Dae-Mat 2012-2013 - Klas ar re vras REOLADUR
Penaos e kerzh
Tolpet eo rac'h ar vugale en ur sal, ha dispartiet int dre strolladoù lieslive 3 skoliad.
8 problem 'zo da zisoc'hiñ e-korf 2 wezh un hanter euriad. (dre vras ½ euriad a-raok an diduadenn hag ½ euriad goude).
Pep pare a zo ganti ur follenn-respont hag ur c'hreion hepken (pep skoliad a gemero ar c'hreion d'e dro).
Nend eus ket kalz a skridoù : klask ha kenlabourat eo ar pal.
Palioù
Gober matematik en ur zisoc'hiñ problemoù, ha kaout plijadur.
Talvoudekaat ar labour dre skipailh,
Broudiñ an diviz, gant arguzennoù sioul ha kendrec'hus,
Lakaat ar skolidi da gemer o labour e karg (ar skolaer n'eo ket aze
nemet evit broudiñ ar vugale na gemeront ket perzh anezho pe evit lenn an urzhioù pa vez afer).
Reoladur ha mont en-dro
Ar c'hlasad a-bezh a gemera perzh en Dae-Mat, rannet dre strolladoù lieslive 3 c'hrouadur (ar skolaer an hani a ra ar strolladoù).
Ar c'hrouadur a zo ar c'hreion gantañ a zlea bezañ e-kreiz, evit ma vo aes d'an daou grouadur arall kenlabourat.
Ur listennad 8 problem a zo da zisoc'hiñ gant ar c'hlasad.
Unan a unan e vo roet ar problemoù d'ar strolladoù.
A-raok an diduadenn : 4 froblem a vo lennet o urzhioù 2 wezh hepken gant ar c'helenner. Rac'h ar strolladoù a laboura war ar memes problem ; ar c'helenner a ranka meriñ an amzer (mad eo re hir e skuizha ar skolidi ; neuze n'eo ket ret gortoz ken na vo achu gant tout ar strolladoù evit chañj poelladenn).
Dae-Mat 2012-2013 – Reoladur klas ar re Vras – p 1
Goude an diduadenn : 4 froblem arall. Emren eo ar strolladoù neuze, hag e labouront hervez o lusk. Ar c'helenner a ginnig ar problemoù unan a unan, a-getezh mad eo prest ar vugale. Gellout a ra ar skolaer sikour un tamm gant ar vugale kompren an urzhioù, met evit an amprouenn pleustriñ hepken.
Interesant eo bodiñ ar c'hlasad e achuamant an amprouenn evit diviz a- ziwar an disoc'hoù, ar strategiezh, ar mod da labourat, soñjoù ar vugale....
Pouezus-bras eo ar prantad-se evit ma vo efedusoc'h-efedus ar labour a strolladoù.
Respontoù
Respontet e vez war ar fichenn-amprouañ , unan evit ar c'hlasad
Amprouenn pleustriñ : difariet gant pep skolaer
Amprouennoù 1 ha 2 : pep klas a gas e respontoù da : Gwenn Vorc'h – IEN – 9 rue Jouanno – 56300 Pontivy, kentizh evel mad eo achu an amprouenn.
Prizioù
Pep klas a resevo un diplom dre lizher.
Deizadur
etre an 08/10/2012 hag an 26/10/2012 Amprouenn pleustriñ etre ar 07/01/2013 hag ar 25/01/2013 Amprouenn gentañ etre an 11/03/2013 hag ar 04/04/2012 Eil amprouenn
adal sizhun 19 (06 - 11 a viz Mae) Kaset e vo an diplomoù d'ar c'hlasoù.
A bep seurt
Pouezus bras eo heuliiñ reolennoù diazez ur Dae-Mat :
lenn an urzhioù 2 wezh hepken....
laoskel ar vugale da vout en arvar, da glask, da vezañ lakaet diaes : chañj a ra o emzalc'h a boelladenn da boelladenn, a amprouenn da amprouenn.
Dae-Mat 2012-2013 – Reoladur klas ar re Vras – p 2
Lieslive e tlea bezañ ar strolladoù, met ne faot ket ma vo re vras ar c'hemmoù etre ar vugale (live matematik, emzalc'h) ; a modarall e c'hell chom bugale'zo hep kemer perzh.
Ar skoaler a c'hell sellout doc'h ar strolladoù oc'h labourat ; dreistholl a- zivout ar c'henlabour pe ar veviñ asambl.
Gellout a reer reiñ ur fichenn-respont brouilhet da gentañ.
Diwallit : an amprouenn pleustriñ n'eo ket un amprouenn wir : evit esae an hani eo ! Gellout a ra ar skoaler sikour muioc'h gant ar skolidi a-zivout ar vetodenn labour (pep unan a gemera perzh, selaou, displegiñ ar
respontoù).
Dae-Mat 2012-2013 Follenn enskriviñ
Anv ar skol
Chomlec'h
Niver a vugale er c'hlas
Anv ar skolaer
Da gas en-dro da :
Gwenn Vorc'h – IEN – 9 rue Jouanno – 56300 Pontivy
Dae-Mat 2012-2013 – Reoladur klas ar re Vras – p 3
