᑭᒋᐊᖁᔭᕗᑦ ᐊᑐᕈᓐᓇᖅᓯᓗᑎᒍᑦ ᐃᓅᓯᓪᓚᑦᑖᑉᑎᒻᓂ.

ᐃᓱᒪᒃᑯᑦ ᐋᓐᓂᐊᖅᑕᐃᓕᓂᖅ, ᐃᓱᒪᒃᑯᑦ ᐋᓐᓂᐊᖅᑐᑦ, ᒪᒥᑦᑐᑦ, ᐊᒻᒪᓗ ᖃᓄᐃᑦᑕᐃᓕᓂᖅ ᐃᓱᒪᒃᑯᑦ ᖃᓄᐃᙱᓐᓂᖅ ᐊᔾᔨᒋᙱᓛ ᐃᓱᒪᒃᑯᑦ ᐋᓐᓂᐊᖅᑐᖅᑕᖃᖅᑎᓐᓇᒍ, ᐊᒻᒪᓗ ᑕᒪᐃᓐᓄᑦ ᖃᓄᐃᑦᑕᐃᓕᒪᓂᑦᑎᓐᓄᑦ ᐃᓱᒪ ᖃᓄᐃᙱᒃᑯᓂ ᑭᓯᐊᓂ ᐱᐅᔫᕗᖅ. ᐃᓱᒪᒃᑯᑦ ᖃᓄᐃᑦᑕᐃᓕᓂᖅ ᐋᓐᓂᐊᙱᑦᑑᕗᖅ ᐃᓄᒃ

ᐃᓕᓴᕆᓪᓗᓂ ᓇᒻᒥᓂᖅ ᐱᓕᕆᔪᓐᓇᕐᓂᖓᓂᑦ, ᐊᓂᒎᑎᒍᓐᓇᕐᓂᖏᓐᓂᑦ ᐃᓅᓯᑉ ᐊᒃᓱᕈᕐᓇᕐᓂᖏᓐᓂᑦ, ᐃᖅᑲᓇᐃᔮᖃᑦᑎᐊᕈᓐᓇᖅᑐᓂ ᐊᒻᒪᓗ ᐱᓕᕆᔪᓐᓇᑦᑎᐊᖅᑐᓂ, ᐊᒻᒪᓗ ᐃᑲᔪᕐᓂᖃᕈᓐᓇᑦᑎᐊᖅᑐᖅ ᐃᓅᖃᑎᖏᓐᓄᑦ ᖃᓄᐃᙱᑦᑑᒍᓂ ᐃᓄᑉ ᐃᓱᒪᖓ.⁶

ᐃᓱᒪᒃᑯᑦ ᐊᑲᐅᙱᓕᐅᕈᑎᓖᑦ ᐊᒻᒪᓗ ᐋᓐᓂᐊᑦ ᐃᓕᖅᑯᓯᒃᑰᖓᔪᑦ, ᐃᓱᒪᓂᖏᑦ ᐃᑉᐱᓐᓂᐊᓂᖏᑦ

ᐊᒃᓱᕈᕐᓇᓂᖅᓴᐅᓪᓗᑎᑦ, ᐋᓐᓂᐊᖃᑦᑕᖅᑐᑎᑦ ᐅᕝᕙᓘᓐᓃᑦ ᑕᐃᒪᐃᑦᑎᐊᕈᓐᓃᖅᑐᑎᑦ ᓲᕐᓗ ᐃᓕᓐᓂᐊᕐᕕᓂ, ᐃᖅᑲᓇᐃᔭᕐᕕᒻᒥ, ᐃᓅᖃᑎᒌᑦᑐᓪᓗ ᐊᒻᒪᓗ ᖃᑕᙳᑎᒌᑦ ᐃᓅᖃᑎᒌᑦᑎᓪᓗᒋᑦ ᐅᕝᕙᓘᓐᓃᑦ ᓇᒻᒥᓂᖅ ᐃᓅᓯᖃᕈᓐᓇᐃᓕᒍᑕᐅᓲᑦ. ᐊᔾᔨᒌᑦᑐᒡᒍᑕᐅᓲᖑᓪᓗᑎᑦ ᐊᑐᖅᑕᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᓖᑦ

ᐋᓐᓂᐊᕈᑎᓖᓪᓗ ᓲᕐᓗ ᓯᕘᕋᓗᐊᖃᑦᑕᖅᑐᑦ ᓄᒫᓱᓗᐊᖅᑐᑦ ᐊᑐᖅᑕᐅᒍᓐᓇᕆᓪᓗᑎᑦᑕᐅᖅ ᑕᐃᒃᑯᐊ ᐊᒥᓱᓄᑦ ᐊᑐᖅᑕᐅᓗᐊᖅᐸᙱᑦᑐᑦ ᓲᕐᓗ ᐃᓱᒪᕐᓗᒃᑐᑦ ᐊᒻᒪᓗ ᖁᕕᐊᓱᐊᓗᖃᑦᑕᓚᐅᕋᓗᐊᖅᑐᑎᑦ ᓂᙵᐅᒪᔪᐊᓘᓴᕋᐃᓕᓲᑦ.

ᐊᑕᐅᓯᑐᐊᑯᓗᒻᒥᒃ ᐱᔾᔪᑎᑕᖃᙱᓚᖅ ᖃᓄᐃᑦᑐᑐᐃᓐᓇᕐᓂᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᓕᐅᔪᑦ ᐋᓐᓂᐊᖅᑐᓪᓗ, ᐊᒻᒪᓗ ᑭᒃᑯᑐᐃᓐᓇᐃᑦ ᐊᑦᑐᖅᑕᐅᒍᓐᓇᖅᐳᑦ ᑕᐃᒪᐃᑦᑑᒍᓐᓇᖅᑐᑎᑦ, ᓇᒥᒥᐅᑕᐅᒐᓗᐊᕈᑎᓪᓘᓐᓃᑦ,

ᐅᑭᐅᖏᑦ ᖃᑦᑎᐅᒐᓗᐊᕈᑎᓪᓘᓐᓃᑦ ᐃᓐᓇᐅᓗᑎᑦ ᒪᒃᑯᒃᑲᓗᐊᕈᑎᑦ ᐅᕝᕙᓘᓐᓃᑦ ᐊᔪᖅᓴᖏᓐᓂᖏᑦ ᖃᓄᐃᑦᑑᒐᓗᐊᕈᑎᓪᓘᓐᓃᑦ ᑭᒃᑯᓕᒫᕌᓗᐃᑦ ᐊᑦᑐᖅᑕᐅᒍᓐᓇᖅᑐᑦ. ᐃᓱᒪᒃᑯᑦ ᐊᑲᐅᙱᓕᐅᕈᑖᕋᓱᒋᔭᐅᓲᑦ ᐋᓐᓂᐊᓕᓲᖑᓱᒋᔭᐅᔪᓪᓗ ᐊᒥᓱᓄᑦ ᐱᔾᔪᑎᖃᖅᑐᑎᑦ ᓲᕐᓗ ᐃᓅᓯᖏᑦ, ᑮᓇᐅᔭᓕᐅᕐᓂᖏᑦ, ᐃᓱᒪᖏᑦ, ᓯᕗᕚᖏᓐᓃᙶᖅᑐᑎᑦ, ᐊᒻᒪᓗ ᐊᖓᔪᖅᑳᖏᓐᓃᙶᖅᑐᑎᑦ ᐱᔾᔪᑎᒋᔭᐅᕗᑦ ᑕᒪᐃᓐᓄᑦ ᐃᓱᒪᒃᑯᑦ ᖃᓄᐃᑦᑕᐃᓕᒪᓂᑦᑎᓐᓄᑦ ᐋᓐᓂᐊᖅᑕᐃᓕᒪᓂᑦᑎᓐᓄᓪᓗ.

ᐃᓱᒪᒋᔭᐅᔪᖅ ᒪᒥᑦᑐᑦ ᑐᑭᓕᒃ ᐃᓄᓯᖃᓕᖅᑐᑦ ᓈᒻᒪᑦᑐᒥᒃ, ᓂᕆᐅᓐᓂᖃᕐᓂᕐᒥᒃ, ᐊᒻᒪᓗ ᐃᑲᔪᕐᓗᑎᑦ ᐃᓅᓯᕐᓄᑦ, ᑭᓪᓕᖃᖅᑎᑕᐅᖏᓐᓇᕋᓗᐊᖅᑎᓪᓗᒋᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᖃᖅᑐᑦ ᐋᓐᓂᐊᖅᑐᓪᓗ.

ᑕᕝᕙᓂ ᖃᓄᖅᑑᕈᑎᒥ, ᑲᒪᒋᔭᐅᒋᐊᙵᕐᓂᖓ ᒪᒥᑦᑐᑦ ᓯᕕᑐᓂᖅᓴᐅᓕᖅᑎᑕᐅᓯᒪᕗᖅ ᐱᖃᓯᐅᔾᔭᐅᓪᓗᓂ ᖃᓄᐃᑦᑕᐃᓕᓂᖅ, ᓱᖏᐅᑎᑎᑦᑎᕙᓪᓕᐊᓪᓗᑎᑦ ᐃᓐᓇᕈᖅᐸᓪᓕᐊᓂᖏᑦ ᒪᓕᓪᓗᒋᑦ, ᑐᙵᕕᖏᑦ ᒪᒥᓴᕐᓂᕐᒧᑦ ᑭᒃᑯᓕᒫᓄᑦ ᐊᑐᖅᑕᐅᔪᓐᓇᕐᒪᑕ.

ᐃᒻᒥᓃᖅᑕᐃᓕᒪᓂᖅ ᐃᓱᒪᒃᑯᑦ ᐋᓐᓂᐊᖅᑕᐃᓕᓂᕐᒧᑦ ᖃᓄᖅᑑᕈᑎ ᑲᓇᑕᒧᑦ. ᐃᒻᒥᓂᖅᑐᖃᖅᑎᓪᓗᒍ ᐊᒃᓱᕈᕐᓇᖅᑐᐊᓘᒻᒪᑦ ᐃᓄᓐᓄᑦ, ᖃᑕᙳᑎᒌᓄᑦ, ᐊᒻᒪᓗ ᓄᓇᓕᓐᓄᑦ ᑲᓇᑕᒥ. ᐃᒻᒥᓂᕐᓂᖅ ᐊᒻᒪᓗ ᐃᓱᒪᒃᑯᑦ ᐊᑲᐅᙱᓕᐅᕈᑎᓖᑦ ᐋᓐᓂᐊᖅᑐᓪᓗ ᐊᑕᐅᑦᑎᒃᑯᑦ ᑲᒪᒋᔭᐅᔪᒃᓴᐅᕗᑦ. 4,000 ᑲᓇᑕᒥᐅᖑᔪᑦ ᐃᓅᒍᓐᓃᖅᓯᒪᔪᑦ ᐃᒻᒥᓃᕐᓂᑰᕗᑦ, ᐊᒥᓱᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᖃᕐᓂᑰᓪᓗᑎᑦ ᐋᓐᓂᐊᖅᑐᑎᓪᓘᓐᓃᑦ.⁷ ᐃᒻᒥᓃᕐᓂᖅ ᐊᒻᒪᓗ ᐃᓱᒪᒃᑯᑦ ᐊᑲᐅᙱᓕᐅᕈᑏᑦ ᐋᓐᓂᐊᕐᓂᕐᓗ ᐊᔾᔨᒌᑦᑐᒡᒍᑕᓂᑦ ᐊᑦᑕᓇᖅᑐᒨᖅᑎᑦᑎᒍᓐᓇᕐᒪᑕ ᐊᒻᒪᓗ ᓴᐳᔾᔭᐅᔾᔪᑎᒃᓴᖏᓐᓂᑦ ᐊᔾᔨᒌᑦᑐᒡᒍᑕᐅᔪᓂᑦ ᐋᖅᑮᓯᒪᔪᖃᕈᓐᓇᕆᕗᖅ. ᐃᓱᒪᒃᑯᑦ ᐋᓐᓂᐊᖅᑕᐃᓕᒪᓂᕐᒧᑦ ᖃᓄᖅᑑᕈᑎ ᑲᓇᑕᒧᑦ ᐱᖃᓯᐅᔾᔨᕗᖅ ᐊᒥᓱᓂᑦ ᐊᑐᓕᖁᔭᐅᔪᓂᑦ, ᐊᑐᕆᐊᙵᖅᑎᑕᐅᒍᑦ,

ᐃᒻᒥᓂᖅᑕᐃᓕᒪᑎᑦᑎᒍᑕᐅᒍᓐᓇᒻᒪᕆᓐᓂᐊᖅᑐᖅ ᑲᓇᑕᒥ.

ᖃᓄᖅᑑᕈᑕᐅᓯᒪᓂᖓ ᑐᑭᒧᐊᕈᑎᐅᔪᖅ 1:

ᐃᓱᒪᒃᑯᑦ ᐋᓐᓂᐊᖅᑕᐃᓕᒪᑎᑦᑎᔪᖃᖃᑦᑕᕐᓗᓂ ᐃᓅᓯᖏᓐᓂᑦ

ᐊᖏᕐᕋᒥ, ᐃᓕᓐᓂᐊᕐᕕᓂ, ᐊᒻᒪᓗ ᐃᖅᑲᓇᐃᔭᕐᕕᓂ, ᐊᒻᒪᓗ ᐃᓱᒪᒃᑯᑦ

ᐋᓐᓂᐊᖅᑕᐃᓕᑎᑦᑎᔪᖃᖃᑦᑕᐃᓐᓇᕐᓗᓂ ᐃᒻᒥᓃᖅᑕᐃᓕᒪᑎᑦᑎᔪᖃᐃᓐᓇᕐᓗᓂ ᖃᖓᓕᒫᒃᑯᑦ ᐱᔪᓐᓇᑐᐊᕋᐃᒍᑎᑦ

ᐊᑐᕐᓂᖅᓴᐅᑎᑦᑏᓐᓇᕋᓱᐊᕐᓗᓂ ᐃᓱᒪᒃᑯᑦ ᐋᓐᓂᐊᖅᑕᐃᓕᓂᕐᒥᑦ ᐊᒻᒪᓗ ᐃᓱᒪᒃᑯᑦ

ᐋᓐᓂᐊᖅᑕᐃᓕᒪᑎᑦᑎᒐᓱᐊᖃᑦᑕᖅᑐᖃᕈᓂ, ᐃᓄᐃᑦ ᐃᓱᒪᒃᑯᑦ ᖃᓄᐃᙱᑦᑑᒍᓐᓇᕐᓂᖅᓴᐅᕗᑦ ᐊᒻᒪᓗ ᐱᔪᓐᓇᕐᓂᓕᒫᖏᑦ ᒪᓕᑦᑐᒋᓪᓗ, ᐊᒥᓲᓂᖅᓴᑦ ᐃᓄᐃᑦ ᐃᓱᒪᒃᑯᑦ ᐱᐅᓯᓂᖅᓴᐅᓯᒪᔪᓐᓇᖅᑐᑦ, ᐃᓱᒪᒃᑯᑦ ᐊᑲᐅᙱᓕᐅᕈᓂᑎᑦ ᐋᓐᓂᐊᕈᑎᓂᓪᓘᓐᓃᑦ, ᐃᒻᒥᓃᖅᐸᑦᑐᓪᓘᓐᓃᑦ ᐃᓱᒪᒃᑯᑦ ᐋᓐᓂᐊᕐᓂᖏᓐᓄᑦ ᖃᑦᑏᓐᓇᕈᕆᐊᕐᓂᖅᓴᒻᒪᕆᐅᒐᔭᖅᑐᑦ.

ᐱᐅᔪᒥᑦ ᐃᓱᒪᖃᑦᑎᐊᖅᑐᑦ − ᓈᒻᒪᑦᑐᑦ ᐃᑉᐱᓐᓂᖓᓂᖏᑦ, ᐃᓅᓯᖃᕈᓐᓇᑎᐊᖅᑐᑦ, ᐊᒻᒪᓗ ᓴᙱᔫᒍᓐᓇᖅᑐᑦ ᐃᓅᓯᕐᒥᑦ ᐊᒃᓱᕈᕐᓇᖅᑐᓂᑦ ᑎᑭᑕᐅᒐᓗᐊᖅᑎᓪᓗᒋᑦ − ᐱᐅᓯᕚᓪᓕᖅᑎᑦᑎᒍᑕᐅᓲᖅ ᐃᓅᓯᕐᒥᑦ

ᐊᒻᒪᓗ ᐱᒻᒪᕆᐊᓘᓪᓗᓂ ᑕᒪᓐᓇ ᐃᓱᒪᖃᑦᑎᐊᕐᓂᖅ ᑕᒪᐃᓐᓄᑦ ᐃᓄᑉ ᐋᓐᓂᐊᖅᑕᐃᓕᓂᖏᖓᓄᑦ ᖃᓄᐃᑦᑕᐃᓕᓂᖓᓄᓪᓗ, ᑭᓪᓕᖃᕈᑎᖃᕋᓗᐊᖅᑎᓪᓗᒋᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᖃᕐᓂᖏᑎᒍᑦ ᐋᓐᓂᐊᕈᑎᖃᕐᓂᖏᑎᒍᓪᓘᓐᓃᑦ.⁸ ᐱᐅᓯᕚᓪᓕᕐᓗᒋᑦ ᖃᓄᐃᓐᓂᖏᑦ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᑎᑕᐅᑎᑦ ᑕᒪᐃᓐᓄᑦ ᐃᓄᓐᓄᑦ ᐃᓅᖃᑎᒌᑦᑎᐊᕐᓂᖅᓴᐅᓕᕈᓐᓇᖅᑐᑦ ᑮᓇᐅᔭᓕᐅᕋᓱᐊᕈᓐᓇᓂᖅᓴᐅᓗᑎᓪᓗ ᑕᒪᐃᓐᓂᑦ ᐃᓅᖃᑎᒌᑦ.⁹

ᐱᐅᓯᑎᒋᐊᖅᑐᒋᑦ ᐱᔾᔪᑏᑦ ᖃᐅᔨᒪᔭᐅᔪᑦ ᓴᐳᔾᔭᐅᖁᓪᓗᒋ ᐃᓄᐃᑦ (ᓲᕐᓗ ᐃᓚᒋᔭᐅᔫᔮᕐᓗᑎᑦ, ᐱᖃᓐᓇᕆᔭᖃᕈᓐᓇᑦᑎᐊᕐᓗᑎᑦ, ᐊᒻᒪᓗ ᑎᒥᖏᑦ ᖃᓄᐃᙱᓪᓗᑎᑦ) ᐊᒻᒪᓗ ᑕᒪᒃᑯᐊ ᐱᔾᔪᑎᐅᔪᑦ ᐃᓱᒪᖃᕈᓐᓃᕈᑏᑦ ᖃᑦᑏᓐᓇᕈᕆᐊᕐᔫᒥᔭᐅᓗᑎᑦ (ᓲᕐᓗ ᓱᕈᓯᐅᑎᓪᓗᒋ ᑦ ᐋᓐᓂᖅᑐᒥᓃᑦ,

ᐃᓅᖃᑎᒋᔭᐅᙱᑦᑐᑦ), ᐃᓱᒪᒃᑯᑦ ᐊᑲᐅᙱᓕᐅᕈᑎᑖᖅᑎᑦᑎᑦᑕᐃᓕᒪᓂᖅᓴᐅᒍᓐᓇᖅᑐᒍᑦ ᐊᒻᒪᓗ

ᐋᓐᓂᐊᖅᑖᖅᑕᐃᓕᒪᑎᑦᑎᓂᖅᓴᐅᒍᓐᓇᖅᐳᒍᑦ, ᐋᓐᓂᐊᕐᓂᖏᑕ ᓇᓗᓇᐃᕈᑎᖏᑦ ᐱᑕᖃᙱᓐᓂᖅᓴᐅᓕᖅᑎᓪᓗᒋᑦ ᐊᒻᒪᓗ ᐊᔪᕈᑎᖃᕈᓐᓃᖅᑎᓐᓂᖅᓴᕆᓗᒋᑦ, ᐃᑲᔪᖅᑐᕐᓗᒋᓪᓗ ᐃᓄᐃᑦ ᒪᒥᑉᐸᓪᓕᐊᒐᓱᐊᖅᑎᓪᓗᒋᑦ.¹⁰ ᐋᖅᑭᒃᓯᒪᔪᑦ ᐃᓅᖃᑎᒌᓪᓗ ᐱᓪᓗᒋᑦ ᐱᔾᔪᑎᖏᑦ ᐊᑭᕋᖅᑐᓕᖅᑎᑦᑎᒍᑕᐅᔪᑦ ᐊᒻᒪᓗ ᓴᐳᔾᔭᐅᓯᒪᔫᔮᕐᔫᒥᓕᖅᑎᑕᐅᓂᖏᑦ, ᐃᒡᓗᖃᓕᕐᓗᑎᑦ ᑮᓇᐅᔾᔭᒃᓴᓗᑎᑦ, ᐱᒻᒪᕆᐊᓘᒋᕗᑦ ᑕᒪᒃᑯᐊ ᐱᔾᔪᑏᑦ ᑲᒪᒋᔭᐅᔭᕆᐊᖃᖅᑐᑎᓪᓗ.

ᓇᓗᓇᐃᕈᑏᑦ ᐊᒥᓱᕈᖅᐸᓪᓕᐊᑐᐃᓐᓇᓕᖅᑐᑦ ᖃᓄᐃᑦᑐᑦ ᐱᓕᕆᐊᑦ ᐊᑦᑐᐃᓂᖃᑦᑎᐊᓛᖑᒍᓐᓇᕐᒪᖔᑕ. ᐱᐅᓛᑦ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᑎᑦᑎᒐᓱᐊᕈᑏᑦ, ᐃᓱᒪᒃᑯᑦ ᐋᓐᓂᐊᖅᑕᐃᓕᒪᑎᑦᑎᒍᑏᑦ, ᐊᒻᒪᓗ ᐃᒻᒥᓂᖅᑕᐃᓕᒪᔾᔪᑏᑦ ᓯᕗᒧᐊᑦᑎᐊᖅᑎᑕᐅᓯᒪᕗᑦ ᐱᓕᕆᐊᖃᕐᓂᒃᑯᑦ ᑲᒪᒋᔭᖃᕋᓱᐊᖅᑐᑎᑦ ᐊᔾᔨᒌᑦᑐᒡᒍᑕᓂᑦ ᖃᓄᐃᒍᑎᓕᓐᓂᑦ (ᓲᕐᓗ ᐅᑭᐅᖏᑎᒍᑦ ᑲᒪᒋᔭᐅᓗᑎᑦ ᐅᕝᕙᓘᓐᓃᑦ ᐊᓯᐊᒍᑦ) ᐊᒻᒪᓗ ᓱᑯᑦᑎᐊᓂ ᑲᒪᒋᔭᐅᔪᑦ (ᐃᓕᓐᓂᐊᕐᕕᓂ, ᐃᖅᑲᓇᐃᔭᕐᕕᓂ, ᐊᖏᕐᕋᒥ). ᑲᒪᒋᔭᖃᖅᑐᑦ ᐊᑐᖅᑕᐅᓪᓗᑎᑦ ᖃᐅᔨᒪᔭᐅᔪᑦ ᐋᓐᓂᐊᕈᑎᒋᔭᐅᒍᓐᓇᖅᑐᑦ ᐊᒻᒪᓗ ᓴᐳᔾᔭᐅᔾᔪᑎᒃᓴᕆᔪᓐᓇᖅᑕᖏᑦ, ᐋᖅᑮᓗᑎᑦ ᓱᖅᑯᐃᓇᖅᑐᓂᑦ ᐊᑐᕈᒪᔭᐅᔪᓂᑦ, ᐃᑲᔪᖅᑐᕐᓗᒋᑦ ᓄᓇᓕᐅᔪᑦ ᖃᓄᐃᓕᐅᕈᑎᖃᕋᓱᐊᖁᓪᓗᒋᑦ, ᐊᒻᒪᓗ ᐊᑯᓂᐅᔪᒃᑯᑦ ᑕᒪᒃᑯᐊ ᑲᒪᒋᔭᐅᖃᑦᑕᕐᓗᑎᑦ.^{11, 12}

ᐃᓱᒪᒃᑯᑦ ᖃᓄᐃᑦᑕᐃᓕᒪᑎᑦᑎᓗᓂ ᐊᒻᒪᓗ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᑎᑦᑎᓗᓂᓗ ᖃᐅᑕᒫᑦ ᑲᒪᒋᔭᐅᓗᑎᑦ ᐃᑲᔪᕐᓂᖃᕋᔭᖅᑐᖅ ᐊᖏᓂᖅᓴᓂᑦ ᑎᑭᓐᓇᓱᐊᕈᑎᓕᐅᕈᑕᐅᓗᑎᑦ ᐃᖅᑲᓇᐃᔮᖅᑖᕈᓐᓇᓂᖅᓴᐅᒍᓐᓇᕈᑎᒋᔭᐅᓲᖑᓪᓗᓂᓗ, ᐱᐅᓯᕚᓪᓕᕈᑎᒋᔭᐅᓲᖑᓪᓗᓂ ᑎᒥᒃᑯᑦ ᖃᓄᐃᙱᓐᓂᖏᓐᓂᑦ ᐃᓅᓯᖏᓐᓂᑦ, ᐃᑲᔪᖅᑐᓂᓗ ᐃᓄᓐᓂᑦ ᐃᓕᓐᓂᐊᑦᑎᐊᕐᓂᖅᓴᐅᓕᖅᑐᑦ, ᐊᒻᒪᓗ ᐱᕋᔭᙱᓂᖅᓴᐅᒍᑎᒋᔭᐅᕙᑦᑐᓂᓗ ᑕᒪᒃᑯᐊ ᖃᐅᑕᒫᑦ ᑲᒪᒋᔭᐅᖃᑦᑕᖅᑐᑦ ᖃᓄᐃᑦᑕᐃᓕᒪᑎᑕᐅᓪᓗᑎᑦ.^{13, 14} ᑕᐃᒪᐃᒍᓐᓇᖁᓪᓗᒋᑦ ᐃᓄᐃᑦ, ᐃᖅᑲᓇᐃᔭᖅᑐᖃᖃᑦᑕᕆᐊᓕᒃ ᐃᓗᐊᓂ ᓯᓚᑖᓂᓗ ᐋᓐᓂᐊᖅᑕᐃᓕᒪᔪᓕᕆᓂᕐᒥᒃ ᐊᒻᒪᓗ ᐃᓱᒪᒃᑯᑦ ᑲᒪᒋᔭᐅᕝᕕᐅᔪᓂᑦ.

ᖃᓄᖅᑑᕈᑕᐅᓯᒪᓂᖓ ᑐᑭᒧᐊᕈᑎᐅᔪᖅ 1:

ᓯᕗᓪᓕᐅᔾᔭᐅᖁᔭᐅᔪᑦ

1.1 ᐅᔾᔨᕈᓱᓐᓂᖅᓴᐅᑎᑦᑎᓗᑎᑦ ᖃᓄᖅ ᐃᓱᒪᒃᑯᑦ

ᖃᓄᐃᑦᑕᐃᓕᒍᓐᓇᕐᒪᖔᑕ, ᐃᓱᒪᒃᑯᑦ ᐋᓐᓂᐊᖅᑕᐃᓕᒍᓐᓇᕐᒪᖔᑕ ᐊᒻᒪᓗ ᐃᒻᒥᓃᖅᑕᐃᓕᑎᑦᑎᒐᓱᐊᕈᓐᓇᕐᒪᖔᑕ ᐱᔪᓐᓇᑐᐊᕋᐃᒻᒪᑕ, ᐊᒻᒪᓗ

ᑕᑯᓐᓈᖅᑕᐅᑲᒻᒪᕈᓐᓃᕐᓗᑎᑦ ᐃᓱᒪᒃᑯᑦ ᐋᓐᓂᐊᕈᑎᓖᑦ.

1.2 ᐱᔪᓐᓇᓂᖅᓴᐅᑎᓪᓗᒋᑦ ᖃᑕᙳᑎᒌᑦ, ᐸᖅᑭᔨᐅᔪᑦ, ᐃᓕᓴᕖᑦ, ᓯᓚᑦᑐᓴᕐᕖᑦ ᐊᒻᒪᓗ ᓄᓇᓕᓐᓂ ᑲᑐᔾᔨᖃᑎᒌᖑᔪᑦ ᐃᓱᒪᒃᑯᑦ ᖃᓄᐃᑦᑕᐃᓕᒪᑎᑦᑎᓂᖅᓴᐅᓗᑎᑦ ᐱᐊᕋᕐᓂᑦ, ᓱᕈᓯᕐᓂᑦ,

ᐃᓐᓇᓵᕐᓂᑦ, ᐃᓱᒪᒃᑯᑦ

ᐋᓐᓂᐊᖅᑕᐃᓕᒪᑎᑦᑎᒍᓐᓇᕐᓂᓕᒫᖏᑦ ᐃᒻᒥᓃᖅᑕᐃᓕᑎᑦᑎᒍᓐᓇᕐᓂᓕᒫᖏᑦ ᒪᓕᓪᓗᒋᑦ, ᐊᒻᒪᓗ

ᐊᑲᐅᙱᓕᐅᕈᑎᖃᖅᑐᑦ

ᓇᓗᓇᕈᓐᓃᖅᑎᓪᓗᒋᑦ ᐋᓐᓂᐊᕐᓂᖏᑦ ᑲᒪᒋᔭᐅᑲᐅᑎᒋᖃᑦᑕᕐᓗᑎᑦ.

1.3 ᐃᓱᒪᒃᑯᑦ ᖃᓄᐃᑦᑕᐃᓕᒪᒍᑎᓂᑦ ᐃᖅᑲᓇᐃᔭᕐᕕᓂ ᐊᖅᑮᔪᖃᕐᓗᓂ.

1.4 ᐱᔪᓐᓇᓂᖅᓴᐅᑎᑕᐅᓗᑎᑦ ᐃᓐᓇᐅᓂᖅᓴᐃᑦ, ᖃᑕᙳᑎᒌᑦ,

ᐸᖅᑭᕖᑦ, ᐊᒻᒪᓗ ᓄᓇᓕᐅᔪᖅ ᐃᓱᒪᒃᑯᑦ ᖃᓄᐃᑦᑕᐃᓕᒪᒍᑎᒃᓴᓕᐅᕐᓗᑎᑦ

ᐃᓐᓇᐅᓂᖅᓴᓄᑦ, ᐃᓱᒪᒃᑯᑦ

ᐋᓐᓂᐊᖅᑕᐃᓕᒍᓐᓇᕐᒪᖔᑕ ᐊᒻᒪᓗ ᐃᒻᒥᓃᖅᑕᐃᓕᑎᑦᑎᒐᓱᐊᕈᓐᓇᕐᒪᖔᑕ ᐱᔪᓐᓇᑐᐊᕋᐃᒻᒪᑕ, ᐊᒻᒪᓗ

ᑕᑯᓐᓈᖅᑕᐅᑲᒻᒪᕈᓐᓃᕐᓗᑎᑦ ᐃᓱᒪᒃᑯᑦ

ᐋᓐᓂᐊᕈᑎᓖᑦ.

ᖃᓄᖅᑑᕈᑕᐅᓯᒪᓂᖓ ᑐᑭᒧᐊᕈᑎᐅᔪᖅ 2:

ᒪᒥᓴᖅᑎᑕᐅᓗᑎᑦ ᐊᒻᒪᓗ ᖃᓄᐃᑦᑕᐃᓕᒪᑎᑕᐅᓗᑎᑦ ᐃᓄᐃᑦ

ᐅᑭᐅᖃᕋᓗᐊᕈᑎᑦ ᖃᑦᑎᓂᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᓖᑦ ᐋᓐᓂᐊᕈᑎᓖᓪᓗ, ᐊᒻᒪᓗ ᐱᔪᓐᓇᐅᑎᖏᑦ ᐃᓕᓴᕆᔭᐅᓯᒪᔪᑦ ᑲᒪᒋᔭᐅᑦᑎᐊᕐᓗᑎᑦ

ᐃᓱᒪᒋᔭᐅᓂᖓ ‘ᒪᒥᑦᑐᖅ” ᑐᕌᖓᔪᖅ ᐊᐅᓚᓂᖅ ᐅᕝᕙᓘᓐᓃᑦ ᐊᑐᖅᑕᐅᕙᓪᓕᐊᔪᖅ ᒪᒥᑉᐸᓪᓕᐊᓗᓂ, ᐱᔪᓐᓇᕐᓂᓕᒫᕆᔭᐅᔪᑦ ᐊᑐᕐᓗᒋᑦ, ᐃᓄᐃᑦ ᐱᔪᓐᓇᖅᑑᔮᕈᓐᓇᖅᓯᑎᓪᓗᒋᑦ ᑐᑭᓯᐅᒪᑎᑕᐅᓗᑎᑦ ᐃᓱᒪᓕᐅᕈᑎᖃᕈᓐᓇᑦᑎᐊᕋᔭᕐᒪᑕ ᐃᑲᔪᖅᑐᐃᔾᔪᑎᒃᓴᖏᓐᓂᑦ, ᐱᔨᑦᑎᖅᑕᐅᔾᔪᑎᒃᓴᖏᓐᓂᑦ ᐊᒻᒪᓗ ᑲᒪᒋᔭᐅᔪᒃᓴᖏᓐᓂᑦ ᐃᓅᓯᖃᖁᓪᓗᒋᑦ ᓈᒻᒪᑦᑐᒥᒃ, ᓂᕆᐅᓐᓂᖃᖅᑐᒥᑦ, ᐊᒻᒪᓗ ᐃᑲᔪᕈᓐᓇᕐᓗᑎᑦ,

ᑭᓪᓕᖃᐃᓐᓇᕋᓗᐊᖅᑎᓪᓗᒋᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᖏᓐᓄᑦ ᐋᓐᓂᐊᕐᓂᖏᓐᓄᓪᓗ.¹⁵ ᒪᒥᑦᑎᑦᑎᒐᓱᐊᕐᓗᑎᑦ ᐃᓱᒪᒃᑯᑦ ᐋᓐᓂᐊᔪᓕᕆᔩᑦ ᐋᖅᑭᓱᖅᑕᐅᔪᒃᓴᐅᕗᖅ ᐃᑲᔪᖅᑐᖅᑕᐅᖁᓪᓗᒋ ᐊᒻᒪᓗ ᒪᑭᒪᖁᓪᓗᒋᑦ ᐃᓄᐃᑦ ᒪᒥᒐᓱᐊᖅᑎᓪᓗᒋᑦ.

ᐊᒥᓲᔪᑦ ᐱᓕᕆᐊᓖᑦ ᒪᒥᑎᑦᑎᓇᓱᐊᖃᑦᑕᓲᖑᕗᑦ ᐊᒻᒪᓗ ᖃᓄᐃᑦᑕᐃᓕᒪᑎᑦᑎᒐᓱᐊᓲᖑᓪᓗᑎᑦ ᑲᓇᑕᒥ, ᑭᓯᐊᓂᓕ ᐊᒥᓲᕗᑦ ᐊᒃᓱᕈᑏᑦ ᐊᒻᒪᓗ ᑐᑭᓯᔭᐅᑲᒻᒪᒃᓯᒪᔪᑦ ᓇᓗᓇᐃᔭᕋᓱᐊᖅᑐᒍ ᒪᒥᓐᓂᖅ ᐊᒻᒪᓗ ᐊᑐᖅᑕᐅᑎᓐᓇᓱᐊᖅᑐᒍ ᒪᒥᓐᓂᖅ.^{16, 17} ᐆᑦᑑᑎᒋᓗᒍ, ᒪᒥᑦᑐᑦ ᑐᑭᖃᙱᓚᖅ ‘ᐋᖅᑭᒃᑕᐅᒻᒪᑕ,’ ᑐᑭᖃᙱᓚᕐᓗ ᐋᓐᓂᐊᕐᕕᓕᕆᔨᒃᑯᓐᓄᑦ ᑲᒪᒋᔭᐅᒻᒪᑦ ᐊᒻᒪᓗ ᐄᒐᖅᑎᑕᐅᑐᐃᓐᓇᕆᐊᖃᙱᓚᑦ ᐃᓄᓕᕆᔨᒃᑯᑦ ᐱᖃᑎᒋᔭᐅᔪᓪᓗ ᐃᑲᔪᖅᑐᐃᓂᖏᑦ ᐲᖅᑕᐅᔪᒃᓴᐅᙱᓚᓪᓗ. ᑭᓯᐊᓂᓕ, ᒪᒥᒐᓱᐊᓲᖑᕗᑦ ᐃᓄᐃᑦ ᐱᔪᓐᓇᓕᖁᓪᓗᒋᑦ ᓂᕈᐊᕐᓗᑎᑦ, ᐊᒻᒪᓗ ᖃᐅᔨᒪᑦᑎᐊᕐᓗᑕ ᓇᓖᕌᕋᒃᓴᖏᑦ ᐊᑐᐃᓐᓇᐅᒐᓗᐊᕐᒪᖔᑕ ᐃᓄᐃᑦ ᑭᙴᒪᔭᖏᑦ ᐊᒥᓱᑦ ᒪᓕᓪᓗᒋᑦ.

ᒪᒥᒐᓱᐊᖅᑎᓪᓗᒋᑦ ᑐᙵᕕᖃᖅᑎᑕᐅᒍᑎᑦ ᓂᕆᐅᓐᓂᖃᕐᓂᕐᒥᑦ, ᑐᑭᓯᐅᒪᓂᖅᓴᐅᑎᑕᐅᓗᑎᑦ ᓂᕈᐊᕈᓐᓇᑦᑎᐊᖅᑐᑦ, ᐃᖅᑲᒋᔭᐅᓗᑎᑦ ᑲᒪᒋᔭᐅᑦᑎᐊᕐᓗᑎᓪᓗ ᐃᑲᔪᕐᓂᖃᕐᓂᐊᖅᑐᖅ ᓱᕈᓰᑦ ᐃᓐᓇᑐᖃᐃᓪᓗ ᖃᓄᐃᑦᑕᐃᓕᓂᖅᓴᐅᓗᑎᑦ ᑕᐃᒫᒃᓴᐃᓐᓇᖅᑎᑐᑦ ᐃᓐᓇᐃᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᓕᓐᓂᑦ ᐋᓐᓂᐊᕈᑎᓕᓐᓂᓪᓗ. ᒪᒥᑉᐸᓪᓕᐊᓗᑎᑦ ᑐᕌᒐᖃᕐᓗᑎᑦ ᐊᐅᓚᓂᖃᖅᑐᑦ ᐱᓕᕆᖃᑎᒌᓐᓂᒃᑰᔭᕆᐊᖃᙳᓱᑦᑐᖅ − ᐱᔨᑦᑎᕋᖅᑎᐅᔪᑦ, ᖃᑕᙳᑎᒌᑦ, ᐱᖃᑎᒋᔭᐅᔪᑦ − ᐃᑲᔪᖅᑕᐅᓗᑎᑦ ᐃᓄᐃᑦ ᒪᒥᑉᐸᓪᓕᐊᓗᑎᑦ ᖃᓄᐃᑦᑕᐃᓕᒪᕙᓪᓕᐊᓗᑎᓪᓗ.

ᐱᔪ ᓇᐅᑎᖏᑦ ᐃᑉᐱᒋᔭᐅᑦᑎᐊᖏᓐᓇᕈᑎᑦ ᐃᓄᐃᑦ ᐃᓅᓯᓖᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᖃᖅᑐᑦ ᐊᓐᓂᐊᕈᑎᓖᓪᓗ ᐱᒻᒪᕆᐅᕗᖅ ᒪᒥᓴᖅᑎᓪᓗᒋ ᖃᓄᐃᒍᓐᓃᖅᑕᐃᓕᒪᓇᓱᐊᖅᑎᓪᓗᒋᓪᓗ. ᐊᕝᕕᐊᕈᑕᐅᔪᑦ − ᐃᓱᒪᒋᔭᐅᓂᖏᑦ, ᐃᓕᖅᑯᓯᖃᕐᕕᐅᓂᖏᑦ ᐋᖅᑭᒃᓯᒪᔭᐅᔪᓪᓘᓐᓃᑦ ᐊᐅᓚᒍᑏᑦ ᑲᒪᒋᔭᐅᓂᖏᑕ ᐃᓱᒪᒃᑯᑦ ᐋᓐᓂᐊᕈᑎᓕᓐᓄᑦ − ᐊᔾᔨᐅᙱᑦᑐᒃᑯᑦ ᑲᒪᒋᔭᐅᒍᑎᒋᔭᐅᓲᑦ ᐲᖅᔭᖅᑕᐅᔭᕆᐊᖃᓪᓚᕆᑦᑐᑦ ᐃᓄᓐᓄᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᓕᓐᓄᑦ ᐋᓐᓂᐊᖅᑐᓄᓪᓗ.

ᐊᒥᓲᓗᐊᖅᑐᑦ ᐃᓄᐃᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᓖᑦ ᐋᓐᓂᐊᖅᑐᓪᓗ ᐃᖅᑲᖅᑐᐃᕕᒃᑰᖅᐸᑦᑐᑦ

ᑐᑭᖃᖅᑐᖅ ᐱᒻᒪᕆᐅᓂᖓᑕ ᐱᔪᓐᓇᐅᑎᖏᑦ ᐃᑉᐱᒋᔭᐅᑦᑎᐊᕆᐊᓖᑦ ᑕᐃᒫᒃᓴᐃᓐᓇᑐᑦ ᐱᔨᑦᑎᖅᑕᐅᓲᖑᔪᑦ ᐃᑲᔪᖅᑐᖅᑕᐅᓲᖑᔪᓪᓗ ᑕᒪᐃᓐᓂᑦ ᑲᓇᑕᒥᐅᑦ. ᓈᒻᒪᑦᑐᓂᑦ ᐱᔨᑦᑎᖅᑕᐅᓗᑎᑦ, ᑲᒪᒋᔭᐅᓗᑎᑦ ᓈᒻᒪᑦᑐᒥᒃ, ᐃᑲᔪᖅᑐᖅᑕᐅᓗᑎᓪᓗ ᑕᐃᒃᑯᐊ ᑎᒍᔭᐅᒪᕕᒻᒦᑦᑐᑦ. ᐱᓇᓱᐊᖅᑕᐅᔪᑦ ᖃᑦᑏᓐᓇᕈᕆᐊᕐᔫᒥᑎᑦᑎᓇᓱᐊᖅᑐᑎᑦ ᐃᓄᐃᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᓖᑦ ᐋᓐᓂᐊᖅᑐᓪᓗ ᓴᙱᔪᒃᑯᑦ ᑲᒪᒋᔭᐅᓂᖅᓴᐅᒐᓱᐊᕆᐊᓖᑦ, ᐊᒻᒪᓗ ᐊᒥᒐᖅᓯᓂᖏᑦ ᐃᓱᒪᒃᑯᑦ ᐋᓐᓂᐊᖅᑐᑦ ᐱᔨᑦᑎᖅᑕᐅᓂᖏᑕ, ᑲᒪᒋᔭᐅᓂᖏᑕ ᐊᒻᒪᓗ ᐃᑲᔪᖅᑐᖅᑕᐅᓂᖏᑕ ᑲᒪᒋᐅᑦᑎᐊᕐᓂᖅᓴᐅᔭᕆᐊᖃᖅᑐᑎᑦ.

ᖃᓄᖅᑑᕈᑕᐅᓯᒪᓂᖓ ᑐᑭᒧᐊᕈᑎᐅᔪᖅ 2:

ᓯᕗᓪᓕᐅᔾᔭᐅᖁᔭᐅᔪᑦ

2.1 ᐊᓯᐊᓄᑦ ᑐᕌᖅᑎᓪᓗᒋᑦ ᐊᑐᐊᒐᑦ ᐃᓕᖅᑯᓯᐅᔪᓪᓗ ᒪᒥᖓᓵᖃᑦᑕᓕᕐᓗᑎᑦ ᖃᓄᐃᑦᑕᐃᓕᒪᑎᑕᐅᓗᑎᓪᓗ ᐃᓄᐃᑦ ᐅᑭᐅᖏᑦ ᖃᓄᐃᑦᑑᒐᓗᕈᑎᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᓖᑦ ᐋᓐᓂᐊᖅᑐᓪᓗ, ᐊᒻᒪᓗ ᖃᑕᙳᑎᖏᑦ.

2.2 ᐃᓚᐅᖃᐅᑎᓪᓚᑦᑖᕐᓗᒋᑦ ᐃᓄᐃᑦ ᓱᒪᒃᑯᑦ ᐊᑲᐅᙱᓕᐅᕈᑎᓖᑦ ᐋᓐᓂᐊᕈᑎᓖᓪᓗ ᖃᑕᙳᑎᖏᑦ

ᐱᖃᓯᐅᑎᓗᒋᑦ ᐃᓱᒪᓕᐅᕈᑎᒋᔭᐅᑎᓪᓗᒋᑦ ᖃᓄᐃᑦᑐᓂᑦ ᐱᔨᑦᑎᖅᑕᐅᔪᒃᓴᐅᒻᒪᖔᑕ ᐊᑲᐅᙱᓕᐅᕈᑎᖓᑦ ᑲᒪᒋᔭᐅᖁᓪᓗᒍ.

2.3 ᐱᔪᓐᓇᐅᑎᖏᑦ ᐃᑉᐱᒋᔭᐅᑦᑎᐊᕐᓗᑎᑦ ᐃᓄᐃᑦ ᐃᓅᓯᓖᑦ ᐃᓱᒪᒃᑯᑦ

ᐊᑲᐅᙱᓕᐅᕈᑎᖃᖅᑐᑎᑦ ᐋᓐᓂᐊᖅᑐᑎᓪᓗ.

2.4 ᖃᑦᑏᓐᓇᕈᕆᐊᖅᑎᑕᐅᓗᑎᑦ ᐊᒥᓲᓗᐊᖅᑐᑦ ᐃᓄᐃᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᓖᑦ ᐋᓐᓂᐊᖅᑐᓪᓗ ᐃᖅᑲᖅᑐᐃᕕᒃᑰᖅᐸᑦᑐᑦ ᐊᒻᒪᓗ ᓈᒻᒪᑦᑐᓂᑦ ᐱᔨᑦᑎᖅᑕᐅᓗᑎᑦ, ᑲᒪᒋᔭᐅᓗᑎᑦ ᓈᒻᒪᑦᑐᒥᒃ,

ᐃᑲᔪᖅᑐᖅᑕᐅᓗᑎᓪᓗ ᑕᐃᒃᑯᐊ

ᑎᒍᔭᐅᒪᕕᒻᒦᑦᑐᑦ.

ᖃᓄᖅᑑᕈᑕᐅᓯᒪᓂᖓ ᑐᑭᒧᐊᕈᑎᐅᔪᖅ 3:

ᐊᑐᕋᒃᓴᓂᑦ ᐊᑐᐃᓐᓇᐅᒪᑎᑦᑎᓗᑕ ᓈᒻᒪᑦᑐᓂᑦ ᐅᑯᓂᖓ ᐱᔨᑦᑎᕋᕈᑎᓂᑦ, ᑲᒪᒋᔭᐅᔾᔪᑎᒃᓴᖏᓐᓂᑦ, ᐃᑲᔪᖅᑐᐃᔾᔪᑎᒃᓴᖏᓐᓂᓪᓗ, ᐃᓄᐃᑦ

ᐊᑐᕆᐊᖃᓕᕋᐃᒍᓂᒋᑦ ᐊᑐᕈᓐᓇᖃᑦᑕᕐᓂᐊᕐᒪᒋᑦ.

ᐱᕙᓪᓕᐊᓂᑰᓯᒪᕗᒍᑦ, ᐱᕙᓪᓕᐊᑐᐃᓐᓇᖅᑐᑕᓗ, ᐃᓱᒪᒃᑯᑦ ᐊᑲᐅᙱᓕᐅᕈᑎᓕᓐᓂᑦ ᐋᓐᓂᐊᕈᑎᓕᓐᓂᓪᓗ ᑲᓇᑕᒥ.

ᑭᓯᐊᓂᓕ ᐊᒡᒍᑐᖅᓯᒪᓗᐊᖅᑐᑦ ᐊᒻᒪᓗ ᑮᓇᐅᔭᖃᖅᑎᑕᐅᙱᓗᐊᖅᑐᑦ ᐃᓱᒪᒃᑯᑦ ᐋᓐᓂᐊᖅᑕᐃᓕᔪᓕᕆᓂᖅ ᑲᓇᑕᒥ ᑭᙴᒪᒋᔭᐅᔪᓂᑦ ᑲᒪᒋᔭᖃᑦᑎᐊᕈᓐᓇᙱᓗᐊᖅᐳᖅ. ᐃᓄᐃᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᓖᑦ ᐋᓐᓂᐊᕈᑎᓖᓪᓗ − ᐅᑭᐅᖏᑦ ᖃᑦᑎᐅᒐᓗᐊᕈᑎᑦ ᐊᒻᒪᓗ ᖃᓄᑎᒋ ᐃᓄᐃᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᓖᑦ ᐋᓐᓂᐊᕈᑎᓖᓪᓗ − ᖃᑕᙳᑎᖏᓪᓗ ᑭᖑᕙᓗᐊᙱᑦᑐᒃᑯᑦ ᐊᒥᓱᓂᑦ ᐊᔾᔨᒌᙱᑦᑐᓂᑦ ᓇᓖᕌᕋᒃᓴᖃᕆᐊᓖᑦ ᐃᓱᒪᒃᑯᑦ ᐋᓐᓂᐊᔪᑦ ᐱᔨᑦᑎᖅᑕᐅᓂᖏᓐᓄᑦ, ᑲᒪᒋᔭᐅᓂᖏᓐᓄ ᐃᑲᔪᖅᑐᐃᔾᔪᑎᒃᓴᖏᓐᓄᓪᓗ, ᑕᐃᒫᒃᓴᐃᓐᓇᖅᑐᑦ ᐆᒻᒪᑎᕐᓗᒃᑐᖅᑐᑎᑐᑦ ᑳᓐᓱᓕᓐᓄᓪᓗ.

ᐃᓱᒪᒃᑯᑦ ᐋᓐᓂᐊᖅᑐᓄᑦ ᑐᕌᖓᔪᑦ ᐱᔨᑦᑎᕋᕈᑏᑦ, ᑲᒪᒋᔭᐅᔾᔪᑏᑦ ᐊᒻᒪᓗ ᐃᑲᔪᖅᑐᐃᔾᔪᑏᑦ ᐊᒥᓱᓂᑦ

ᐃᓂᖃᐅᖅᑐᑦ ᐊᔾᔨᒌᙱᑦᑐᒡᒍᑕᐅᓪᓗᑎᑦ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᔪᓕᕆᔨᒻᒪᕆᒃᑯᑦ, ᐋᓐᓂᐊᖅᑐᓕᕆᓂᕐᒧᑦ ᐃᖅᑲᓇᐃᔭᖅᑐᑦ, ᐊᓯᖏᓐᓄᓪᓗ ᐱᔨᑦᑎᕋᖅᑎᐅᔪᑦ ᐊᑭᓕᖅᓱᖅᑕᐅᙱᒃᑲᓗᐊᖅᑐᑎᓪᓗ ᐃᖅᑲᓇᐃᔭᖅᑐᑦ.

ᑕᐃᒃᑯᐊ ᐃᑲᔪᖅᑕᐅᔭᕆᐊᓖᑦ, ᐅᓪᓗᒥᐅᔪᖅ ᐊᐅᓚᓂᕆᔭᕗᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᓕᓐᓄᑦ ᖃᑯᑎᒃᑯᑦ ᓇᓗᓇᓗᐊᕌᓗᓲᖑᕗᖅ, ᑕᐃᒃᑯᓄᖓᓗ ᓇᓗᓇᓗᐊᕌᓗᓲᖑᕙᒃᑭᓪᓗᓂ ᐊᒥᓱᓄᑦ ᑕᐅᓴᓃᑦᑑᒐᓗᐊᓄᑦ ᐃᓄᓐᓄᑦ ᐱᔨᑦᑎᕋᖅᑎᓄᑦ, ᑲᒪᒋᔭᖃᓲᑦ ᐃᑲᔪᖅᑐᐃᓲᓪᓗ ᐃᓄᓐᓂᑦ ᐃᑲᔪᖅᑕᐃᔭᕆᐊᓕᓐᓂᑦ. ‘ᐊᔾᔨᒌᑦᑐᒥᑦ ᑭᒃᑯᓕᒫᓄᑦ ᐊᑐᖅᑕᐅᒍᓐᓇᖅᑐᒧᑦ’ ᐋᖅᑮᒍᑎᒃᓴᖅᑕᖃᓚᐅᖅᓯᒪᔮᙱᒃᑲᓗᐊᖅᑎᓪᓗᒍ, ᑎᑭᓐᓇᓱᐊᕆᐊᓕᕗᓪᓕ ᑕᐃᒪ

ᐊᐅᓚᓂᖃᖅᑎᑦᑎᓗᑕ ᑕᒪᐃᓐᓂᑦ ᐅᐸᑦᑕᐅᒍᓐᓇᖅᑐᖅ ᑕᐃᓐᓇᑦᑎᐊᖑᓗᓂ ᐃᓄᐃᑦ ᑭᓱᒪᒃᑯᑦ ᐋᓐᓂᐊᕐᓂᖏᓐᓄᑦ ᑲᒪᒋᔭᐅᕝᕕᐅᔪᓐᓇᖅᑐᓂᑦ ᐊᒃᓱᕈᕐᓇᙱᓪᓗᓂ, ᓈᒻᒪᑦᑑᓛᖑᓗᓂ ᐊᒻᒪᓗ ᐊᑭᑐᓗᐊᙱᓪᓗᓂ.

“ᓇᓕᒧᒌᑦᑐᒥᒃ” ᐱᒋᐊᕈᑎᖃᕆᐊᕆᐊᖃᖅᑐᒍᑦ ᐃᓄᐃᑦ ᐱᔨᑦᑎᕋᖅᑕᐅᑲᐅᑎᒋᔪᓐᓇᖁᓪᓗᒋᑦ, ᑲᒪᒋᔭᐅᑲᐅᑎᒋᔪᓐᓇᖁᓪᓗᒋᑦ ᐊᒻᒪᓗ ᐃᑲᔪᖅᑐᖅᑕᐅᑲᐅᑎᒋᔪᓐᓇᖁᓪᓗᒋᑦ ᐊᑐᕆᐊᖃᓕᕋᐃᒍᓂᒋᑦ ᐊᑐᕈᓐᓇᖃᑦᑕᕐᓂᐊᕐᒪᑕ, ᐊᒻᒪᓗ ᓯᕗᒧᐊᒃᓴᕋᐃᓐᓂᖅᓴᐅᖃᑦᑕᕐᓂᐊᕐᒪᑕ ᐊᔾᔨᒌᙱᑦᑐᒃᑯᑦ ᑲᒪᒋᔭᐅᓗᑎᑦ ᐊᓯᔾᔨᖅᐸᓪᓕᐊᓂᖏᑦ ᐃᑲᔪᖅᑕᐅᔭᕆᐊᖃᕐᓂᖏᑕ ᒪᓕᓪᓗᒋᑦ. ᐊᑐᓂᑦ ᐃᓄᐃᑦ ᒪᒥᓴᖅᐸᓪᓕᐊᓂᖏᑦ ᐊᔾᔨᒌᙱᑐᒡᒍᑕᐅᕗᑦ ᐊᒻᒪᓗ ᖃᓄᐃᑦᑕᐃᓕᓂᖏᑦ ᐊᔾᔨᐅᙱᑦᑐᑦ, ᐊᒻᒪᓗ ᐱᔪᓐᓇᐅᑎᖏᑦ ᐊᒥᓱᓂᑦ

ᐱᔨᑦᑎᕋᕈᓐᓇᖅᑕᐅᔭᕆᐊᖃᕐᓂᖏᑦ, ᑲᒪᒋᔭᐅᓗᑎᑦ ᐃᑲᔪᖅᑐᖅᑕᐅᓗᑎᑦ ᑐᙵᕕᖃᕐᓂᐊᖅᑐᑦ ᐃᓄᐃᑦ ᐊᑐᕈᒪᔭᖏᑦ ᒪᓕᓪᓗᒋ ᐊᒻᒪᓗ ᖃᓄᑦᑑᓂᖏᑦ ᐃᓱᒪᖏᑕ ᒪᓕᓪᓗᒋᑦ. ᐊᑐᓂᑦ ᓄᓇᓕᐅᔪᖅ ᐊᑐᕋᒃᓴᖏᓐᓂᑦ ᐊᑐᕈᓐᓇᕐᒪᑕ ᐊᒻᒪᓗ ᐊᔾᔨᒌᙱᑐᒡᒍᑕᓂᑦ ᐊᒃᓱᕈᕈᑎᖃᐅᖅᑐᑎᑦ.

ᐊᔾᔨᒌᙱᑐᒡᒍᑕᐅᔪᑦ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᔪᓕᕆᓂᕐᒥᒃ ᐱᕙᓪᓕᐊᒍᑎᖃᖅᐸᓪᓕᐊᒋᐊᓖᑦ ᑲᓱᖅᑎᑕᐅᓯᒪᓗᑎᑦ ᑕᒪᐃᓐᓂᓕᒫᖅ ᓄᓇᓕᓐᓂᒥᐅᑦ ᐊᒻᒪᓗ ᐊᓯᖏᑦ ᐱᔨᑦᑎᕋᖅᑎᐅᔪᑦ. ᖃᑕᙳᑎᒌᓄᑦ ᓘᒃᑖᑦ, ᐃᓕᓴᐃᔩᑦ,

ᐳᑭᖅᑕᓕᒃᑯᑦ ᐃᖅᑲᓴᐃᔭᖅᑎᖏᑦ, ᐊᒻᒪᓗ ᐊᑯᓂᐅᔪᖅᖅ ᐸᖅᑭᔩᑦ ᑕᐃᒃᑯᐊ ᐃᖅᑲᓇᐃᔭᖃᑎᒌᒋᐊᓖᑦᑦ ᐊᒻᒪᓗ ᐱᓕᕆᖃᑎᒋᔭᐅᒻᒥᓗᑎᑦ ᐃᓱᒪᒃᑯᑦ ᐱᔨᑦᑎᕋᖅᑎᐅᔪᑦ ᑲᒪᒋᔭᐅᖁᓪᓗᒋᑦ ᐃᓄᐃᑦ ᐃᓱᒪᒃᑯᑦ

ᐱᔨᑦᑎᖅᑕᐅᔭᕆᐊᖃᕐᓂᖏᑦ. ᐋᖅᑭᓱᑦᑎᐊᖅᓯᒪᔫᒥᔪᒥᑦ ᐊᒻᒪᓗ ᑕᒪᐃᓐᓂᑦ ᐃᓚᓕᐅᔾᔨᓯᒪᓗᑎᑦ ᐃᖅᑲᓇᐃᔮᖃᖅᑐᑦ ᐊᑐᐃᓐᓇᐅᒪᑎᑦᑎᒍᑎᓂᑦ ᓴᖅᑮᓯᒪᓂᐊᖅᑐᑦ ᐊᒥᓱᓂᑦ ᐃᑲᔪᖅᑕᐅᖁᓪᓗᒍ ᐃᓄᒃ ᒪᒥᓐᓇᓱᐊᕐᓂᖓᓂᑦ:

ᐄᔭᒐᕆᐊᖃᓕᕋᐅᒍᓂ ᐄᓯᖃᑦᑕᖅᑐᑦ ᐊᒻᒪᓗ ᓈᒻᒪᑦᑐᒥᑦ ᐊᑭᑐᓗᐊᙱᑦᑐᒥᑦ ᐊᖏᕐᕋᖃᕐᓗᑎᑦ; ᐃᓅᓯᓕᕆᔭᐅᓗᑎᑦ ᐊᒻᒪᓗᑦᑕᐅᖅ ᐱᖃᑎᖏᓐᓄᑦ ᐃᑲᔪᖅᑐᖅᑕᐅᒍᓐᓇᕐᓗᓂ; ᐊᒻᒪᓗ ᐃᑲᔪᖅᑕᐅᓗᑎᑦ ᐋᖅᑮᑎᓪᓗᒋ ᑦ ᐱᔭᕇᕐᓗᑎᓪᓗ ᐃᓕᓐᓂᐊᕈᒪᔭᖏᑦ ᐃᖅᑲᓇᐃᔮᕆᒍᒪᔭᖏᑕᓗ ᑎᑎᕋᖅᓯᒪᓂᖏᑦ ᐋᖅᑭᓱᖅᑕᐅᓲᑦ.

ᖃᓄᖅᑑᕈᑕᐅᓯᒪᓂᖓ ᑐᑭᒧᐊᕈᑎᐅᔪᖅ 3:

ᓯᕗᓪᓕᐅᔾᔭᐅᖁᔭᐅᔪᑦ

3.1 ᑲᒪᒋᔭᐅᓂᖅᓴᐅᓗᑎᑦ

ᐋᓐᓂᐊᖅᑕᐃᓕᔭᐅᓂᖏᑦ ᐃᓱᒪᒃᑯᑦ ᖃᓄᐃᑦᑕᐃᓕᒪᒍᑎᒃᓴᕆᔭᐅᔪᑦ ᐊᑐᖅᑕᐅᔭᕆᐊᓖᑦ

ᐱᔨᑦᑎᖅᑕᐅᒍᓐᓇᕐᓂᐊᕐᒪᑕ.

3.2 ᐊᑐᐃᓐᓇᐅᒪᓂᖅᓴᐅᓗᑎᑦ ᐊᒻᒪᓗ ᑲᒪᒋᔭᐅᓂᖅᓴᐅᓗᑎᑦ ᐃᓱᒪᒃᑯᑦ ᐋᓐᓂᐊᖅᑕᐃᓕᓂᕐᒧᑦ ᐱᔨᑦᑎᕋᕈᑏᑦ ᓄᓇᓕᓐᓂ ᐃᓄᓐᓄᑦ ᑕᒪᐃᓐᓄᑦ ᐅᑭᐅᖏᑦ ᖃᑦᑎᐅᒐᓗᐊᕈᑎᑦ

ᐊᑐᐃᓐᓇᐅᒪᑎᑕᐅᔫᒥᒋᐊᕐᓗᑎᑦ ᐃᑲᔫᑏᑦ.

3.3 ᐊᑐᖅᓴᕋᐃᒍᓐᓇᑦᑎᐊᕐᓂᖅᓴᐅᓗᑎᑦ ᑲᒪᒋᔭᐅᔾᔪᑎᒃᓴᖏᓐᓂᑦ

ᐱᐅᓂᖅᓴᐅᓂᑦ, ᐱᒻᒪᕆᐊᓗᓐᓂᑦ ᐊᒃᓱᕈᖅᑐᒃᑰᒻᒪᕆᑦᑐᑦ ᑲᒪᒋᔭᐅᔾᔪᑎᖏᑕ ᐱᔨᑦᑎᕋᕈᑎᒃᓴᖅᑕᖃᑦᑎᐊᕐᓂᖅᓴᐅᓕᕐᓗᓂ ᓄᓇᓕᓐᓂ ᐃᓄᓐᓄᑦ ᑕᒪᐃᓐᓄᑦ

ᐅᑭᐅᖏᑦ ᖃᑦᑎᐅᒐᓗᐊᕈᑎᑦ ᐱᔨᑦᑎᖅᑕᐅᒍᓐᓇᕐᓂᐊᕐᒪᑕ.

3.4 ᐃᓕᓴᕆᓗᒍ ᐱᖃᑎᒋᔭᐅᔪᑦ

ᐃᑲᔪᖅᑐᐃᓂᖏᑦ ᐃᓚᒋᔭᐅᓪᓚᑦᑖᕐᒪᑦ ᐃᓱᒪᒃᑯᑦ ᐋᓐᓂᐊᖅᑐᓕᕆᓂᕐᒧᑦ ᐱᔨᑦᑎᕋᖅᑕᐅᓂᖏᓐᓂᑦ ᐋᓐᓂᐊᕈᑎᓖᑦ.

3.5 ᐃᒡᓗᖃᕐᓂᖅᓴᐅᑎᑕᐅᓗᑎᑦ ᐃᑲᔪᖅᑐᖅᑕᐅᓗᑎᑦ,

ᑮᓇᐅᔾᔭᒃᓴᕕᑦᑖᖅᑎᑕᐅᖃᑦᑕᕐᓗᑎᑦ, ᐃᖅᑲᓇᐃᔭᖅᑎᑕᐅᓗᑎᑦ

ᐊᒻᒪᓗ ᐃᓕᓐᓂᐊᖅᑎᓪᓗᒋᑦ

ᐃᑲᔪᖅᑐᖅᑕᐅᒍᓐᓇᑦᑎᐊᕐᓂᖅᓴᐅᓗᑎᑦ ᐃᓄᐃᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᓖᑦ ᐋᓐᓂᐊᕈᑎᓖᓪᓗ, ᐊᒻᒪᓗ

ᐃᑲᔪᖅᑐᖅᑕᐅᓂᖅᓴᐅᓗᑎᑦ ᖃᑕᙳᑎᖏᑦ.

ᖃᓄᖅᑑᕈᑕᐅᓯᒪᓂᖓ ᑐᑭᒧᐊᕈᑎᐅᔪᖅ 4:

ᖃᑦᑏᓐᓇᕈᕆᐊᕐᓗᒋᑦ ᐊᑦᑕᕐᓇᕈᑎᒋᔭᐅᔪᑦ ᐱᔾᔪᑎᖏᑦ ᐊᒻᒪᓗ ᐃᓱᒪᒃᑯᑦ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ ᐱᔨᑦᑎᕋᖅᑕᐅᓂᖏᓐᓄᑦ ᐊᕝᕕᐊᕈᑕᐅᔪᑦ ᖃᑦᑏᓐᓇᕈᕆᐊᖅᑕᐅᔫᒥᓗᑎᑦ, ᐊᒻᒪᓗ ᓴᙵᑦᑎᒋᐊᕐᔫᒥᓗᒋᑦ ᑭᙴᒪᔭᖏᑦ ᐊᔾᔨᒌᙱᑦᑐᑦ ᓄᓇᓕᐅᔪᑦ ᐅᑭᐅᖅᑕᖅᑐᒥᐅᑕᐅᔪᓪᓗ

ᑭᒃᑯᓕᒫᑦ ᑲᓇᑕᒥ ᐱᐅᓛᕐᒥᑦ ᐃᓱᒪᒃᑯᑦ ᖃᓄᐃᑦᑕᐃᓕᒪᒍᓐᓇᕆᐊᖃᕐᒪᑕ ᐋᓐᓂᐊᖅᑕᐃᓕᒪᓗᑎᓪᓗ. ᒫᓐᓇᐅᔪᖅ ᑕᒪᓐᓇ ᑲᓇᑕᒥ ᓇᓕᒧᒌᑦᑎᑕᐅᙱᓚᖅ.

ᑖᓐᓇ ᖃᓄᖅᑑᕈᑎᐅᔪᖅ ᑐᑭᒧᐊᕈᑎ ᐅᖃᐅᓯᖃᓗᐊᖅᑐᖅ ᖃᓄᐃᓕᐅᖅᑐᖃᕈᓐᓇᕐᒪᖔᑦ ᑲᒪᒋᔭᐅᑦᑎᐊᒃᑲᓐᓂᖁᓪᓗᒋᑦ ᐃᓱᒪᒃᑯᑦ ᐋᓐᓂᐊᖅᑐᓄᑦ ᐊᑐᖅᑕᐅᔭᕆᐊᖃᓲᑦ ᐃᓄᓐᓄᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᑖᕐᓂᐅᓴᓂᖅᓴᐅᔪᓄᑦ ᐋᓐᓂᐊᓕᖅᓴᕋᐃᓐᓂᖅᓴᐅᒍᓐᓇᖅᑐᓄᓪᓗ, ᐅᕝᕙᓘᓐᓃᑦ

ᐊᔾᔨᒋᙱᑕᖓᓂᑦ ᐃᓱᒪᒃᑯᑦ ᖃᓄᐃᑦᑕᐃᓕᓂᕐᒧᑦ ᐱᓕᕆᐊᓂᑦ ᐱᔨᑦᑎᕋᕈᑎᓂᓪᓗ ᐱᑕᖃᙱᓗᐊᖅᑐᑦ ᐃᓅᓯᖏᑦ−

ᑮᓇᐅᔭᓕᐅᕈᓐᓇᕐᓂᖏᑦ ᐱᓪᓗᒋᑦ; ᐃᓕᖅᑯᓯᖏᑦ ᖃᑦᑏᓐᓇᐅᓛᖑᔪᑦ; ᐅᕕᓂᖓᑕ ᐊᒥᐊᖓ ᐊᔾᔨᒋᔭᐅᙱᓐᓂᖓᓄᑦ ᐱᓪᓗᒍ ᐊᒻᒪᓗ ᐊᓯᐊᒍᑦ ᐊᔾᔨᐅᙱᓐᓂᖓᓄᑦ ᐱᓪᓗᒍ ᑲᒪᒋᔭᐅᓗᐊᕌᓗᑉᐸᙱᑦᑐᓄᑦ ᐊᒻᒪᓗ

ᐱᔾᔪᑎᖃᕋᓗᐊᕈᑎᓪᓘᓐᓃᑦ ᑲᓇᑕᒧᑦ ᓅᑦᑐᒥᓂᐅᔪᑦ, ᐅᑭᐅᖅᑕᖅᑐᒥᐅᑦ ᐅᖓᓯᑦᑐᒥᐅᑦ ᓄᓇᓕᖕᑦ; ᐃᓚᒋᔭᐅᒍᓂ ᖃᑦᑏᓐᓇᐅᓂᖅᓴᐃᑦ ᐅᖃᐅᓯᖃᖅᑐᑦ (ᐅᐃᕖᑦ ᖃᓪᓗᓈᑦ); ᐊᒻᒪᓗ ᐊᕐᓇᐅᒍᓂᓘᓐᓃᑦ ᐊᖑᑕᐅᒍᓂᓘᓐᓃᑦ ᐊᒻᒪᓗ ᐊᐃᑉᐸᖃᖃᑦᑕᓲᖑᒐᓗᐊᖅᐸᑦ ᐊᖑᑎᓂᑦ ᐊᕐᓇᓂᓪᓘᓐᓃᑦ.

ᐃᓅᓯᖏᑦ ᐱᔾᔪᑎᒋᔭᐅᓪᓗᑎᑦ ᓲᕐᓗ ᐊᔪᖅᓴᓗᐊᖅᑐᑦ, ᐃᒡᓗᑭᔅᓴᖅᑐᑦ, ᐊᒻᒪᓗ ᐃᖅᑲᓇᐃᔮᖅᑖᕈᓐᓇᙱᑦᑐᑦ ᐃᓕᓐᓂᐊᕆᐊᕈᓐᓇᙱᑦᑐᓪᓘᓐᓃᑦ ᐊᑦᑐᐃᓂᖃᕈᓐᓇᖅᑐᑦ ᐃᓱᒪᒃᑯᑦ ᐊᓐᓂᐊᖅᑖᕐᓂᕐᒧᑦ ᐊᒻᒪᓗ ᐃᓄᐃᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᑖᕈᑎᒋᔭᐅᓂᖅᓴᐅᒍᓐᓇᖅᑐᑦ ᐋᓐᓂᐊᓕᕈᑕᐅᓂᖅᓴᐅᒍᓐᓇᖅᑐᑎᓪᓘᓐᓃᑦ. ᐅᑭᐅᖅᑕᖅᑐᒥ ᐊᒻᒪᓗ ᐅᖓᓯᑦᑐᒥᐅᑦ ᓄᓇᓖᑦ, ᓴᓗᒪᔪᒥᑦ ᐃᒥᕐᒥᑦ ᐊᑐᐃᓐᓇᖅᑕᖃᙱᑦᑐᑦ, ᐊᑭᑐᓗᐊᖅᑐᑦ ᓂᖀᑦ, ᐊᒻᒪᓗ ᐋᓐᓂᐊᕐᕕᓕᐊᕐᕕᒃᓴᖃᙱᑦᑐᑦ ᐊᒃᓱᕈᕈᑕᐅᒋᕗᑦ. ᓯᕗᓕᖅᑎᑕᖃᕆᐊᓕᒃ ᑕᒪᒃᑯᓂᖓ ᑲᒪᒍᓐᓇᖅᑐᓂᑦ ᐊᓯᔾᔩᓗᑎᑦ ᐋᓐᓂᐊᖅᑐᓕᕆᓂᕐᒧᑦ ᐃᓅᓯᓕᕆᓂᕐᒧᓪᓗ ᐊᑐᐊᒐᕐᒥᑦ ᐊᔾᔨᒌᙱᑦᑑᑕᐅᓂᖏᑦ ᐱᔨᑦᑎᕋᕈᑏᑦ ᑲᒪᒋᔭᐅᖁᓪᓗᒋᑦ ᐊᒻᒪᓗ ᐊᑦᑐᐃᓂᖃᕈᓐᓇᕐᓂᖏᑦ ᐃᓱᒪᒃᑯᑦ.

ᓈᒻᒪᑦᑐᓂᑦ ᐱᔨᑦᑎᕋᕐᕕᒃᓴᒨᕐᕕᒃᓴᒥᑦ ᐊᒃᓱᕈᕈᑕᐅᒋᕗᖅ ᐊᒥᓱᓄᑦ ᑲᑐᔾᔨᔨᐅᔪᓄᑦ. ᑲᒪᒋᔭᐅᓂᐊᖅᑎᓪᓗᒋᑦ ᐃᑲᔪᖅᑐᐃᔾᔪᑎᖏᓪᓗ ᑐᙵᓇᕆᐊᓖᑦ ᐊᑐᕋᒃᓴᐅᑦᑎᐊᕐᓗᑎᑦ ᑲᓇᑕᑉ ᐊᔾᔨᒌᙱᑦᑐᑦ ᐃᓄᖏᓐᓄᑦ. ᑲᑐᔾᔨᖃᑎᒌᑦ ᐊᒻᒪᓗ ᐱᔨᑦᑎᕋᖅᑏᑦ ᖃᐅᔨᒪᔭᕆᐊᓖᑦ ᐅᔾᔨᕈᓱᑦᑎᐊᕐᓗᑎᑦ ᐊᔾᔨᒌᙱᑦᑐᒡᒍᑕᓂᑦ ᐃᓕᖅᑯᓯᕐᓂᑦ, ᐅᖃᐅᓯᕐᓂᑦ, ᐊᕐᓇᓂᑦ ᐊᖑᑕᓂᓪᓗ, ᐊᕐᓇᒥᑦ ᐊᖑᒻᒥᓘᓐᓃᑦ ᐊᐃᑉᐸᖃᓲᖑᓂᖏᓐᓂᑦ, ᐊᒻᒪᓗ ᐊᔾᔨᒌᙱᑦᑐᒃᑯᑦ ᑕᒪᒃᑯᐊ ᑲᒪᒋᔭᐅᓲᖑᓂᖏᓐᓂᑦ. ᑕᐃᒪᐃᒃᑯᑎᑦ ᐊᑐᐃᓐᓇᐅᒪᑎᑦᑎᖃᑦᑕᕐᓗᑎᑦ ᐃᓱᒪᒃᑯᑦ ᐃᑲᔪᖅᑕᐅᔾᔪᑎᓂᑦ ᐱᔨᑦᑎᕋᕈᑎᓂᑦ ᑐᑭᓯᒋᐊᕈᑎᖏᓐᓂᓪᓗ ᖃᑦᑏᓐᓇᐅᒐᓗᐊᕐᓄᑦ ᐃᓕᓴᕆᔭᐅᓯᒪᔪᓄᑦ ᐅᖃᐅᓯᓕᓐᓄᑦ (ᐅᐃᕖᑦ ᖃᓪᓗᓈᑎᑐᑦ), ᐊᒻᒪᓗᑦᑕᐅᖅ ᐊᓯᖏᑦ ᐅᖃᐅᓯᕆᔭᐅᔪᑎᒍᑦ.

ᖄᖓᒍᒃᑲᓐᓂᖅ, ᐃᓱᒪᒃᑯᑦ ᖃᓄᐃᑦᑕᐃᓕᒪᑎᑦᑎᔾᔪᑏᑦ ᓴᙵᑦᑎᑕᐅᔭᕆᐊᓖᑦ ᓄᓇᓕᓐᓂᑦ, ᑲᑐᔾᔨᖃᑎᒌᓂᑦ ᐊᒻᒪᓗ ᓄᓇᓖᑦ ᐱᔨᑦᑎᕋᖅᑎᖏᓐᓂᑦ ᓄᓇᓕᓐᓂ ᐃᖅᑲᓇᐃᔭᖃᑎᖃᓲᕐᓂᑦ. ᐱᒻᒪᕆᐅᒋᕗᖅ ᖃᐅᔨᓴᕐᓗᒋᑦ ᐱᖅᑯᓯᑐᖃᖅᑎᒍᑦ ᖃᐅᔨᒪᔮᕆᔭᐅᔪᑦ, ᐃᓕᖅᑯᓰᑦ, ᐊᒻᒪᓗ ᐱᖅᑯᓰᑦ ᑲᒪᒋᔭᐅᓗᑎᑦ ᐃᓱᒪᒃᑯᑦ ᐊᑲᐅᙱᓕᐅᕈᑎᐅᔪᑦ ᐋᓐᓂᐊᕈᑏᓪᓗ ᑲᓇᑕᒧᑦ ᓅᑎᖅᓯᒪᔪᓄᑦ, ᐅᓇᑕᖅᑐᑕᖃᕐᓂᖓᓄᑦ ᓄᓇᖓᓂ ᑕᒪᐅᖓ ᑲᓇᑕᒨᖅᓯᒪᔪᑦ,

ᐃᓕᖅᑯᓯᖏᑦ ᐊᔾᔨᒌᙱᑦᑐᑦ, ᐊᒻᒪᓗ ᐅᕕᓂᖏᑦ ᐊᔾᔨᒌᙱᑐᒡᒍᑕᐅᔪᑦ ᓄᓇᖅᑲᑎᒌᑦ, ᐊᒻᒪᓗ ᐱᐅᓯᕚᓪᓕᖅᑎᓪᓗᒍ ᐊᑐᖅᑕᐅᔪᓐᓇᕐᓂᖏᑦ ᐊᐅᓚᓂᖃᑦᑎᐊᖅᑑᔪᑦ.